Facebook તમારી દરેક ગતિવિધિ પર રાખી રહ્યું છે નજર! માત્ર 1 મિનિટમાં બંધ કરો આ સેટિંગ

Facebook તમારી દરેક ગતિવિધિ પર રાખી રહ્યું છે નજર! માત્ર 1 મિનિટમાં બંધ કરો આ સેટિંગ

પ્રતિકાત્મક તસવીર

જો તમે ફેસબુકનો ઉપયોગ કરો છો તો તમને એ જાણીને નવાઈ લાગશે કે મેટા તમારી ઓનલાઈન પ્રવૃત્તિઓ પર સતત નજર રાખી શકે છે. તમે શું શોધો છો, કઈ વેબસાઇટની મુલાકાત લો છો અને કઈ એપ્લિકેશનો સાથે કનેક્ટ થાઓ છો તે બધું બેકગ્રાઉન્ડમાં ટ્રેક કરવામાં આવે છે. ઘણા વપરાશકર્તાઓને ખબર નથી હોતી કે તેમનો ડેટા ક્યારે અને કેવી રીતે ઉપયોગમાં લેવાય છે. સદનસીબે, તમે આ ટ્રેકિંગને જાતે જોઈ શકો છો અને બંધ પણ કરી શકો છો.

Meta એ Facebook એપ્લિકેશનમાં એક એવું ઓપ્શન આપ્યું છે જેનાથી તમે તમારી કઈ એક્ટિવિટી ટ્રેક કરવામાં આવી રહી છે તે જોવાની મંજૂરી આપે છે અને જો જરૂરી હોય તો તેને દૂર કરી શકે છે. આ કરવા માટે પહેલા તમારા ફોન પર Facebook એપ્લિકેશન ખોલો.

એપ્લિકેશન ખુલતાની સાથે જ ટોચ પર ત્રણ-લાઇન મેનૂ આઇકોન પર ટેપ કરો. નીચે સ્ક્રોલ કરો અને તમને Settings & Privacy વિકલ્પ દેખાશે, જ્યાં તમે તમારી સેટિંગ્સને ઍક્સેસ કરી શકો છો.

સેટિંગ્સ ઓપન કરતા જ તમને Accounts Center ઓપ્શન મળશે. ત્યાં જઈ See More in Accounts Centre પર ટેપ કરો. આગલી સ્ક્રીન પર, તમને ઘણી એકાઉન્ટ-સંબંધિત વિગતો દેખાશે, જેમાંથી તમારે Your Information and Permissions પસંદ કરવાની જરૂર પડશે. આ સેક્શનમાં આગળ વધવા પર રાખવાથી Your Activity off Meta Technologies નામનો વિકલ્પ દેખાશે.

અહીં તમને જોવા મળશે કે હાલમાં Meta એ તમારી કઈ-કઈ ગતિવિધિઓ ટ્રેક કરી છે. જો તમે ઈચ્છો તો તમે અહીંથી જૂની એક્ટિવિટીને સાફ કરી શકો છો અથવા કોઈ ચોક્કસ એપ્લિકેશન અથવા વેબસાઇટ પરથી ટ્રેકિંગ ડિસ્કનેક્ટ કરી શકો છો. વધુમાં જો તમે ભવિષ્યમાં નથી ઈચ્છતા કે તમારી ગતિવિધિઓ ટ્રેક કરવામાં આવે તો તમે Manage વિકલ્પ પર જઈ Disconnect Future Activity પસંદ કરી શકો છો.

એકવાર તમે આ સેટિંગ બંધ કરી દો પછી Meta તમારી આવનારી એક્ટિવિટીને પોતાના એકાઉન્ટ સાથે જોડી ટ્રેક નહીં કરી શકે. માત્ર એક જ મિનિટમાં તમે તમારી પ્રાઈવેસી પર ફરી કંટ્રોલ કરી શકો છો. જો તમે નથી ઈચ્છતા કે તમારી દરેક ઓનલાઈન એક્ટિવિટી પર નજર રાખવામાં આવે તો આ સેટિંગ તપાસવાનું ભૂલશો નહીં અને તેને સમયસર બંધ કરી દો.