Types of Headaches: ટેન્શનથી લઇ માઇગ્રેન સુધી હેડેકના 5 પ્રકારો જાણો

Types of Headaches: માથાનો દુખાવો આપણે સામાન્ય રીતે એક કે બે પ્રકારનો માનીએ છે. પરંતુ તમને જાણીને આશ્ચર્ય થશે કે માથાના દુખાવાના એક કે બે નહીં પરંતુ 5 અલગ-અલગ પ્રકારના હોય છે.

પ્રતિકાત્મક તસવીર

ટેન્શન હેડેક: આમાં માથાના આગળના ભાગમાં દુખાવો થાય છે. આ દુખાવો હળવો થી મધ્યમ હોઈ શકે છે. આ તણાવ ખોટી બેસવાની ટેવ, વધુ સ્ક્રીન સમય અને સમયસર ભોજન ન લેવાને કારણે થાય છે.

માઇગ્રેન: આમાં માથાના એક બાજુ ભારે દુખાવો થાય છે. નિષ્ણાતો મુજબ, જે 4થી 72 કલાક સુધી રહી શકે છે. તેની સાથે ઉલટીની તકલીફ પણ થાય છે. કેટલાક લોકોને દુખાવા પહેલા હાથ સુન્ન થવા જેવા સંકેતો મળે છે. હોર્મોનલમાં ફેરફારો, ચોકલેટ અથવા ચીઝ જેવા ખોરાક, ઊંઘનો અભાવ, હવામાન અને તણાવ માઈગ્રેનને ઉત્તેજિત કરી શકે છે.

ક્લસ્ટર હેડેક: ક્લસ્ટર હેડેક અચાનક શરૂ થાય છે અને આંખ અથવા કાનની બાજુએ ભારે દુખાવો થવા લાગે છે. દુખાવો 1થી 3 કલાક સુધી રહી શકે છે. આ દરમિયાન આંખમાં પાણી આવવું, નાક વહેવું અથવા બંધ થવું જેવા લક્ષણો દેખાય છે. સામાન્ય રીતે આ હેડેક 30 વર્ષની આસપાસના પુરુષોમાં વધારે જોવા મળે છે.

સાઇનસ હેડેક: આમાં ગાલ, કપાળ અથવા નાકની હાડકાની નજીક ઊંડો દુખાવો થાય છે. ઘણી વખત તેને ઠંડી કે એલર્જી સમજી લેવામાં આવે છે. સવારે આ દુખાવો વધુ હોય છે અને દિવસ દરમિયાન થોડો ઓછો થાય છે

થન્ડરક્લેપ હેડેક: આ દુખાવો અચાનક અને અત્યંત તીવ્ર હોય છે. આ દુખાવો એક કલાક કે વધુ સમય સુધી રહી શકે છે. આ મગજમાં બ્લીડિંગ અથવા ખૂબ જ વધારે બ્લડ પ્રેશરનો સંકેત હોઈ શકે છે. આને મેડિકલ ઇમરજન્સી માનવામાં આવે છે

દરેક માથાના દુખાવાને અવગણવું યોગ્ય નથી. જો માથાનો દુખાવો વારંવાર થાય, ખૂબ જ તીવ્ર હોય અથવા નવા લક્ષણો સાથે આવે, તો તરત જ ડૉક્ટરની સલાહ લેવી જોઈએ. સમયસર ઓળખ અને સારવારથી મોટી સમસ્યાઓથી બચી શકાય છે.

Disclaimer: અહીં, પૂરી પાડવામાં આવેલ વિગતો માત્ર મીડિયા રિપોર્ટ્સ પર આધારિત છે. એબીપી અસ્મિતા કોઈપણ પ્રકારની માન્યતા, માહિતીને સમર્થન આપતું નથી.