Petrol Price Hike: શું પ્રીમિયમ પેટ્રોલમાં ઇથેનોલ પણ ઉમેરવામાં આવે છે, તો તેને પ્રીમિયમ કેમ કહેવામાં આવે છે?

Petrol Price Hike: વિશ્વભરમાં ઇંધણના ભાવ વધી રહ્યા છે. મધ્ય પૂર્વમાં ચાલી રહેલા તણાવે ઇંધણના ભાવ પર અસર કરી છે. તાજેતરમાં પ્રીમિયમ પેટ્રોલ અને પ્રીમિયમ ડીઝલના ભાવમાં વધારો જોવા મળ્યો છે.

પ્રતિકાત્મક તસવીર

ભારતના પેટ્રોલ પુરવઠામાં ઇથેનોલનનું મિશ્રણ સામાન્ય બન્યું છે. પરંતુ પ્રશ્ન એ ઊભો થાય છે કે જો રેગ્યુલર અને પ્રીમિયમ પેટ્રોલ બંનેમાં ઇથેનોલ હોય છે, તો પ્રીમિયમ ફ્યુઅલને કેમ અલગ માનવામાં આવે છે?

હાલના સરકારી નિયમો અનુસાર, સમગ્ર ભારતમાં રેગ્યુલર અને પ્રીમિયમ પેટ્રોલ બંનેમાં ઇથેનોલ મિશ્રણનો ઉપયોગ થાય છે. આનો અર્થ એ છે કે પ્રીમિયમ ફ્યુઅલ પણ ઇથેનોલથી મુક્ત નથી.

મુખ્ય તફાવત ઓક્ટેન રેટિંગમાં રહેલો છે. પ્રીમિયમ પેટ્રોલમાં સામાન્ય રીતે ઓક્ટેન નંબર વધારે હોય છે, જે 95 RON કે તેથી વધુ સુધી પહોંચે છે. આનાથી એન્જિનમાં બળતણ વધુ કાર્યક્ષમ રીતે બળી શકે છે. જેનાથી દહન પ્રક્રિયા પર વધુ સારું નિયંત્રણ મળે છે.

પ્રીમિયમ પેટ્રોલથી ઈન્જિનમાં થતી ‘નૉકિંગ’ અથવા ‘પિંગ’ અવાજને ઘટાડવામાં મદદ મળી શકે છે. પરિણામે ઈન્જિનની કામગીરી સ્મૂથ બને છે અને તેના ભાગો પર પડતો દબાણ ઓછો થાય છે.

રેગ્યુલર પેટ્રોલની સરખામણીએ પ્રીમિયમ પેટ્રોલમાં ખાસ પ્રકારના ક્લીનિંગ ડિટર્જન્ટ અને એડિટિવ્સ હોય છે. આ રસાયણો એન્જિનના ભાગોને સ્વચ્છ રાખવામાં મદદ કરે છે. ઉચ્ચ કોમ્પ્રેશનવાળા એન્જિનો માટે પ્રીમીયમ પેટ્રોલ હોય છે. આ પેટ્રોલ વધુ સારી રીતે કામ કરી શકે છે. સ્મૂથ ડ્રાઇવિંગ માટે ઉચ્ચ ગુણવત્તાળા ઈંધણની જરૂર પડે છે.

જોકે બંને પ્રકારના પેટ્રોલમાં ઇથેનોલ બ્લેન્ડિંગ સામાન્ય છે. છતાં પ્રીમિયમ પેટ્રોલ તેની વિશિષ્ટ રચનાને કારણે અલગ પડે છે. વધુ ઓક્ટેન અને એડિટિવ્સના સંયોજનથી તે વધુ સારું માઈલેજ અને ઉત્તમ ડ્રાઇવિંગનો અનુભવ આપે છે.

Disclaimer: અહીં, પૂરી પાડવામાં આવેલ વિગતો માત્ર મીડિયા રિપોર્ટ્સ પર આધારિત છે. એબીપી અસ્મિતા કોઈપણ પ્રકારની માન્યતા, માહિતીને સમર્થન આપતું નથી.