LED બલ્બ બાદ હવે સરકાર આપશે વીજળી બચાવતા પંખા અને ટ્યુબલાઈટ, જાણો કેટલી છે કિંમત ?

સરકાર એલઇડી બલ્બની જેમ હાલની ટ્યુબલાઇટ કરતા 30 ટકા પાવર ઓછો વાપરે તેવી ટ્યૂબલાઇટ અને પંખો ફાઇવસ્ટાર રેટિંગવાળો લાવશે. ઉપરાંત રેગ્યુલેટર તમે જેટલું ઓછુ રાખો તેટલો ઓછો વીજ વપરાશ થાય તેવો પંખો લાવવામાં આવશે. પંખઆની અંદાજે કિમંત રૂ. 1100 માં અને ટ્યૂબલાઇટ રૂ. 230 રખાશે.

અમદાવાદઃ રાજ્ય સરકાર દ્વારા કેંદ્ર સરકારની એલઇડી બલ્બની યોજના અમલમાં મુકાયા પછી ઓછા વોલ્ટેજ ખેંચે તેવી ટ્યૂબલાઇટ અને પંખાની યોજના પણ અમલમાં લાવવા મથી રહી છે.

પણ હજુ ઓક્ટોબરની ત્રીજા સપ્તાહ સુધીમાં સ્ટોક થઇ જાય તેવી ગણતરી છે અને દિવાળી સુધીમાં યોજનાનો અમલ કરવાની સરકારની ગણતરી છે. સ્ટોકની સામે ડિમાન્ડ વધારે ઊભી થાય અને ખોટી ભાગોદોડ નાગરિકોને ન કરવી પડે તેની તકેદારી રાખીને સરકાર યોજના અમલમાં મૂકવા માંગે છે. તેમ ઉર્જા મંત્ર ચીમન પટેલે જણાવ્યું હતું.

સરકાર દ્વારા આ યોજનાને અંતિમ સ્વરૂપ આપવા માટેની તૈયારીઓ થઇ ગઇ છે. આમ તો ઓક્ટોબરમાં પીજીવીસીએલના વિતરણ કેંદ્રો પર સ્ટોક ઉભો કરવાની હતી.