મુંબઈમાં ક્રિકેટરની થઈ હત્યા, પરીણિત હોવા છતાં ગર્લફ્રેન્ડ સાથે રાત્રે નિકળેલો ને કોણે પતાવી દીધો? જાણો વિગત

રાકેશ પર હુમલો થયો ત્યારે તે ભાંડુપમાં મહાવીર પેટ્રોલ પંપ પાસે ચુકવણી કરી રહ્યો હતો. રાકેશ પવાર પ્રોફેશનલ ક્રિકેટર હતો અને જિલ્લા સ્તરે ક્રિકેટ રમતો હતો.

મુંબઈઃ વર્લ્ડકપ 2019 દરમિયાન મુંબઈથી એક ખરાબ સમાચાર સામે આવ્યા છે. મુંબઈના ભાંડુપ વિસ્તારમાં એક ક્રિકેટરની ગુરુવાર રાત્રે હત્યા કરવામાં આવી છે. હત્યાના સમયે ક્રિકેટર રાકેશ પવાર પોતાની ગર્લફ્રેન્ડ સાથે બાઈક પર જઈ રહ્યા હતા. આ કેસની તપાસ એ મહિલા અધિકારીને સોંપવામાં આવી છે જેણે એક સમયે રાકેશ પવારને સારી રમત માટે સન્માનિત કર્યા હતા. આ હત્યાકાંડમાં રાકેશ પવારની ગર્લફ્રેન્ડની ભૂમિકા શંકાસ્પદ જોવા મળી રહી છે. પોલીસે ગર્લફ્રેન્ડની અટકાયત કરી પૂછપરછ કરી રહી છે. જ્યારે હત્યારાઓ ઘટનાસ્થળેથી ફરાર થઈ ગયા છે. રાકેશ પર હુમલો થયો ત્યારે તે ભાંડુપમાં મહાવીર પેટ્રોલ પંપ પાસે ચુકવણી કરી રહ્યો હતો. રાકેશ પવાર પ્રોફેશનલ ક્રિકેટર હતો અને જિલ્લા સ્તરે ક્રિકેટ રમતો હતો. સાથે સાથે બાળકોને ક્રિકેટનું કૉચિંગ આપતો હતો. આ ઘટના બાદ ભાંડુપ પોલીસ તાત્કાલિક ઘટનાસ્થળે પહોંચી હતી અને રાકેશને નજીકની હૉસ્પિટલમાં લઇ જવામાં આવ્યો હતો, જ્યાં ડૉક્ટરોએ તેને મૃત જાહેર કર્યો હતો. પોલીસે રાકેશની મહિલા મિત્રની પુછપરછ કરી છે અને તેને કસ્ટડીમાં લીધી છે. હાલમાં આ મામલે પોલીસ સત્તાવાર કંઈ કહેવાથી બચી રહી છે. રાકેશ સાથે જે મહિલા હતી તેની સાથે તેને અફેર હોવાની ચર્ચા હતી. જોકે રાકેશ પરિણીત હતો અને તેને 2 બાળકો હતા. અત્યારે અજાણ્યા હુમલાખોરો વિરુદ્ધ પોલીસે એફઆઈઆર નોંધી છે અને તેમની શોધખોળ કરી રહી છે.