IND vs NZ Final: વરુણ આઉટ, કુલદીપ ઇન? અમદાવાદના મેદાન પરથી આવ્યું સૌથી મોટું અપડેટ

ભારત ન્યૂઝીલેન્ડ ફાઇનલ પહેલા અમદાવાદથી મોટા સમાચાર. પ્રેક્ટિસ સેશનમાં વરુણ ચક્રવર્તીની ગેરહાજરી અને કુલદીપ યાદવની તૈયારીઓ પ્લેઇંગ 11 અંગે આપી રહ્યા છે મોટા સંકેત.

kuldeep yadav to play final varun chakravarthy dropped

Source : IANS

Show Quick Read

Key points generated by AI, verified by newsroom

• ટી 20 વિશ્વ કપ ફાઇનલમાં વરુણ ચક્રવર્તીને બદલે કુલદીપ યાદવને તક?
• સુકાની સૂર્યકુમાર યાદવે વરુણનો બચાવ કર્યો, પરંતુ પ્રેક્ટિસમાં અલગ ચિત્ર.
• વરુણ ચક્રવર્તી પ્રેક્ટિસમાં ગેરહાજર, કુલદીપ યાદવે સઘન નેટ પ્રેક્ટિસ કરી.
• વરુણનું ફોર્મ ચિંતાજનક, છેલ્લા 4 મેચમાં 186 રન ખર્ચ્યા.

આવતીકાલે 8 માર્ચ 2026 ના રોજ અમદાવાદના નરેન્દ્ર મોદી સ્ટેડિયમમાં રમાનારી ભારત અને ન્યુઝીલેન્ડ વચ્ચેની ટી 20 વિશ્વ કપની ઐતિહાસિક અંતિમ મેચ પહેલા, ભારતીય છાવણીમાંથી એક અત્યંત ચોંકાવનારા સમાચાર સામે આવ્યા છે. ઇંગ્લેન્ડ સામેની મેચમાં 4 ઓવરમાં 64 રન લૂંટાવી દેનાર ભારતના મુખ્ય બોલર વરુણ ચક્રવર્તીને ફાઇનલમાંથી પડતો મૂકીને તેની જગ્યાએ ચાઇનામેન બોલર કુલદીપ યાદવને મેદાનમાં ઉતારવાની પ્રબળ શક્યતાઓ સેવાઈ રહી છે. સુકાની સૂર્યકુમાર યાદવે ભલે પ્રેસ કોન્ફરન્સમાં વરુણનો બચાવ કર્યો હોય, પરંતુ અમદાવાદના મેદાન પરથી મળેલા આજના તાજા અહેવાલો કંઈક અલગ જ વાર્તા કહી રહ્યા છે.

સૂર્યાના નિવેદનથી વિપરીત પ્રેક્ટિસ ગ્રાઉન્ડનું ચિત્ર

મેચના એક દિવસ પહેલા જ્યારે સુકાની સૂર્યકુમાર યાદવે મીડિયા સાથે વાતચીત કરી, ત્યારે તેમણે સ્પષ્ટ કર્યું હતું કે વરુણ ચક્રવર્તીનું ખરાબ ફોર્મ ટીમ માટે કોઈ જ ચિંતાનો વિષય નથી. તેમણે વરુણ પર પૂરો ભરોસો મૂકતા એવો ઈશારો કર્યો હતો કે તે ફાઇનલ મેચ પણ રમશે. પરંતુ, આજે જ્યારે ભારતીય ટીમ અમદાવાદના નરેન્દ્ર મોદી સ્ટેડિયમમાં છેલ્લી પ્રેક્ટિસ માટે ઉતરી, ત્યારે ત્યાંનું દ્રશ્ય સાવ અલગ જ હતું. સામાન્ય રીતે વરુણ ચક્રવર્તી પ્રેક્ટિસ માટે મેદાન પર સૌથી વહેલા પહોંચનારા ખેલાડીઓમાંનો એક હોય છે અને તે સતત નેટમાં બોલિંગ કરતો જોવા મળે છે.

પરંતુ આજે, જ્યારે આખી ટીમ પરસેવો પાડી રહી હતી, ત્યારે વરુણ ચક્રવર્તી પ્રેક્ટિસ કરવાને બદલે પાછળ એક બાજુએ શાંત ઊભેલો જોવા મળ્યો હતો. તેણે બોલિંગની કોઈ ખાસ પ્રેક્ટિસ કરી ન હતી. આ દ્રશ્ય જોઈને ક્રિકેટ પંડિતો અને ચાહકોને મોટું આશ્ચર્ય થયું છે અને એવી અટકળો તેજ બની છે કે કદાચ મેનેજમેન્ટે તેને ફાઇનલમાંથી આરામ આપવાનો નિર્ણય લઈ લીધો છે.

કુલદીપ યાદવે નેટમાં બતાવ્યો પૂરો જોશ

વરુણની ગેરહાજરી વચ્ચે, સૌથી મોટો અને ચોંકાવનારો ઘટનાક્રમ એ રહ્યો કે સ્પિનર કુલદીપ યાદવ આજે પ્રેક્ટિસ સેશનમાં સૌથી વહેલો પહોંચી ગયો હતો. તેણે નેટમાં લાંબા સમય સુધી બોલિંગનો સઘન અભ્યાસ કર્યો હતો. કુલદીપની આ આક્રમક તૈયારી અને તેની બોલિંગ જોતા એવું સ્પષ્ટ લાગી રહ્યું છે કે ટીમ મેનેજમેન્ટ ન્યુઝીલેન્ડના બેટ્સમેનોને ફસાવવા માટે ફાઇનલ મેચમાં તેને પ્લેઇંગ 11 માં સીધી એન્ટ્રી આપી શકે છે.

વરુણના આંકડા: શરૂઆતમાં હિટ, છેલ્લે ફ્લોપ

જો આપણે આખા વિશ્વ કપમાં વરુણ ચક્રવર્તીના પ્રદર્શન પર નજર કરીએ તો, તે ટૂર્નામેન્ટમાં 13 વિકેટ સાથે ભારતનો સૌથી સફળ બોલર છે. શરૂઆતની 4 મેચોમાં તેણે અત્યંત કંજૂસાઈભરી બોલિંગ કરીને 9 વિકેટ ઝડપી હતી. પરંતુ, કમનસીબે, સુપર 8 અને સેમિફાઇનલ મળીને છેલ્લી 4 મેચોમાં તેનું ફોર્મ સાવ ખોવાઈ ગયું છે. આ છેલ્લી 4 મેચોમાં તેણે 186 રન જેટલી જંગી રકમ ખર્ચી નાખી છે. ઇંગ્લેન્ડ સામેની તેની 64 રનવાળી ઓવરોએ દુનિયાભરમાં ભારે ટીકાઓ જગાડી છે. આટલી મોંઘી બોલિંગ પછી ફાઇનલ જેવા અત્યંત દબાણવાળા મુકાબલામાં તેને ફરીથી મેદાનમાં ઉતારવો એ ભારત માટે બહુ મોટું જોખમ સાબિત થઈ શકે છે. હવે આવતીકાલે જ ખબર પડશે કે મેદાન પર વરુણ ઉતરે છે કે કુલદીપ.

આ પણ વાંચો

IND vs NZ: ‘ગંભીર પોતે બેટિંગ કરવા ઉતરી પડત’, ફાઈનલ પહેલા સૂર્યાનું ચોંકાવનારું નિવેદન!