IND vs AUS 2nd ODI Playing 11: કુલદીપને બીજી વન-ડેમાં પણ ન મળી તક, ત્રણ ફેરફાર સાથે ઉતર્યું ઓસ્ટ્રેલિયા
IND vs AUS 2nd ODI Playing 11: મિશેલ માર્શે ટોસ જીતીને પહેલા બોલિંગ કરવાનો નિર્ણય લીધો હતો. સીરિઝમાં 1-0થી આગળ રહેલા ઓસ્ટ્રેલિયાએ તેની પ્લેઇંગ ઇલેવનમાં ત્રણ ફેરફાર કર્યા છે.
IND vs AUS 2nd ODI Playing 11: ભારત અને ઓસ્ટ્રેલિયા વચ્ચે એડિલેડ ઓવલ ખાતે બીજી વનડે રમાઈ રહી છે. મિશેલ માર્શે ટોસ જીતીને પહેલા બોલિંગ કરવાનો નિર્ણય લીધો હતો. સીરિઝમાં 1-0થી આગળ રહેલા ઓસ્ટ્રેલિયાએ તેની પ્લેઇંગ ઇલેવનમાં ત્રણ ફેરફાર કર્યા છે. એડમ ઝમ્પા પણ રમી રહ્યા છે જ્યારે ભારતે બીજી વનડેમાં કુલદીપ યાદવનો સમાવેશ કર્યો નથી.
Here is the #TeamIndia XI for the 2️⃣nd #AUSvIND ODI 👍
— BCCI (@BCCI) October 23, 2025
Updates ▶ https://t.co/aB0YqSCClq pic.twitter.com/IYWFmKJ5Wy
ભારતે બીજી વનડે માટે તેની પ્લેઇંગ ઇલેવનમાં કોઈ ફેરફાર કર્યો નથી. આજે પણ ત્રણ ઓલરાઉન્ડર (નીતીશ કુમાર રેડ્ડી, અક્ષર પટેલ અને વોશિંગ્ટન સુંદર) ભારતની પ્લેઇંગ ઇલેવનમાં રમી રહ્યા છે.
ભારતની પ્લેઇંગ ઇલેવન
રોહિત શર્મા, શુભમન ગિલ (કેપ્ટન), વિરાટ કોહલી, શ્રેયસ ઐયર, અક્ષર પટેલ, કેએલ રાહુલ (વિકેટકીપર), વોશિંગ્ટન સુંદર, નીતિશ કુમાર રેડ્ડી, હર્ષિત રાણા, અર્શદીપ સિંહ, મોહમ્મદ સિરાજ.
ભારત અને ઓસ્ટ્રેલિયાએ એડિલેડ ઓવલ ખાતે છ વનડે રમી છે. આ સમયગાળા દરમિયાન ભારતીય ટીમે ફક્ત બે મેચ જીતી છે, જ્યારે ઓસ્ટ્રેલિયાએ ચાર મેચ જીતી છે. ભારતીય ટીમે એડિલેડ ઓવલ ખાતે કુલ 15 વનડે રમી છે, જેમાં નવમાં જીત મેળવી છે. તેઓ પાંચ મેચ હારી ગયા છે, જ્યારે એક મેચ ટાઇમાં સમાપ્ત થઈ છે. એડિલેડ વન-ડેમાં બધાની નજર ભૂતપૂર્વ ભારતીય કેપ્ટન વિરાટ કોહલી પર રહેશે. આ મેદાન પર કોહલીનો એક નોંધપાત્ર રેકોર્ડ છે. કોહલીએ એડિલેડ ઓવલ ખાતે ત્રણેય ફોર્મેટમાં 12 મેચ રમી છે, જેમાં 65ની સરેરાશથી 975 રન બનાવ્યા છે.
પ્રથમ વન-ડેમાં ભારતને મળી હતી હાર
ઓસ્ટ્રેલિયાએ પહેલી વનડેમાં ભારતને સરળતાથી 7 વિકેટથી હરાવ્યું હતું. પર્થમાં ભારત ફક્ત 131 રનમાં ઓલઆઉટ થઈ ગયું હતું અને ઓસ્ટ્રેલિયાએ 21.1 ઓવરમાં 3 વિકેટ ગુમાવીને સરળતાથી લક્ષ્ય હાંસલ કરી લીધું હતું.
ઓસ્ટ્રેલિયાના કેપ્ટન મિશેલ માર્શે શાનદાર ઇનિંગ રમી હતી. તેણે 52 બોલમાં અણનમ 46 રન બનાવ્યા હતા. જોશ ફિલિપે 29 બોલમાં 37 રન બનાવ્યા હતા જ્યારે મેટ રેનશો 21 રન બનાવીને અણનમ રહ્યો હતો. ભારત તરફથી અર્શદીપ સિંહ, અક્ષર પટેલ અને વોશિંગ્ટન સુંદરે એક-એક વિકેટ લીધી હતી.
ટોપ સ્ટોરી
ટ્રેન્ડિંગ સમાચાર
