8 મેથી બદલાઈ જશે Instagram, તમારી ચેટ્સ હવે નહીં કરે પ્રાઈવેટ

8 મેથી બદલાઈ જશે Instagram, તમારી ચેટ્સ હવે નહીં કરે પ્રાઈવેટ

પ્રતિકાત્મક તસવીર

8 મેથી ઇન્સ્ટાગ્રામ એક મોટા ફેરફારમાંથી પસાર થવાનું છે. મેટાના ફોટો અને વિડિયો શેરિંગ પ્લેટફોર્મ પર ખાનગી ચેટ્સ હવે ખાનગી રહેશે નહીં. કંપનીએ આ મહત્વપૂર્ણ નિર્ણય લીધો છે. મેટાએ એક બ્લોગ પોસ્ટમાં આ જાહેરાત કરી છે. મેટાએ ઇન્સ્ટાગ્રામ ડીએમમાંથી એન્ડ-ટુ-એન્ડ એન્ક્રિપ્શન (E2EE) સુવિધા દૂર કરવાનો નિર્ણય લીધો છે.

મેટાએ તેના બ્લોગ પોસ્ટમાં પુષ્ટિ કરી છે કે એન્ડ-ટુ-એન્ડ એન્ક્રિપ્શન હવે ઇન્સ્ટાગ્રામના ડાયરેક્ટ મેસેજમાંથી દૂર કરવામાં આવ્યું છે. ડિસેમ્બર 2023 માં ઇન્સ્ટાગ્રામમાં એન્ડ-ટુ-એન્ડ એન્ક્રિપ્શન ઉમેરવામાં આવ્યું હતું. મેટાએ ઇન્સ્ટાગ્રામ અને ફેસબુક મેસેન્જર માટે વોટ્સએપની જેમ E2EE સુવિધા રોલઆઉટ કરી હતી.

એન્ડ-ટુ-એન્ડ એન્ક્રિપ્શન સુવિધાને દૂર કરવાનો અર્થ એ છે કે જો તમે ઇન્સ્ટાગ્રામ પર કોઈની સાથે ચેટ કરો છો તો મેટા પાસે હવે તેની ઍક્સેસ હશે એટલે કે તમારી ચેટ્સ હવે ખાનગી રહેશે નહીં. E2EE હેઠળ, ફક્ત મોકલનાર અને પ્રાપ્તકર્તા જ ઇન્સ્ટાગ્રામ પર તમારી વાતચીતોને ઍક્સેસ કરી શકે છે. મેટા પણ તેમને ઍક્સેસ કરી શકતું નથી.

મેટાએ તેના બ્લોગ પોસ્ટમાં સમજાવ્યું છે કે, જો તમે ઇન્સ્ટાગ્રામમાં આ ફેરફારને કારણે તમારી જૂની વાતચીતોને ખાનગી રાખવા માંગતા હોય તો તમે આપેલી સૂચનાઓનો ઉપયોગ કરીને તમારા વ્યક્તિગત મીડિયા અને ચેટ્સ ડાઉનલોડ કરી શકો છો. વ્યક્તિગત ચેટ્સ ડાઉનલોડ કરવા માટે વપરાશકર્તાઓએ તેમની ઇન્સ્ટાગ્રામ એપ્લિકેશનને લેટેસ્ટ વર્ઝન પર અપડેટ કરવાની જરૂર પડશે.

મેટાના નિર્ણય બાદ વપરાશકર્તાઓ વિચારી રહ્યા હશે કે શું ફેસબુક મેસેન્જર પણ ઇન્સ્ટાગ્રામ પછી એન્ડ-ટુ-એન્ડ એન્ક્રિપ્શન દૂર કરશે. કંપની દ્વારા આ બાબતે કોઈ સત્તાવાર માહિતી શેર કરવામાં આવી નથી.

વોટ્સએપની જેમ, ઇન્સ્ટાગ્રામ અને ફેસબુક મેસેન્જરમાં એન્ડ-ટુ-એન્ડ એન્ક્રિપ્શન છે, જે બંને પ્લેટફોર્મ પર એક-થી-એક વાતચીતને સંપૂર્ણપણે ખાનગી રાખે છે. મેટા કે અન્ય કોઈ એજન્સી તેને ઍક્સેસ કરી શકતી નથી.