T20: સૂર્યકુમાર યાદવની ધમાલ, એક જ વર્ષમાં તોડી નાંખ્યા આટલા બધા રેકોર્ડ, જાણો

સૂર્યકુમાર યાદવે પોતાની 33 બૉલ પર રમેલી 50 રનની ઇનિંગમાં શિખર ધવનનો રેકોર્ડ તોડી નાંખ્યો છે. સૂર્યકુમારે પોતાની પોતાના રનની સંખ્યા 732 પહોંચાડી દીધો.

ફાઇલ તસવીર

IND Vs SA: સાઉથ આફ્રિકા સામે બુધવારે રમાયેલી ત્રણ મેચોની ટી20 સીરીઝની પ્રથમ મેચમાં સૂર્યકુમારની ધમાલ જોવા મળી. સૂર્યકુમાર યાદવે શાનદાર અર્ધશતક ફટકારીને બધાનો ચોંકાવી દીધા, તેને મેચ વિનિંગ ઇનિંગ રમીને ટીમને જીત અપાવી હતી. આ સાથે જ સૂર્યકુમાર (Suryakumar Yadav) એક ખાસ મુકામ પર પહોંચી ગયો હતો. સૂર્યકુમાર ટી20 ઇન્ટરનેશનલમાં ભારત તરફથી સૌથી વધુ રન કરનારો બેટ્સમેન બની ગયો છે. એટલુ જ નહીં સૂર્યકુમાર એક વર્ષમાં ટી20 ઇન્ટરનેશનલમાં કેટલાક શાનદાર રેકોર્ડ પણ પોતાના નામે કરી લીધા છે. 

સૂર્યકુમાર યાદવે પોતાની 33 બૉલ પર રમેલી 50 રનની ઇનિંગમાં શિખર ધવનનો રેકોર્ડ તોડી નાંખ્યો છે. સૂર્યકુમારે પોતાની પોતાના રનની સંખ્યા 732 પહોંચાડી દીધો. આ પહેલા શિખર ધવને વર્ષ 2018માં 689 રન બનાવ્યા હતા. સૂર્યકુમાર એક વર્ષમાં 700 રન પુરા કરનારો પહેલા ભારતીય બેટ્સમેન બની ગયો છે, તેની સ્ટ્રાઇક રેટ 180 થી વધુની છે અને એવરેજ 40 થી વધુ રહી છે.

સૂર્યકુમાર જ્યારે બેટિંગ કરવા આવ્યો તો ભારતીય ટીમ 6.1 ઓવરમાં 17 રન પર બે વિકેટ ગુમાવીને સંઘર્ષ કરી રહી હતી, બાદમાં પોતાની સ્ટાઇલમાં બેટિંગ કરવાનુ શરૂ કરી દીધુ. કેએલ રાહુલ સાથે તેને આક્રમક ભાગીદારી નિભાવીને સાઉથ આફ્રિકાને દબાણમાં લાવી દીધુ હતુ. 

છગ્ગાઓ મારવાનો રેકોર્ડ પણ તોડ્યો - 
પોતાની ઇનિંગમાં 3 છગ્ગા ફટકારીને સૂર્યકુમારે એક કેલેન્ડર વર્ષમાં સર્વાધિક છગ્ગા ફટકારવાના મામલામાં પાકિસ્તાનના મોહમ્મદ રિઝવાન (42 છગ્ગા 2021) અને ન્યૂઝીલેન્ડના માર્ટિન ગપ્ટિલ (41 છગ્ગા 2021) ને તોડી નાંખ્યો. તેને આ વર્ષે અત્યાર સુધી 45 છગ્ગા ફટકારી દીધા છે. 

સૂર્યકુમારે પોતાની બેટિંગથી પણ લોકોને ખુબ પ્રભાવિત કર્યા. તે આગામી વર્ષે ઓસ્ટ્રેલિયામાં રમાનારા ટી20 વર્લ્ડકપમાં ભારત માટે ગેમ ચેન્જર સાબિત થઇ શકે છે. 

ભારતની ટી20 વર્લ્ડકપની સફર- 
દક્ષિણ આફ્રિકા સામેની ટી20 સીરીઝ બાદ ભારતીય ટીમ સીધી 2022 ટી20 વર્લ્ડકપ રમવા માટે ઓસ્ટ્રેલિયા રવાના થશે. અહીં વૉર્મ અપ મેચોથી શરૂઆત કરશે.

ટી20 વર્લ્ડકપ 2022ની વૉર્મ અપ મેચો - 
17 ઓક્ટોબર - ભારત વિરુદ્ધ ઓસ્ટ્રેલિયા
19 ઓક્ટોબર - ભારત વિરુદ્ધ ન્યૂઝીલેન્ડ

Team India Squad: બીસીસીઆઈ દ્વારા T20 વર્લ્ડ કપ માટે 15 સભ્યોની ટીમની જાહેરાત કરી દીધી છે. આ ટીમમાં રોહિત શર્મા (કેપ્ટન), કેએલ રાહુલ (વાઈસ કેપ્ટન), વિરાટ કોહલી, સૂર્યકુમાર યાદવ, દીપક હુડા, ઋષભ પંત (વિકેટ કીપર), દિનેશ કાર્તિક (વિકેટ કીપર), હાર્દિક પંડ્યા, આર. અશ્વિન, યુઝવેન્દ્ર ચહલ, અક્ષર પટેલ, ભુવનેશ્વર. કુમાર, હર્ષલ પટેલ, અર્શદીપ સિંહ. મોહમ્મદ સિરાજ.