ICCની મોટી કાર્યવાહી: T20 વર્લ્ડ કપ રમનાર આ દેશની ક્રિકેટ ટીમનું સભ્યપદ સસ્પેન્ડ કર્યું

icc suspends cricket canada: નિયમોના ઉલ્લંઘન અને શંકાસ્પદ પ્રવૃત્તિઓ બદલ ક્રિકેટ કેનેડા સામે ICCએ લાલ આંખ કરી, જોકે ખેલાડીઓ ટુર્નામેન્ટમાં રમતા રહેશે.

icc suspends cricket canada membership immediate effect t20 world cup

Source : ai

Show Quick Read

Key points generated by AI, verified by newsroom

• ICCએ ક્રિકેટ કેનેડાનું સભ્યપદ શંકાસ્પદ પ્રવૃત્તિઓના આરોપસર સસ્પેન્ડ કર્યું.
• ખેલાડીઓને નહીં થાય નુકસાન, ટીમ ICC ટુર્નામેન્ટમાં રમતી રહેશે.
• ICC ટીમના ભંડોળ પર સીધી નજર રાખશે, સુધારણા માટે શરતો મૂકી.
• કેનેડા 2026 T20 વર્લ્ડ કપમાં રમ્યું, ગ્રુપ સ્ટેજમાંથી બહાર થયું.

icc suspends cricket canada: અમદાવાદમાં 1 જૂનના રોજ મળેલી ICC (ઇન્ટરનેશનલ ક્રિકેટ કાઉન્સિલ) બોર્ડની બેઠકમાં એક મોટો અને કડક નિર્ણય લેવાયો છે. 2026 ના T20 વર્લ્ડ કપમાં રમી રહેલી કેનેડાની ટીમના બોર્ડ એટલે કે 'ક્રિકેટ કેનેડા'નું સભ્યપદ ICCએ તાત્કાલિક અસરથી સસ્પેન્ડ કરી દીધું છે. ICCના નિયમોનું પાલન ન કરવા અને શંકાસ્પદ પ્રવૃત્તિઓમાં સામેલ હોવાના આરોપસર આ આકરી કાર્યવાહી કરવામાં આવી છે. જોકે, ક્રિકેટ ચાહકો અને ખેલાડીઓ માટે રાહતની વાત એ છે કે આ સસ્પેન્શન છતાં કેનેડાની ટીમ વર્લ્ડ કપ સહિતની તમામ ICC ટુર્નામેન્ટમાં રમવાનું ચાલુ રાખી શકશે.

બોર્ડ સામે શું છે આરોપ?

ICCએ પોતાની પ્રેસ રિલીઝમાં સ્પષ્ટ કર્યું છે કે કેનેડિયન ક્રિકેટ બોર્ડ એક સભ્ય તરીકે જરૂરી નિયમો અને પોતાની જવાબદારીઓ નિભાવવામાં સાવ નિષ્ફળ રહ્યું છે. બોર્ડ પર એવો ગંભીર આરોપ છે કે તેમણે સ્વચ્છ અને ન્યાયી રમતની સિસ્ટમ જાળવી રાખવાના પોતાના જ વચનનો ભંગ કર્યો છે અને કેટલીક શંકાસ્પદ પ્રવૃત્તિઓમાં પણ તેમની સંડોવણી જોવા મળી છે. જોકે, આ નિયમ ભંગ પાછળનું ચોક્કસ કારણ કે કૌભાંડ શું છે, તેનો કોઈ મોટો ખુલાસો ICCએ હજુ સુધી કર્યો નથી.

ખેલાડીઓને નહીં થાય નુકસાન, ICC રાખશે ફંડ પર નજર

બોર્ડ સસ્પેન્ડ થતાં એવા સવાલો ઊભા થયા હતા કે શું કેનેડાની ટીમ હવે મેદાન પર નહીં જોવા મળે? પરંતુ બેઠકમાં ICCએ સ્પષ્ટ કર્યું છે કે બોર્ડની ભૂલોની સજા ખેલાડીઓને નહીં મળે. કેનેડાની રાષ્ટ્રીય ક્રિકેટ ટીમ તમામ ICC ટુર્નામેન્ટ અને મેચોમાં પહેલાની જેમ જ રમતી રહેશે. ખેલાડીઓને આર્થિક રીતે કોઈ નુકસાન ન થાય તે માટે ICC હવે એક ખાસ સિસ્ટમ બનાવીને ટીમના ફંડ પર સીધી નજર રાખશે. આ ઉપરાંત, કેનેડિયન બોર્ડને પોતાની સિસ્ટમમાં સુધારો કરવા માટે કેટલીક કડક શરતો પણ આપવામાં આવી છે. આ શરતો પૂરી કર્યા પછી જ તેમનું સભ્યપદ પાછું મળશે.

આ પણ વાંચોઃ IPL 2026 Prize Money: ચેમ્પિયન RCB માલામાલ, જાણો ગુજરાત સહિત કઈ ટીમને કેટલા કરોડ મળ્યા

2026 ના T20 વર્લ્ડ કપમાં કેનેડાની સફર

તમને જણાવી દઈએ કે, આ વર્ષે ભારત અને શ્રીલંકાની યજમાનીમાં રમાઈ રહેલા 2026 T20 વર્લ્ડ કપમાં કેનેડાની ટીમ પણ ભાગ લઈ રહી હતી. કેનેડા ગ્રુપ A નો હિસ્સો હતું, પરંતુ તે ગ્રુપ સ્ટેજમાંથી જ બહાર થઈ ગયું છે. આ ટુર્નામેન્ટમાં કેનેડાએ કુલ 4 મેચ રમી હતી, જેમાંથી 1 મેચમાં તેમને જીત મળી હતી અને 2 મેચમાં હારનો સામનો કરવો પડ્યો હતો. જ્યારે ટીમ ઈન્ડિયા સામેની તેમની 1 મેચ વરસાદના કારણે રદ થઈ ગઈ હતી.

આ પણ વાંચોઃ IPL 2026 ફાઇનલ: ગુજરાતને 5 વિકેટે હરાવીને RCB બન્યું ચેમ્પિયન, સતત બીજી વાર ટાઇટલ જીત્યું