ભાજપના સાંસદને લાફો ઠોકનાર જેલમાં પણ ન રહ્યો સીધો, જાણો જેલમાં કોને માર્યો લાફો

રાજકોટ: હાલ સમૂહ લગ્નની સીઝન ચાલી રહી છે. ત્યારે સુરેન્દ્રનગરમાં સમૂહ લગ્નમાં રાજ્ય સભાના સાંસદને અને ધ્રાંગધ્રા કાર્ટ કેમ્પસમાં વકીલને લાફો મારનાર વ્યક્તિને પોલીસ કાર્યવાહી બાદ ત્યાંની સબજેલમાં લાવવામાં આવ્યો હતો. ત્યાં પણ આ વ્યક્તિએ જેલના જૂનિયર કલાર્કને ગાળો ભાંડી લાફો મારીને તેના પર હુમલો કર્યો હતો. તેમજ મારી નાંખવાની ધમકી પણ આપી હતી.

બીજી બાજુ હૂમલાખોર વ્યક્તિને છાતીમાં દુઃખાવો થયાની ફરિયાદ કરતા પોલીસ જાપ્તા હેઠળ તેને પણ ગાંધી હોસ્પિટલે ખસેડાયો હતો. અમરાપરના ફડાકા ફેઈમ શખ્સે જેલમાં પણ કર્મીને ફડાકાવાળી કરતાએ-ડીવીઝન પોલીસ મથકે ફરિયાદ નોંધાઈ છે.

સૂત્રો પાસેથી મળતી માહિતી પ્રમાણે, આ ઘટનાથી સનસનાટી મચી જવા પામી છે. સબજેલના જુનિયર કલાર્કને ઘટનાને પગલે હોસ્પિટલમાં ખસેડાયો હતો.