દુનિયામાં કોરોના વાયરસ ફરીથી વકર્યો, છેલ્લા 24 કલાકમાં સામે આવ્યા 6 લાખ નવા કેસ, જાણો વિગતે

વેબસાઇટ વર્લ્ડોમીટ અનુસાર, દુનિયામાં અત્યાર સુધી પાંચ કરોડ 24 લાખ 29 હજાર 682 કેસો સામે આવી ચૂક્યા છે. વળી, અત્યાર સુધી 12 લાખ 89 હજાર 493 લોકોના મોત થઇ ચૂક્યા છે

નવી દિલ્હીઃ કેટલાય દેશોમાં ઠંડીની સિઝનની સાથે સાથે હવે કોરોના વાયરસના કેસોમાં વધારો થઇ રહ્યો છે. દુનિયામાં છેલ્લા 24 કલાકમાં કોરોના વાયરસના 6 લાખ 13 હજાર 436 નવા કેસો સામે આવ્યા છે. દુનિયાના સૌથી શક્તિશાળી દેશ અમેરિકમાં સ્થિતિ એકદમ ખરાબ થવા લાગી છે. ત્યાં હવે કેસોની સંખ્યા વધવા લાગી છે, અને રોજ દોઢ થી બે લાખ નવા કેસો સામે આવી રહ્યાં છે. વેબસાઇટ વર્લ્ડોમીટ અનુસાર, દુનિયામાં અત્યાર સુધી પાંચ કરોડ 24 લાખ 29 હજાર 682 કેસો સામે આવી ચૂક્યા છે. વળી, અત્યાર સુધી 12 લાખ 89 હજાર 493 લોકોના મોત થઇ ચૂક્યા છે. દુનિયામાં હવે 14 કરોડ 46 લાખ 5 હજાર 731 લોકોની સારવાર ચાલી રહી છે, જેમાં 95 હજાર લોકોની હાલત ગંભીર છે. કયા દેશમાં કેટલા કેસ? અમેરિકાઃ 10,708,630 કેસ, 247,397 મોત ભારતઃ 8,684,039 કેસ, 128,165 મોત બ્રાઝિલઃ 5,749,007 કેસ, 163,406 મોત ફ્રાન્સઃ 1,865,538 કેસ, 42,535 મોત રશિયાઃ 1,836,960 કેસ, 31,593 મોત સ્પેનઃ 1,463,093 કેસ, 40,105 મોત આર્જેન્ટીનાઃ 1,273,356 કેસ, 34,531 મોત યૂકેઃ 1,256,725 કેસ, 50,365 મોત કોલંબિયાઃ 1,165,326 કેસ, 33,312 મોત ઇટાલીઃ 1,028,424 કેસ, 42,953 મોત