IND vs ENG: ભારત-ઇંગ્લેન્ડ ત્રીજી T20I ના સમયમાં ફેરફાર, જાણો હવે કેટલા વાગ્યે શરૂ થશે મેચ

India vs England T20I schedule: મેચ જોવા માટે તમારે મોડા સુધી જાગવું પડશે, જાણો ક્યારે શરૂ થશે મુકાબલો અને શું છે સિરીઝની સ્થિતિ.

India vs England 3rd T20I Match Time Changed Live Streaming

Source : x

Show Quick Read

Key points generated by AI, verified by newsroom

• પ્રથમ મેચ વરસાદથી રદ, ઇંગ્લેન્ડ બીજી મેચ જીત્યું.

India vs England T20I schedule: ભારત અને ઇંગ્લેન્ડ વચ્ચે રમાઈ રહેલી 5 મેચની T20 સિરીઝની ત્રીજી મેચ હવે મંગળવારે (7 જુલાઈ) નોટિંગહામમાં રમાવા જઈ રહી છે. જો તમે ક્રિકેટના મોટા ચાહક છો, તો તમારે આ રોમાંચક મેચ જોવા માટે મોડા સુધી જાગવાની તૈયારી રાખવી પડશે, કારણ કે અગાઉની મેચની સરખામણીમાં આ મેચના સમયપત્રકમાં મોટો ફેરફાર કરવામાં આવ્યો છે.

રાત્રે 10:00 વાગ્યે ફેંકાશે પહેલો બોલ

તમને જણાવી દઈએ કે, આ સિરીઝની બીજી મેચ ભારતીય સમય મુજબ સાંજે 7 વાગ્યે શરૂ થઈ ગઈ હતી. જોકે, ત્રીજી T20 મેચ માટે સમય બદલાયો છે. 7 જુલાઈના રોજ નોટિંગહામના ટ્રેન્ટ બ્રિજ ખાતે રમાનારી આ મેચનો ટોસ રાત્રે 9:30 વાગ્યે થશે અને મેચ બરાબર રાત્રે 10:00 વાગ્યે શરૂ થશે. આથી ભારતીય ચાહકોએ મેચનો પૂરેપૂરો આનંદ માણવા માટે રાતજાગરો કરવો પડશે.

ક્યાં જોઈ શકાશે લાઇવ મેચ?

જો તમે આ મેચ ટીવી પર જોવા માંગતા હોવ, તો સોની સ્પોર્ટ્સ (Sony Sports) ચેનલો પર તેનું લાઇવ પ્રસારણ કરવામાં આવશે. જ્યારે મોબાઈલ યુઝર્સ સોની લિવ (Sony Liv) એપ અને જિયો હોટસ્ટાર (JioHotstar) એપ પર આ મેચનું લાઇવ સ્ટ્રીમિંગ સરળતાથી જોઈ શકશે.

આ પણ વાંચોઃ ‘મેચ ત્યાં જ પૂરી થઈ ગઈ હતી...’ આકાશ ચોપરાએ જણાવ્યો ભારતની હારનો અસલી ટર્નિંગ પોઇન્ટ

ઇંગ્લેન્ડનું પલડું ભારે: સિરીઝમાં 1-0 ની લીડ

અત્યાર સુધીની સિરીઝની વાત કરીએ તો, ઘરઆંગણે રમી રહેલી ઇંગ્લેન્ડની ટીમ હાલમાં મજબૂત સ્થિતિમાં છે. સિરીઝની પહેલી મેચ વરસાદને કારણે રદ કરવી પડી હતી. જેમાં ભારતે પ્રથમ બેટિંગ કરતા 189 રન બનાવ્યા હતા, પરંતુ વરસાદના વિઘ્નને કારણે ઇંગ્લેન્ડની બેટિંગ આવી શકી નહોતી.

ત્યારબાદ બીજી T20 મેચમાં પણ ભારતે પ્રથમ બેટિંગ કરી હતી અને બોર્ડ પર 190 રનનો પડકારજનક લક્ષ્યાંક મૂક્યો હતો. જોકે, ઇંગ્લેન્ડના બેટ્સમેનોએ શાનદાર પ્રદર્શન કરીને માત્ર 19 ઓવરમાં જ આ લક્ષ્ય હાંસલ કરી લીધું હતું. આ રીતે યજમાન ઇંગ્લેન્ડ અત્યારે સિરીઝમાં 1-0 થી આગળ છે. હવે જોવાનું એ રહે છે કે ત્રીજી મેચમાં ટીમ ઇન્ડિયા શાનદાર વાપસી કરીને સિરીઝ સરભર કરી શકે છે કે નહીં!

આ પણ વાંચોઃ પહેલી જ મેચમાં વૈભવ સૂર્યવંશી ફ્લોપ, છતાં 3 મોટા રેકોર્ડ તોડીને રચ્યો ઇતિહાસ