આફ્રિદી બાદ વધુ એક પાકિસ્તાની ક્રિકેટરે કાશ્મીર રાગ આલાપ્યો, કહ્યું- સલમાનની જેમ હું પણ કાશ્મીરની મુક્તિ ઈચ્છુ છું

સલમાન ખાનને કાળિયારના શિકારના કેસમાં જોધપુરની કોર્ટે જામીન આપતા પાકિસ્તાનના ભૂતપૂર્વ ફાસ્ટ બોલર શોએબ અખ્તરે વિવાદાસ્પદ ટ્વિટ કરીને લખ્યું કે, ''આખરે નામદાર કોર્ટે સલમાનને જામીન આપ્યા છે. હું મારા જીવનકાળ દરમ્યાન એક દિવસ એવો જોવા માંગુ છું કે જેમાં મને સમાચાર મળે કે કાશ્મીર, પેલેસ્ટાઇન, યમન, અફઘાનિસ્તાન અને તમામ એવા સ્થળો કે જયાં મુસીબત છે તેઓને મુકિત મળે. કેમ કે મારું હૃદય માનવતા ઝંખતા તરફડે છે અને નિર્દોષોના મૃત્યુ થતા જોઇને હું દ્રવી ઉઠું છું.'

શોએબનું માનવું છે કે ભારત અને પાકિસ્તાન જેવી નફરત વિશ્વના કોઈપણ ખુણામાં નથી. તાજેતરમાં જ સલમાન જેલ ગયો તેના સપોર્ટ કરીને ટ્વિટ કર્યું હતું. જે બાદ પાકિસ્તાનમાં કાશ્મીર મુદ્દે નહીં બોલવા પર તેને ટ્રોલ કરવામાં આવ્યો હતો.