IND vs NZ: રોમાંચક ફાઈનલમાં ન્યૂઝીલેન્ડને હરાવી ભારતે ત્રીજી વખત ચેમ્પિયન્સ ટ્રોફીનો ખિતાબ જીત્યો
ટીમ ઈન્ડિયા કેપ્ટન રોહિત શર્માની શાનદાર ઇનિંગના કારણે ભારતે ચેમ્પિયન્સ ટ્રોફી 2025નો ખિતાબ જીત્યો છે.
IND vs NZ Match: ટીમ ઈન્ડિયા કેપ્ટન રોહિત શર્માની શાનદાર ઇનિંગના કારણે ભારતે ચેમ્પિયન્સ ટ્રોફી 2025નો ખિતાબ જીત્યો છે. ટીમ ઈન્ડિયાએ ત્રીજી વખત ચેમ્પિયન્સ ટ્રોફીનો ખિતાબ જીત્યો છે. ભારતીય ટીમ આ સમગ્ર ટુર્નામેન્ટમાં અપરાજિત રહી છે. ભારતીય ટીમે પોતાની તમામ મેચમાં જીત મેળવી છે.
ભારતે ન્યૂઝીલેન્ડને 4 વિકેટે હરાવીને ચેમ્પિયન્સ ટ્રોફી 2025નું ટાઈટલ જીતી લીધું છે. ટીમ ઈન્ડિયાએ 12 વર્ષ બાદ ફરી ચેમ્પિયન્સ ટ્રોફીનો ખિતાબ જીત્યો છે. ભારતે સતત બીજા વર્ષે ICC ટ્રોફી પર કબજો કરીને દુબઈમાં ત્રિરંગો લહેરાવ્યો છે. આ પહેલા ભારતીય ટીમે 2024માં ટી20 વર્લ્ડ કપનો ખિતાબ પણ જીત્યો હતો. છેલ્લી ઓવરોમાં રોહિત શર્માના 76 રન, શ્રેયસ અય્યરના 48 રન અને હાર્દિક પંડ્યાના 18 રનની ઈનિંગે પણ ટીમ ઈન્ડિયાની જીતમાં મહત્વનું યોગદાન આપ્યું હતું.
𝗖. 𝗛. 𝗔. 𝗠. 𝗣. 𝗜. 𝗢. 𝗡. 𝗦! 🇮🇳🏆 🏆 🏆
The Rohit Sharma-led #TeamIndia are ICC #ChampionsTrophy 2025 𝙒𝙄𝙉𝙉𝙀𝙍𝙎 👏 👏
Take A Bow! 🙌 🙌#INDvNZ | #Final | @ImRo45 pic.twitter.com/ey2llSOYdG — BCCI (@BCCI) March 9, 2025
ભારત ત્રીજી વખત વર્લ્ડ ચેમ્પિયન બન્યું છે
ભારતે કુલ ત્રીજી વખત ચેમ્પિયન્સ ટ્રોફીનો ખિતાબ જીત્યો છે. હવે ભારત સૌથી વધુ વખત ચેમ્પિયન્સ ટ્રોફી જીતનાર દેશ પણ બની ગયો છે. તમને જણાવી દઈએ કે ઓસ્ટ્રેલિયા પણ બે વખત ચેમ્પિયન્સ ટ્રોફી જીતી ચુક્યું છે. ભારતે 2002માં શ્રીલંકા સાથે ચેમ્પિયન્સ ટ્રોફી શેર કરી હતી, ત્યારબાદ 2013માં ટીમ ઈન્ડિયાએ ધોનીની કપ્તાનીમાં ટ્રોફી જીતી હતી. હવે 2025માં ભારત ન્યૂઝીલેન્ડને 5 વિકેટથી હરાવીને ત્રીજી વખત ચેમ્પિયન ઓફ ચેમ્પિયન બન્યું છે.
