IND vs SA: ભારત-દક્ષિણ આફ્રિકા વચ્ચે આજે પ્રથમ વન ડે, જાણો કઈ ચેનલ પરથી કેટલા વાગે થશે ટેલિકાસ્ટ
IND vs SA 1st ODI: આ શ્રેણીમાં 3 મેચ રમાશે. પ્રથમ મેચ 19 જાન્યુઆરીએ, બીજી મેચ 21 જાન્યુઆરીએ અને ત્રીજી મેચ 23 જાન્યુઆરીએ રમાશે.
IND vs SA, 1st ODI: સાઉથ આફ્રિકા સામે ટેસ્ટ સિરીઝ હારી ચૂકેલી ભારતીય ટીમ હવે વનડે સિરીઝ માટે સંપૂર્ણ રીતે તૈયાર છે. શ્રેણીમાં ત્રણ વનડે મેચ રમાશે. ભારતની કેપ્ટનશિપ કેએલ રાહુલ કરશે. વિરાટ કોહલી કેપ્ટન વગર પ્રથમ વખત વન ડે રમવા ઉતરશે.
ભારત-દક્ષિણ આફ્રિકા વનડે શ્રેણી ક્યારે અને ક્યાં રમાશે?
આ શ્રેણીમાં 3 મેચ રમાશે. પ્રથમ મેચ 19 જાન્યુઆરીએ બોલેન્ડ પાર્ક, પાર્લ ખાતે રમાશે. બીજી મેચ 21 જાન્યુઆરીએ રમાશે. તે પણ બોલેન્ડ પાર્કમાં જ રમાશે. ત્રીજી મેચ 23 જાન્યુઆરીએ ન્યૂલેન્ડ્સ ક્રિકેટ ગ્રાઉન્ડ, કેપટાઉનમાં રમાશે.
મેચો કેટલા વાગ્યે શરૂ થશે?
તમામ મેચો ભારતીય સમય અનુસાર બપોરે 2 વાગ્યે શરૂ થશે. મેચના અડધા કલાક પહેલા ટોસ થશે.
શ્રેણીનું લાઈવ ટેલિકાસ્ટ કઈ ચેનલ પર થશે?
સ્ટાર સ્પોર્ટ્સ નેટવર્કની હિન્દી, અંગ્રેજી અને અન્ય ભાષાની ચેનલો પર તમામ મેચોનું જીવંત પ્રસારણ કરવામાં આવશે. આ મેચો ડીડી સ્પોર્ટ્સ પર પણ જોઈ શકાશે.
ઓનલાઈન લાઈવ મેચ ક્યાં જોઈ શકાશે?
ડિઝની + હોટસ્ટાર એપ પર ઓનલાઈન લાઈવ મેચ જોઈ શકાય છે પરંતુ આ માટે તમારે તેની એપ ડાઉનલોડ કરવી પડશે અને સબસ્ક્રાઈબ કરવું પડશે.
બંને ટીમ આ પ્રમાણે છે
ટીમ ઈન્ડિયાઃ કેએલ રાહુલ (કેપ્ટન), જસપ્રિત બુમરાહ (વાઈસ-કેપ્ટન), શિખર ધવન, રુતુરાજ ગાયકવાડ, વિરાટ કોહલી, સૂર્યકુમાર યાદવ, શ્રેયસ ઐયર, વેંકટેશ ઐયર, ઋષભ પંત, ઈશાન કિશન, યુઝવેન્દ્ર ચહલ, આર અશ્વિન, ભુવનેશ્વર કુમાર, દીપક ચાહર, પ્રસિદ્ધ ક્રિષ્ના, શાર્દુલ ઠાકુર, મોહમ્મદ સિરાજ, જયંત યાદવ, નવદીપ સૈની
દક્ષિણ આફ્રિકા: ટેમ્બા બાવુમા (કેપ્ટન), કેશવ મહારાજ (વાઈસ-કેપ્ટન), ક્વિન્ટન ડી કોક,ઝુબેર હમઝા, માર્કો જેન્સન, જાનમન મલાન, સિસાંડા મગાલા, એડન માર્કરામ, ડેવિડ મિલર, લુંગી એનગિડી, વેઈન પાર્નેલ, એન્ડીલે ફેહલુકવાયો , ડ્વેન પ્રિટોરિયસ , કાગીસો રબાડા , તબરેઝ શમ્સી , રાસી વેન ડેર ડુસેન , કાયલ વેરેન
ટ્રેન્ડિંગ સમાચાર
ટોપ સ્ટોરી
