ચાલુ મેચમાં કયા ભારતીય ક્રિકેટરનો લોકોએ સ્ટેડિયમમાંથી બોલાવ્યો હૂરિયો, શું બની હતી ઘટના, જાણો વિગતે

પ્રથમ બેટિંગ કરી રહેલી ટીમ ઇન્ડિયાની પ્રથમ દિવસની ઇનિંગ છેલ્લી ઓવરમાં હતી, ટીમનો સ્કૉર 88 ઓવરમાં 6 વિકેટ ગુમાવીને 300 રન પર હતો, આ સમયે ઋષભ પંત 33 રન અને અક્ષર પટેલ 5 રને રમતમાં હતી

(પ્રતિકાત્મક તસવીર)

નવી દિલ્હીઃ ભારત અને ઇંગ્લેન્ડ વચ્ચે ટેસ્ટ સીરીઝની બીજી મેચ ચેન્નાઇના એમએ ચિદમ્બરમ સ્ટેડિયમમાં રમાઇ રહી છે. મેચના પહેલા દિવસે ટીમ ઇન્ડિયાના વિકેટકીપર બેટ્સમેન ઋષભ પંત અને ઇંગ્લેન્ડના જૉ રૂટ વચ્ચે મેદાન પર ઘર્ષણ થઇ ગયુ. આમાં ઇંગ્લિશ ઓલરાઉન્ડર બેન સ્ટૉક્સ પણ સામેલ થઇ ગયો. આ ઘટનાને લઇને સ્ટેડિયમમાંથી ઋષભ પંતનો લોકોએ હૂરિયો બોલાવવાનો શરૂ કરી દીધો હતો. પ્રથમ બેટિંગ કરી રહેલી ટીમ ઇન્ડિયાની પ્રથમ દિવસની ઇનિંગ છેલ્લી ઓવરમાં હતી, ટીમનો સ્કૉર 88 ઓવરમાં 6 વિકેટ ગુમાવીને 300 રન પર હતો, આ સમયે ઋષભ પંત 33 રન અને અક્ષર પટેલ 5 રને રમતમાં હતી. (પ્રતિકાત્મક તસવીર) આ દરમિયાન જ્યારે પંત ઇંગ્લિશ કેપ્ટન જૉ રૂટની ઓવરનો સામનો કરી રહ્યો હતો, ત્યારે તે જાણવા માંગતો હતો કે શું આ દિવસની છેલ્લી ઓવર હશે. તે આની તપાસ કરવા થોડો સમય લઇ રહ્યો હતો, પરંતુ રૂટે પોતાની છેલ્લી મિનીટ પહેલા પોતાની ઓવર પુરી કરી દીધી, આના કારણે ફાસ્ટ બૉલ ઓલી સ્ટૉનને એક ઓવર નાંખવામાં મદદ મળી હતી. સ્ટૉનની આ ઓવર દિવસની છેલ્લી ઓવર રહી, આ ઓવરની વચ્ચે પંત અને રૂટની વચ્ચે જોરદાર ઘર્ષણ થયુ, બાદમાં બેન સ્ટૉક્સ પણ આમાં જોડાઇ ગયો હતો. પછી પંત અને સ્ટૉક્સની વચ્ચે ઘર્ષણ જોવા મળ્યુ. આ ઘટનાને લઇને લોકોએ સ્ટેડિયમમાં પંતનો હૂરિયો બોલાવવાનુ શરૂ કરી દીધુ હતી.