વિરાટ કોહલીને આફ્રિકાના ક્યા સ્ટાર પ્લેયર સાથે થઈ ગયો ઝગડો ? શું હતું ઝગડાનું કારણ ?
ભારતે શાનદાર શરૂઆત કરીને આફ્રિકાની ત્રણ વિકેટ ઝડપથી પાડી દીધી હતી પણ બઉમા અને વાન ડેર ડૂસેને આફ્રિકાને સંભાળ્યું હતું.
પર્લઃ ભારત અને દક્ષિણ આફ્રિકા વચ્ચેની પર્લના બોલેન્ડ પાર્કમાં રમાયેલી પહેલી વનડે મેચમાં વિરાટ કોહલી દક્ષિણ આફ્રિકન કેપ્ટન બવુમા સાથે ઝગડી પડ્યો હતો. ભારતની ફિલ્ડિંગ દરમિયાન વિરાટ કોહલીના રોકેટ થ્રોથી બઉમાનું સંતુલન બગડી ગયું હતું અને તે ગબડી પડતાં બચ્યો હતો તેથી બવુમાએ વિરાટ સામે આંખો કાઢતાં કોહલીએ પણ જવાબ આપતાં બંને વચ્ચે ઊગ્ર બોલાચાલી થઈ હતી. કોહલીએ હાથથી ઈશારો કરીને બવુમાને ધમકાવી નાખ્યો હતો. આ ઘટનો વીડિયો અત્યારે સોશિયલ મીડિયામાં વાયરલ થઈ રહ્યો છે. દક્ષિણ આફ્રિકાની ઈનિંગની 36મી ઓવરમાં વિરાટ અને બવુમા ઝગડ્યા હતા.
ભારતે શાનદાર શરૂઆત કરીને આફ્રિકાની ત્રણ વિકેટ ઝડપથી પાડી દીધી હતી પણ બઉમા અને વાન ડેર ડૂસેને આફ્રિકાને સંભાળ્યું હતું. ઈન્ડિયન ટીમ બવુમા અને વાન ડેર ડૂસેનની પાર્ટનરશિપ તોડવા માટે પોતાની તાકાત લગાવી રહી હતી ત્યારે કેપ્ટન રાહુલે 36મી ઓવર યુઝવેન્દ્ર ચહલને આપી હતી.
આ ઓવરમાં આફ્રિકન કેપ્ટન બવુમાએ મારેલો શોટ વિરાટ પાસે ગયો હતો. કોહલીએ બોલ વિકેટકીપર પંત પાસે બોલ થ્રો કરી દીધો હતો. વિરાટનો થ્રો એટલો ફાસ્ટ હતો કે બઉમાનું બેલેન્સ બગડી ગયું હતું અને તે જમીન પર પડી જતાં બચ્યો હતો. રિષભ પંત પણ આ થ્રોનો યોગ્ય રીતે કેચ કરી શક્યો નહોતો.
વિરાટના રોકેટ થ્રોથી માંડ માંડ બચ્યો હોવાથી બઉમાએ કોહલી સામે આંખો કાઢીને કોમેન્ટ કરી હતી. કોહલીએ તરત હાથ લાંબો કરીને બવુમા સામે ઈશારો કરીને જવાબ આપ્યો હતો. વિરાટ બવુમા તરફ ગયો ગતો પણ પંતે તેને રોકી દીધો હતો.
— Sunaina Gosh (@Sunainagosh7) January 19, 2022
વિરાટને પોતાની સામે આવતો જોઈને બવુમાએ નોનસ્ટ્રાઈકર ડૂસેન સાથે ઈશારાથી વાત કરવાનું શરૂ કરી દીધું હતું પણ વિરાટ શાંત નહોતો થયો. વિરાટે હાથથી ઈશારો કરીને બવુમા સામે કોમેન્ટ્સ ચાલુ રાખી હતી. આ મેચમાં ભારતની 31 રને હાર થઈ હતી.
ટોપ સ્ટોરી
ટ્રેન્ડિંગ સમાચાર
