ENG vs SA: વન-ડે ઈતિહાસમાં સાઉથ આફ્રિકાને મળી સૌથી મોટી હાર, ઈગ્લેન્ડે 342 રનથી હરાવ્યું

ENG vs SA: હવે દક્ષિણ આફ્રિકાને ઇંગ્લેન્ડ સામે વધુ એક શરમજનક રેકોર્ડનો સામનો કરવો પડશે. સાઉથમ્પ્ટનમાં રમાયેલી ત્રીજી વન-ડેમાં ઇંગ્લેન્ડે પ્રથમ બેટિંગ કરીને 414 રન બનાવ્યા હતા.

દક્ષિણ આફ્રિકાની ટીમ ફક્ત 72 રનમાં ઓલઆઉટ થઈ ગઈ હતી

Source : Social Media

ENG vs SA: દક્ષિણ આફ્રિકાએ બે અઠવાડિયા પહેલા જ વન-ડે ઇતિહાસમાં સૌથી મોટી રન માર્જિનથી હારનો સામનો કરવો પડ્યો હતો, જ્યારે ઓસ્ટ્રેલિયાએ તેને 276 રનથી હરાવ્યું હતું. પરંતુ હવે દક્ષિણ આફ્રિકાને ઇંગ્લેન્ડ સામે વધુ એક શરમજનક રેકોર્ડનો સામનો કરવો પડશે. સાઉથમ્પ્ટનમાં રમાયેલી ત્રીજી વન-ડેમાં ઇંગ્લેન્ડે પ્રથમ બેટિંગ કરીને 414 રન બનાવ્યા હતા. જવાબમાં સમગ્ર દક્ષિણ આફ્રિકાની ટીમ ફક્ત 72 રનમાં ઓલઆઉટ થઈ ગઈ હતી. વન-ડે ક્રિકેટના 54 વર્ષના ઇતિહાસમાં કોઈપણ ટીમનો આ સૌથી મોટો પરાજય છે. અગાઉ આ રેકોર્ડ શ્રીલંકાના નામે હતો, જેને ભારતે 2023માં 317 રનથી હરાવ્યો હતો.

England’s epic win over South Africa in Southampton goes down in the history books 📖

Read More 👉 https://t.co/S1aH17oc0J pic.twitter.com/zyIdMTTtcW

— ICC (@ICC) September 7, 2025

વન-ડે ક્રિકેટમાં સૌથી મોટી હાર (રનના માર્જિનથી)

* ઇંગ્લેન્ડે દક્ષિણ આફ્રિકાને 342 રનથી હરાવ્યું (સાઉથમ્પ્ટન, 7 સપ્ટેમ્બર 2025)

* ભારતે શ્રીલંકાને 317 રનથી હરાવ્યું (ત્રિવેન્દ્રમ, 15 જાન્યુઆરી 2023)

* ઓસ્ટ્રેલિયાએ નેધરલેન્ડ્સને 309 રનથી હરાવ્યું (દિલ્હી, 25 ઓક્ટોબર 2023)

* ઝિમ્બાબ્વેએ અમેરિકાને 304 રનથી હરાવ્યું (હરારે, 26 જૂન 2023)

* ભારતે શ્રીલંકાને 302 રનથી હરાવ્યું (વાનખેડે, 2 નવેમ્બર 2023)

દક્ષિણ આફ્રિકાની સૌથી મોટી હાર (રનના માર્જિનથી)

* ઇંગ્લેન્ડ સામે 342 રન (7 સપ્ટેમ્બર 2025)

* ઓસ્ટ્રેલિયા સામે 276 રન (24 ઓગસ્ટ 2025)

* ભારત સામે 243 રન (5 નવેમ્બર 2023)

* પાકિસ્તાન વિરુદ્ધ 182 રન (11 ડિસેમ્બર 2002)

* શ્રીલંકા વિરુદ્ધ 180 રન (20 જુલાઈ 2013)

 

દક્ષિણ આફ્રિકાનો સૌથી ઓછો વનડે સ્કોર

* ઓસ્ટ્રેલિયા વિરુદ્ધ 69 રન (સિડની, 14 ડિસેમ્બર 1993)

* ઈંગ્લેન્ડ વિરુદ્ધ 72 રન (સાઉથમ્પ્ટન, 7 સપ્ટેમ્બર 2025)

* ભારત વિરુદ્ધ 83 રન (ઈડન ગાર્ડન્સ, 5 નવેમ્બર 2023)

* ઈંગ્લેન્ડ વિરુદ્ધ 83 રન (નોટિંગહામ, 26 ઓગસ્ટ 2008)

* ઈંગ્લેન્ડ વિરુદ્ધ 83 રન (માન્ચેસ્ટર, 22 જુલાઈ 2022)

ત્રીજી વનડેમાં ઈંગ્લેન્ડે પહેલા બેટિંગ કરી અને 5 વિકેટ ગુમાવીને 414 રન બનાવ્યા હતા. જો રૂટ, જેકબ બેથેલે સદી ફટકારી હતી. સ્મિથ અને જોસ બટલરે તોફાની અડધી સદી ફટકારી હતી. પરંતુ જ્યારે દક્ષિણ આફ્રિકા જવાબમાં મેદાનમાં આવ્યું, ત્યારે શરૂઆતમાં જ તેમનો દાવ નિષ્ફળ ગયો. આર્ચરે 4 વિકેટ લઈને દક્ષિણ આફ્રિકાને માત્ર 72 રનમાં ઓલઆઉટ કરી દીધું અને ઈંગ્લેન્ડે 342 રનથી મેચ જીતી લીધી હતી.