બંને ઇનિંગ્સમાં ન આપ્યો 1 પણ રન... માનવ સુથારે રચ્યો ઇતિહાસ; 131 વર્ષ પછી બની આવી ઘટના

તાજેતરમાં ભારત માટે ઇન્ટરનેશનલ ડેબ્યૂ કરનાર માનવ સુથાર હાલમાં કાઉન્ટી ચેમ્પિયનશિપમાં વોરવિકશાયર માટે રમી રહ્યો છે. ગ્લેમોર્ગન સામેની મેચમાં તેમણે એવું કંઈક કર્યું જેની ચર્ચા ચારે તરફ થઈ રહી છે.

માનવ સુથાર

Source : X

Show Quick Read

Key points generated by AI, verified by newsroom

• માનવ સુથારે કાઉન્ટી ચેમ્પિયનશિપમાં અનોખો કીર્તિમાન સ્થાપિત કર્યો.
• તેણે ગ્લેમોર્ગન સામે રન આપ્યા વિના ત્રણ વિકેટ ઝડપી.
• બંને ઇનિંગ્સમાં ઝીરો પર વિકેટો લઈ ઈતિહાસ રચ્યો
• 131 વર્ષ પછી ફર્સ્ટ-ક્લાસ ક્રિકેટમાં આવું બન્યું.

Manav Suthar Record: ભારતીય સ્પિનર માનવ સુથારે કાઉન્ટી ચેમ્પિયનશિપમાં એવું કંઈક કર્યું, જે વર્ષોથી જોવા મળ્યું ન હતું. વોરવિકશાયર માટે રમી રહલો સુથાર શ્રીલંકા પ્રવાસ પર ટીમ ઇન્ડિયા સાથે હતો. છેલ્લી મેચના 3 દિવસ પછી તે ઇંગ્લેન્ડ જતો રહ્યો હતો. તેમણે ગ્લેમોર્ગન સામે રમાયેલી મેચની બંને ઇનિંગ્સમાં વિકેટ લીધી અને બંને ઇનિંગ્સમાં એક પણ રન આપ્યા વિના ઇતિહાસ રચી દીધો.

 

કાર્ડિફમાં રમાયેલી આ મેચમાં વોરવિકશાયરે ગ્લેમોર્ગનને ખરાબ રીતે હરાવ્યું. ગ્લેમોર્ગનની પહેલી ઇનિંગ્સ 69 રન પર સમેટાઈ ગઈ હતી, સુથારે આ ઇનિંગ્સમાં 1 વિકેટ લીધી હતી. વોરવિકશાયરે ગ્લેમોર્ગનને બીજી ઇનિંગ્સમાં 65 રન પર ઓલઆઉટ કરીને ઇનિંગ્સ અને 257 રનના મોટા અંતરથી આ મેચ જીતી લીધી. બીજી ઇનિંગ્સમાં સુથારે 2 વિકેટ ઝડપી.

માનવ સુથારે રચ્યો ઇતિહાસ
ગ્લેમોર્ગનની પહેલી ઇનિંગ્સમાં માત્ર એક બેટ્સમેન બે આંકડાના સ્કોર સુધી પહોંચી શક્યો હતો. માનવ સુથારને 27મી ઓવરમાં બોલિંગ માટે લાવવામાં આવ્યો હતો, ત્યાં સુધીમાં 9 વિકેટ પડી ચૂકી હતી. પોતાની ત્રીજી બોલ પર તેમણે મીર હમઝાને બોલ્ડ કર્યો.

 

What a spell 🪄

🐻 #YouBears pic.twitter.com/uEnQTrFixs

— Bears (@WarwickshireCCC) September 9, 2026

બીજી ઇનિંગ્સમાં સુથારને 24મી ઓવરમાં બોલિંગ માટે લાવવામાં આવ્યો, તેમણે પહેલી ઓવર મેડન નાખી. પોતાની બીજી ઓવરમાં તેમણે ક્રિસ કૂક (9) અને જેમી મેકઆઇરોય (0) ને આઉટ કર્યા, તેમણે તમામ બેટ્સમેનોને બોલ્ડ કર્યા. આ રીતે સુથારે મેચમાં 2.3 ઓવર ફેંકી અને એક પણ રન આપ્યા વિના 3 વિકેટ લીધી.

131 વર્ષ પછી રચાયો ઈતિહાસ
ફર્સ્ટ ક્લાસ ક્રિકેટના ઇતિહાસમાં આ માત્ર બીજી વાર છે જ્યારે કોઈ બોલરે બંને ઇનિંગ્સમાં વિકેટ લીધી અને એક પણ રન આપ્યો ન હોય. ઇંગ્લેન્ડના ટોમ હેવર્ડે વર્ષ 1895 માં એવું કર્યું હતું. હવે 131 વર્ષ પછી સુથારેે એવું કરીને ઇતિહાસ રચી દીધો.

માનવ સુથારે ડેબ્યૂમાં શાનદાર પ્રદર્શન કર્યું હતું

26 વર્ષીય માનવ સુથાર માટે આ સિદ્ધિ તેમની કારકિર્દીનો એક મહત્વપૂર્ણ અધ્યાય છે. અફઘાનિસ્તાન સામેની તેમની પ્રથમ ટેસ્ટ મેચમાં તેમણે સાત વિકેટ ઝડપી હતી, જેમાં એક જ ઇનિંગ્સમાં છ વિકેટ લેવાનો સમાવેશ થાય છે. ત્યારબાદ, શ્રીલંકા સામેની બે મેચની ટેસ્ટ શ્રેણીમાં સુથારે બોલિંગ દ્વારા શાનદાર પ્રદર્શન કરતા 16 વિકેટ લીધી હતી. ભારતે તે શ્રેણી 1-0થી જીતી હતી.

આ પણ વાંચો

India vs Afghanistan: કેટલા વાગ્યે શરુ થશે ભારત-અફઘાનિસ્તાન પ્રથમ ટી20 મુકાબલો, જાણી લો ટાઈમ 

IND vs AFG સિરીઝ પહેલા વધ્યું ટીમ ઈન્ડિયાનું ટેન્શન? પ્રેક્ટિસ સેશનમાં ઈજાગ્રસ્ત થયો ઈશાન કિશન