ઋષભ પંતે તોડ્યો એમએસ ધોનીનો ઐતિહાસિક રેકોર્ડ! વિદેશમાં રચી દીધો નવો ઈતિહાસ

કોલંબો ટેસ્ટમાં ઇજા છતાં શાનદાર 63 રન ફટકારીને પંતે વિદેશી પીચો પર 2500 રન પૂરા કર્યા. ધોની સહિતના દિગ્ગજોને પાછળ છોડી દીધા.

rishabh pant breaks ms dhoni test record most runs overseas keeper

Source : सोशल मीडिया

Show Quick Read

Key points generated by AI, verified by newsroom

• ઋષભ પંતે ધોનીનો દાયકા જૂનો ટેસ્ટ રેકોર્ડ તોડ્યો.
• વિદેશી ધરતી પર 2500 રન કરનાર પ્રથમ ભારતીય વિકેટકીપર બન્યો.
• કોલંબો ટેસ્ટમાં 63 રનની ઇનિંગ્સ સાથે શાનદાર ફોર્મ જાળવી રાખ્યું.
• તેણે વિકેટકીપર તરીકે સૌથી વધુ 8 ટેસ્ટ સદી ફટકારી છે.

rishabh pant test record: ભારતીય ક્રિકેટ ટીમના સ્ટાર ખેલાડી ઋષભ પંતે અત્યારે તો કમાલ કરી દીધી છે! તે હવે ભારતના સૌથી મહાન વિકેટકીપર-બેટ્સમેનોની લીગમાં ખૂબ જ ઝડપથી આગળ વધી રહ્યો છે. તેનું ફોર્મ એટલું જબરદસ્ત છે કે તેણે પોતાની છેલ્લી 4 ટેસ્ટ ઇનિંગ્સમાં 3 અડધી સદી ફટકારી દીધી છે. આ શાનદાર ફોર્મના કારણે જ તેણે હવે દિગ્ગજ એમએસ ધોનીનો એક દાયકા જૂનો અને ઐતિહાસિક રેકોર્ડ તોડી નાખ્યો છે. પંતે કોલંબો ટેસ્ટમાં 63 રનની જબરદસ્ત ઇનિંગ્સ રમીને આ મોટો મુકામ હાસલ કર્યો છે.

તમને જણાવી દઈએ કે, ઋષભ પંત હવે વિદેશી ધરતી પર ટેસ્ટ ક્રિકેટમાં 2500 રન પૂરા કરનારો પહેલો ભારતીય વિકેટકીપર-બેટ્સમેન બની ગયો છે. કોલંબોમાં શ્રીલંકા સામે રમાઈ રહેલી બીજી ટેસ્ટ મેચમાં તેણે આ મોટી સિદ્ધિ પોતાના નામે કરી લીધી. અત્યાર સુધી આ રેકોર્ડ મહેન્દ્ર સિંહ ધોનીના નામે હતો. વિદેશી કે તટસ્થ મેદાનો પર સૌથી વધુ રન બનાવવાની યાદીમાં ધોની 2496 રન સાથે ટોચ પર બેઠો હતો, જેને હવે પંતે પાછળ છોડી દીધો છે.

આંકડાઓ પર નજર કરીએ તો પંતની બેટિંગ કેટલી ધમાકેદાર છે તે સ્પષ્ટ દેખાય છે. વિદેશી ધરતી પર પંતે 42 ની શાનદાર સરેરાશથી આ રન બનાવ્યા છે, જ્યારે ધોનીએ પોતાના 2496 રન માત્ર 32.84 ની સરેરાશથી બનાવ્યા હતા. આ જ યાદીમાં ત્રીજા નંબરે ફારુખ એન્જિનિયર આવે છે, જેમણે 1209 રન બનાવ્યા છે, જ્યારે સૈયદ કિરમાણી 1109 રન સાથે ચોથા સ્થાને છે.

આ પણ વાંચોઃ કોલંબો ટેસ્ટ: ઋષભ પંતની ઈજા પર આવ્યું મોટું અપડેટ, જાણો શું તે કાલે બેટિંગ કરી શકશે?

કોલંબો ટેસ્ટની વાત કરીએ તો, ભારતના આ 28 વર્ષીય સ્ટાર બેટ્સમેનને મેચના પહેલા જ દિવસે હાથમાં ઇજા થઈ હતી અને તેણે રિટાયર્ડ હર્ટ થઈને મેદાન છોડવું પડ્યું હતું. પરંતુ પંત ક્યાં હાર માનવાનો હતો! તે બીજા દિવસે ફરી બેટિંગ કરવા મેદાનમાં ઉતર્યો અને 63 રનની એવી શક્તિશાળી અડધી સદી ફટકારી કે શ્રીલંકન બોલરો પરસેવો પાડવા લાગ્યા. તેણે યુવા ખેલાડી ધ્રુવ જુરેલ સાથે મળીને 112 રનની મજબૂત ભાગીદારી પણ નોંધાવી હતી.

આ ઉપરાંત, ઋષભ પંત હવે એમએસ ધોનીના બીજા ઘણા મોટા રેકોર્ડ્સ તોડવાથી પણ વધારે દૂર નથી. ધોનીએ પોતાની આખી ટેસ્ટ કારકિર્દીમાં 90 મેચ રમીને 4876 રન બનાવ્યા હતા. જ્યારે પંતે અત્યાર સુધી માત્ર 52 ટેસ્ટ મેચોમાં જ 3725 રન બનાવી લીધા છે. સરેરાશની બાબતમાં તો પંત ધોની કરતા ખાસ્સો આગળ નીકળી ગયો છે. એક તરફ ધોનીએ પોતાની ટેસ્ટ કારકિર્દીમાં 6 સદી અને 33 અડધી સદી ફટકારી હતી. તો બીજી તરફ, પંતે ટેસ્ટમાં સૌથી વધુ સદી ફટકારનાર ભારતીય વિકેટકીપર બનવાનું બહુમાન પહેલેથી જ મેળવી લીધું છે. તેના નામે અત્યારે 8 સદી અને 21 અડધી સદી નોંધાઈ ચૂકી છે.

આ પણ વાંચોઃ કોલંબો ટેસ્ટમાં શુભમન ગિલનો કમાલ: તોડ્યો વિરાટ કોહલીનો મોટો રેકોર્ડ, રચ્યો નવો ઇતિહાસ