અમદાવાદમાં વીજળીના કડાકા-ભડાકા સાથે વરસાદનું આગમન, રાજ્યમાં અનેક જગ્યાએ વરસાદી માહોલ

વરસાદના કારણે ઓફિસેથી છૂટીને ઘરે જતાં લોકો અટવાઈ ગયા હતા. કેટલીક જગ્યાએ ટ્રાફિક જામના દ્રશ્યો પણ સર્જાયા હતા.

છોટાઉદેપુર, સાંબરકાંઠા, દાહોદ અને પંચમહાલમાં વરસાદની મેઘમહેરથી ખેડૂતોમાં ખુશીનો માહોલ છવાઇ ગયો હતો. વરસાદથી મુરજાતી મોલાતને નવજીવન મળ્યું છે.

આ ઉપરાંત રાણીપ, એસજી હાઇવે, મેમનગર, સાબરમતી, ખોખરા, હાટકેશ્વર,સરખેજ, ઘાટલોડિયા, વસ્ત્રાપુર, આશ્રમરોડ, પાલડી, વેજલપુર, શાહપુર, રાયપુર, ખાનપુર, ઓઢવ, વસ્ત્રાલ, રખિયાલ સહિતના મોટાભાગના વિસ્તારોમાં વરસાદ પડતાં વાતાવરણમાં ઠંકક પ્રસરી ગઈ હતી.

અમદાવાદઃ અમદાવાદમાં આજે સાંજે વીજળીના કડાકા-ભડાકા સાથે મેઘરાજાની એન્ટ્રી થઈ હતી. શહેરના સેટેલાઇટ, બોપલ, પ્રહલાદનગર, મણિનગર, બાપુનગર, વૈષ્ણોદેવી, ઈન્ડિયાકોલોની સહિતના વિસ્તારોમાં વરસાદ પડ્યો હતો.