માંડવી ચેકપોસ્ટ પાસેથી દારૂ સાથે ઝડપાયેલી લેડી ડોન સોનુ ડાંગર કોણ છે? જાણો

ગત સોમવારે સોન ડાંગર તેમજ સિધ્ધાર્થ પ્રવિણ ડેર તથા અન્ય બેનાં કબ્જામાંથી વિદેશી દારૂ તેમજ બિયરનો જથ્થો રૂ.14,300 તેમજ કારની કિમત.રૂ 5 લાખ મળી કુલ 5,14,300નાં મુદામાલ સાથે સોનુ ડાંગર સહિત 3 સામે કાર્યવાહી હાથ ધરી હતી.

આ સિવાય અગાઉ તે ટ્રાફિક પોલીસની ફરજમાં રૂકાવટ, ખંડણી-પ્રોટેક્શન મની માટે બિલ્ડરને ધમકી આપીને સાઇટ ઉપર તોડફોડ કરવાના ગુનામાં પકડાઈ ચૂકી છે. આ પછી તે જૂનાગઢમાંથી બે રિવોલ્વર, પિસ્તોલ સાથે ઝડપાઇ હતી.

સોનુ ઉર્ફે ઉષા ચંદુભાઇ ડાંગરે મુગ્ધાવસ્થા દરમિયાન બુટલેગર સંજય રાજપૂત સાથે લગ્ન કર્યા હતા. લગ્ન પછી સોનુએ ગુનાખોરીની દુનિયામાં પ્રવેશ કર્યો હતો. તેની સામે દિયર ઉપર ખૂની હુમલો, પતિ સાથે ગાંધીગ્રામના કિરણ ઉર્ફે કાબરાની હત્યા, મારામારી અને છરીથી હુમલા સહિતના અનેક ગુનામાં પોલીસ ચોપડે છે.

રાજકોટઃ ગત સોમવારે રાતે ઉના પોલીસે અહેમદપુર-માંડવી ચેકપોસ્ટ પાસેથી વિદેશી દારૂ સાથે સોનુ ડાંગરને પકડી પાડી હતી. સોનુ દિવથી આઇ ટ્વેન્ટી કાર નં. જીજે 3 જીએલ 3838માં આવતી હતી, ત્યારે પોલીસે રોકાવીને તપાસ કરતાં રૂ. 14,300ની કિંમતનો વિદેશી દારૂ મળી આવ્યો હતો. આ પછી સોનુ અને તેના સાગરીતોની ધરપકડ કરીને આગળની કાર્યવાહી હાથ ધરી હતી. ત્યારે આવો જાણીએ આ સોનુ ડાંગર કોણ છે.