ભારત vs ઝિમ્બાબ્વે મેચ ક્યારે અને ક્યાં જોવી? લાઈવ સ્ટ્રીમિંગ અને પ્લેઇંગ 11 વિશે બધું જાણો

T20 વર્લ્ડ કપ 2026 ના સુપર 8 માં ભારત અને ઝિમ્બાબ્વે વચ્ચે જંગ. જાણો ચેપોકની પિચ કોને આપશે સાથ, ટીમ ઈન્ડિયામાં ફેરફાર અને લાઈવ જોવાની રીત.

India vs Zimbabwe Super 8

Source : social media

Show Quick Read

Key points generated by AI, verified by newsroom

• ભારત અને ઝિમ્બાબ્વે વચ્ચે સુપર 8 ની મહત્વની મેચ આવતીકાલે.
• હાર બાદ ટીમ ઈન્ડિયા સેમિફાઈનલ માટે જીતવા પ્રયત્ન કરશે.
• પ્લેઈંગ ઈલેવનમાં રિંકુ સિંહ, તિલક વર્મા, અભિષેક શર્મા આવી શકે.
• ચેન્નઈની પિચ બેટિંગ અને સ્પિન બંને માટે અનુકૂળ રહેશે.

T20 વર્લ્ડ કપ 2026 હવે તેના અત્યંત રોમાંચક તબક્કે પહોંચી ગયો છે. આવતીકાલે એટલે કે 26 ફેબ્રુઆરી  2026, ગુરુવારના રોજ ચેન્નાઈના ઐતિહાસિક એમ.એ. ચિદમ્બરમ સ્ટેડિયમ (ચેપોક) ખાતે ભારત અને ઝિમ્બાબ્વે વચ્ચે સુપર 8 ની મહત્વની ટક્કર જામશે. દક્ષિણ આફ્રિકા સામેની પ્રથમ મેચમાં 76 રનની કારમી હાર બાદ હવે ટીમ ઈન્ડિયા માટે સેમિફાઈનલની રેસમાં ટકી રહેવા માટે આ મેચ જીતવી અનિવાર્ય છે. ભારતીય ચાહકો આશા રાખી રહ્યા છે કે સૂર્યકુમાર યાદવની સેના આ 'કરો યા મરો' ના જંગમાં શાનદાર વાપસી કરશે.

ટીમ ઈન્ડિયાના સમીકરણો અને સંભવિત ફેરફાર

છેલ્લી મેચના આઘાતજનક પરિણામ બાદ ભારતીય મેનેજમેન્ટ પ્લેઈંગ ઈલેવનમાં મોટા ફેરફાર કરી શકે છે. સૌની નજર રિંકુ સિંહ પર ટકેલી છે, જેઓ પિતાની નાદુરસ્ત તબિયતને કારણે થોડા સમય માટે સ્વદેશ પરત ફર્યા હતા પરંતુ હવે ટીમ સાથે જોડાઈ શકે છે. આ ઉપરાંત, મધ્યક્રમમાં સ્થિરતા લાવવા માટે તિલક વર્મા અને વિસ્ફોટક ઓપનર અભિષેક શર્માના રોલ પર પણ ગંભીર ચર્ચા થઈ રહી છે. સંજુ સેમસનને ટીમમાં સ્થાન મળશે કે કેમ તે પણ સોશિયલ મીડિયા પર ચર્ચાનો વિષય બન્યો છે. ટીમે માનસિક રીતે મજબૂત થઈને ઝિમ્બાબ્વેના પડકારને ઝીલવો પડશે, કારણ કે આ તબક્કે નાની ભૂલ પણ ટૂર્નામેન્ટમાંથી બહાર કરી શકે છે.

ચેપોકની પિચ અને મેદાનનું ગણિત

ચેન્નાઈની પિચ હંમેશા તેની રહસ્યમય પ્રકૃતિ માટે જાણીતી છે. નિષ્ણાતોના મતે, અહીં શરૂઆતની ઓવરોમાં બેટિંગ કરવી સાનુકૂળ રહેશે, જેનો અર્થ છે કે પાવરપ્લેમાં બેટ્સમેનો રન લૂંટી શકે છે. જોકે, જેમ જેમ રમત આગળ વધશે અને બોલ જૂનો થશે, તેમ તેમ પિચ ધીમી પડશે અને સ્પિનરોને મદદ મળવાનું શરૂ થશે. આ ટૂર્નામેન્ટના આંકડા જોઈએ તો, ચેપોકમાં રમાયેલી 6 મેચોમાંથી 3 મેચ પ્રથમ બેટિંગ કરનારી ટીમ અને 3 મેચ લક્ષ્યનો પીછો કરનારી ટીમ જીતી છે. અત્યાર સુધી અહીં માત્ર 2 વાર જ 190 થી વધુનો સ્કોર નોંધાયો છે, જે દર્શાવે છે કે બોલરો પાસે અહીં પૂરતી તક છે.

લાઈવ ટેલિકાસ્ટ અને સમયની વિગત

ભારત અને ઝિમ્બાબ્વે વચ્ચેનો આ હાઈ વોલ્ટેજ મુકાબલો ભારતીય સમય અનુસાર સાંજે 7:00 વાગ્યે શરૂ થશે. આ મેચનું સીધું પ્રસારણ તમે Star Sports Network પર જોઈ શકશો. જો તમે ઓનલાઈન સ્ટ્રીમિંગના શોખીન હોવ તો JioHotstar એપ અને વેબસાઈટ પર આ મેચનો આનંદ માણી શકાશે.

બંને દેશોની સંભવિત પ્લેઈંગ ઈલેવન

ભારત (Probable 11): ઈશાન કિશન (WK), અભિષેક શર્મા, તિલક વર્મા, સૂર્યકુમાર યાદવ (C), હાર્દિક પંડ્યા, શિવમ દુબે, રિંકુ સિંહ, અક્ષર પટેલ, જસપ્રિત બુમરાહ, અર્શદીપ સિંહ, વરુણ ચક્રવર્તી.

ઝિમ્બાબ્વે (Probable 11): ટી. મારુમાની (WK), બ્રાયન બેનેટ, ડી. માયર્સ, આર.પી. બર્લ, સિકંદર રઝા (C), ટી. મુન્યોંગા, તાશિંગા મુસેકિવા, બી. ઈવાન્સ, જી. ક્રેમર, આર. નગારાવા, બ્લેસિંગ મુઝારાબાની.

આ પણ વાંચો

T20 વર્લ્ડ કપ 2026: ભારત કેમ ઈચ્છે છે સાઉથ આફ્રિકા જીતે? જાણો સેમીફાઈનલનું નવું સમીકરણ