રોહિત, શ્રેયસ અને..., સમગ્ર ટીમ ઈન્ડિયાએ કમાલ કરી હતી
ચેમ્પિયન્સ ટ્રોફી 2025ની ફાઈનલ મેચમાં ન્યૂઝીલેન્ડે પ્રથમ બેટિંગ કરતા સ્કોરબોર્ડ પર 251 રન બનાવ્યા હતા. કિવિઝ તરફથી સૌથી વધુ રન ડેરિલ મિશેલે બનાવ્યા, જેણે 63 રનની ઇનિંગ રમી. પરંતુ ટીમ ઈન્ડિયાને ન્યુઝીલેન્ડની ઈનિંગ્સની પ્રથમ 10 ઓવરમાં ચોક્કસપણે નુકસાન થયું હતું કારણ કે છેલ્લી 10 ઓવરમાં કિવિઓએ 79 રન બનાવ્યા હતા. માઈકલ બ્રેસવેલે 40 બોલમાં 53 રનની ઈનિંગ રમીને ન્યૂઝીલેન્ડને 251 રન સુધી પહોંચાડ્યું હતું.
ભારતે ચેમ્પિયન્સ ટ્રોફી ટૂર્નામેન્ટની ફાઇનલમાં પહોંચવાની હેટ્રિક લગાવી હતી. આ પહેલા ટીમ ઈન્ડિયાએ 2013માં ચેમ્પિયન્સ ટ્રોફીનો ખિતાબ જીત્યો હતો. ટીમ ઈન્ડિયાએ ચેમ્પિયન્સ ટ્રોફી જીતી ઈતિહાસ રચ્યો છે.
રોહિત શર્માની શાનદાર ઈનિંગ
ભારતીય કેપ્ટન રોહિત શર્માએ ચેમ્પિયન્સ ટ્રોફીની ફાઈનલ મેચમાં ખૂબ જ શાનદાર ઈનિંગ રમી હતી. રોહિતે 83 બોલમાં 76 રનની મહત્વપૂર્ણ ઈનિંગ રમી હતી. શ્રેયસ અય્યરે પણ 48 રનનું યોગદાન આપ્યું હતું. ભારત તરફથી કુલદીપ યાદવ અને વરુણ ચક્રવર્તીએ બે-બે વિકેટ લીધી હતી. આ સાથે જ જાડેજાને એક વિકેટ મળી હતી. શમીએ એક વિકેટ અને એક ખેલાડી રનઆઉટ થયો હતો.
ન્યૂઝીલેન્ડે ભારતને જીતવા 252 રનનો લક્ષ્યાંક આપ્યો હતો
ચેમ્પિયન્સ ટ્રોફી 2025ની ફાઇનલમાં ન્યૂઝીલેન્ડે ભારતને 252 રનનો લક્ષ્યાંક આપ્યો હતો. ટોસ જીતીને પ્રથમ બેટિંગ કરવા ઉતરેલી કિવી ટીમ 50 ઓવરમાં સાત વિકેટ ગુમાવીને 251 રન બનાવી શકી હતી. છેલ્લી પાંચ ઓવરમાં 50 રન બનાવ્યા હતા, જેના કારણે ન્યૂઝીલેન્ડ આ આંકડાને સ્પર્શી શક્યું હતું. ન્યૂઝીલેન્ડની ટીમે શરુઆત ખૂબ જ સારી કરી હતી પરંતુ બાદમાં વિકેટો પડવાનું શરુ થયું હતું.
દુબઈ ઈન્ટરનેશનલ ક્રિકેટ સ્ટેડિયમમાં રમાઈ રહેલી આ ફાઈનલ મેચમાં ન્યૂઝીલેન્ડે ટોસ જીતીને પ્રથમ બેટિંગ કરવાનું પસંદ કર્યું હતું. રચિન રવિન્દ્ર અને વિલ યંગે ન્યૂઝીલેન્ડને શાનદાર શરૂઆત અપાવી હતી. રવિન્દ્રએ 29 બોલમાં 37 રનની શાનદાર ઇનિંગ રમી હતી. કેન વિલિયમસન માત્ર 11 રન બનાવીને આઉટ થયો હતો, પરંતુ ડેરિલ મિશેલ અને ગ્લેન ફિલિપ્સની 57 રનની ભાગીદારીએ ન્યૂઝીલેન્ડને ઘણી હદ સુધી મેચમાં પરત લાવી દીધું હતું. મિશેલે 63 અને ફિલિપ્સે 34 રન બનાવ્યા હતા.
ટોપ સ્ટોરી
ટ્રેન્ડિંગ સમાચાર
