પરિવારથી અલગ થયા છો? જાણો નવું રેશન કાર્ડ મેળવવાની આસાન પ્રક્રિયા અને જરૂરી નિયમો

જૂના રેશન કાર્ડમાંથી નામ કઢાવવાથી લઈને ઘરે બેઠા ઓનલાઈન અરજી કરવા સુધીની સંપૂર્ણ માહિતી; જાણો નવા કાર્ડ માટે કયા દસ્તાવેજોની પડશે જરૂર.

how to apply new ration card in gujarat online process documents guide

અલગ રેશન કાર્ડ મેળવવા માટે સૌથી પ્રથમ પગલું જૂના રેશન કાર્ડમાંથી તમારું નામ કમી કરાવવાનું છે. આ માટે તમારે નજીકના જાહેર સેવા કેન્દ્ર (CSC) અથવા ખાદ્ય અને નાગરિક પુરવઠા વિભાગની કચેરીનો સંપર્ક કરવાનો રહે છે.

ત્યાં નામ કઢાવવાનું ફોર્મ ભરીને તેની સાથે આધાર કાર્ડ અને જૂના રેશન કાર્ડની ઝેરોક્ષ જમા કરાવવાની રહેશે. આ પ્રક્રિયા પૂરી થતાં જ તમને વિભાગ તરફથી એક 'સરેન્ડર સર્ટિફિકેટ' અથવા 'સરેન્ડર સ્લિપ' આપવામાં આવશે.

સરેન્ડર સ્લિપ મળ્યા બાદ જ તમે નવા રેશન કાર્ડ માટે સત્તાવાર રીતે આગળની અરજી કરી શકશો. અરજી માટે આધાર કાર્ડ, આવકનો દાખલો, નવા સરનામાનો પુરાવો, બેંક પાસબુકની ઝેરોક્ષ અને પરિવારના મુખિયાનો પાસપોર્ટ સાઇઝનો ફોટો જરૂરી રહેશે.

નવા રેશન કાર્ડ માટે અરજી તમે રાજ્યના ખાદ્ય પુરવઠા વિભાગની સત્તાવાર વેબસાઇટ પરથી ઓનલાઈન કરી શકો છો. આ ઉપરાંત સ્માર્ટફોનમાં 'ઉમંગ' (Umang) એપની મદદથી પણ ઘરે બેઠા સરળતાથી અરજી કરવાની સુવિધા ઉપલબ્ધ છે.

અરજી કરતી વખતે ખાસ ધ્યાન રાખવું કે તમારી નોંધણી એક 'સ્વતંત્ર પરિવાર' તરીકે જ કરવાની રહેશે. ઓનલાઈન ફોર્મ સબમિટ થયા બાદ વિભાગ દ્વારા આગામી પ્રક્રિયા હાથ ધરવામાં આવે છે.

અરજી પ્રક્રિયા પૂર્ણ થયા પછી ખાદ્ય પુરવઠા વિભાગના અધિકારીઓ તમારા નવા સરનામા પર રૂબરૂ આવીને ચકાસણી કરશે. તેઓ ખાતરી કરશે કે તમે ખરેખર અલગ રહો છો અને તમારું રસોડું અલગ છે.

હોમ વેરિફિકેશન રિપોર્ટ સકારાત્મક આવ્યા બાદ વિભાગ દ્વારા તમારું નવું રેશન કાર્ડ મંજૂર કરીને ઈશ્યૂ કરી દેવામાં આવશે. આ રીતે તમે ખૂબ જ સરળતાથી પોતાનું નવું રેશન કાર્ડ મેળવી શકો છો.