ICC Men's T20 Bowling Ranking: ટૉપ પહોંચ્યો રાશિદ ખાન, વાનિન્દુ હસરંગા બીજા નંબર પર ખસક્યો, જુઓ આખુ લિસ્ટ....
રાશિદ ખાન 698 રેટિંગ પૉઇન્ટ સાથે આ રેન્કિંગમાં ટૉપ પર પહોંચી ગયો છે. જ્યારે શ્રીલંકાના વાનિન્દુ હસરંગા 698 રેટિંગ પૉઇન્ટ સાથે બીજા નંબર પર યથાવત છે.
Latest ICC Rankings: અફઘાનિસ્તાનના કેપ્ટન અને દિગ્ગજ બૉલર રાશિદ ખાન આઇસીસી ટી20 રેન્કિંગમાં ટૉપ પર પહોચી ગયો છે. વળી, આ લેટેસ્ટ રેન્કિંગમાં શ્રીલંકાનો વાનિન્દુ હસરંગા બીજા નંબર પર ખસકી ગયો છે. આઇસીસીની તાજા ટી20 રેન્કિંગમાં રાશિદ ખાન અને વાનિન્દુ હસરંગા ઉપરાંત ઓસ્ટ્રેલિયાના ફાસ્ટ બૉલર જૉસ હેઝલવુડ, આદિલ રાશીદ અને સેમ કરન ટૉપ 5 બૉલરોમાં સામેલ છે.
રાશિદ ખાન 698 રેટિંગ પૉઇન્ટ સાથે આ રેન્કિંગમાં ટૉપ પર પહોંચી ગયો છે. જ્યારે શ્રીલંકાના વાનિન્દુ હસરંગા 698 રેટિંગ પૉઇન્ટ સાથે બીજા નંબર પર યથાવત છે. ખરેખરમાં રાશિદ ખાન આ પહેલા પણ બૉલરોની આઇસીસી ટી20 રેન્કિંગમાં ટૉપ પર પહોંચી ચૂક્યો છે.
વાનિન્દુ હસરંગા બીજા નંબર પર ખસક્યો -
શ્રીલંકાના વાનિન્દુ હસરંગા 698 રેટિંગ પૉઇન્ટ સાથે રાશિદ ખાન પછી બીજા નંબર પર છે. વળી ઇંગ્લેન્ડનો સ્પીનર આદિલ રશીદના 692 રેટિગં પૉઇન્ટ છે. આદિલ રાશીદ આઇસીસી ટી20 રેન્કિંગમાં ત્રીજા નંબર પર છે. આ ઉપરાંત ટી20 રેન્કિંગમાં ઓસ્ટ્રેલિયાના ફાસ્ટ બૉલર જૉશ હેઝલવુડ ચોથા નંબર પર છે. જૉસ હેઝલવુડના 690 રેટિંગ પૉઇન્ટ્સ છે.
આઇસીસી ટી20 રેન્કિંગમાં સામેલ ટૉપ 10 બૉલરો -
1- રાશિદ ખાન
2- વાનિન્દુ હસરંગા
3- આદિલ રાશિદ
4- જૉશ હેઝલવુડ
5- સેમ કરન
6- એડમ જામ્પા
7- તબરેજ શમ્સી
8- મુઝીબ ઉર રહેમાન
9- એનરિક નૉર્ટ્ઝે
10- મહીશ તીક્ષણા
Rashid Khan: ઓલરાઉન્ડરની કિસ્મત ચમકી
Afghanistan T20I Captain: અફઘાનિસ્તાન ક્રિકેટના દિગ્ગજ ઓલરાઉન્ડર રાશિદ ખાનના ફેન્સ માટે એક ખુશખબર સામે આવી છે. આ શાનદાર ખેલાડીને આઇપીએલ પહેલા એક મોટી તક મળી છે, રાશિદ ખાનને અફઘાનિસ્તાન ક્રિકેટમાં ટી20 ટીમનો કેપ્ટન બનાવવામાં આવ્યો છે, તેને મોહમ્મદ નબીના સ્થાને રિપ્લેસ કરવામાં આવ્યો છે. ઉલ્લેખનીય છે કે આઇસીસી ટી20 વર્લ્ડકપ 2022 બાદ મોહમ્મદ નબીએ ટી20 કેપ્ટન પદેથી રાજીનામુ ધરી દીધુ હતુ, અને પદ ખાલી હતુ, જેને હવે રાશિદ ખાન તરીકે ભરવામાં આવ્યુ છે.
ખાસ વાત છે કે, ગયા ટી20 વર્લ્ડકપ 2022માં અફઘાનિસ્તાનનુ પ્રદર્શન એકદમ ખરાબ રહ્યું હતુ, અને નબીને આ કારણે કેપ્ટનશીપ ગુમાવવાનો વારો આવ્યો હતો, તેને હવે અફઘાનિસ્તાન ક્રિકેટ બોર્ડે રાશિદ ખાનના નામથી ભરી દીધુ છે. હવે ટુંક સમયમાં ઇન્ડિયન પ્રીમિયર લીગની શરૂઆત થઇ રહી છે, અને આ ટી20 ફોર્મેટમાં ફરી એકવાર રાશિદ ખાનનો જલવો જોવા મળી શકે છે.
અફઘાનિસ્તાન ક્રિકેટ બોર્ડના ચેરમેન મીરવાઇઝ અશરફે કહ્યું કે, અફઘાનિસ્તાન ક્રિકેટમાં રાશિદ ખાન બહુજ મોટુ નામ છે, તેને દુનિયાભરમાં આ ફોર્મેટમાં ખુબ ક્રિકેટ રમી છે, તેની પાસે બહોળો અનુભવ છે, આ પહેલા પણ રાશિદ ખાન અફઘાનિસ્તાન તરફથી ત્રણેય ફોર્મેટમાં કેપ્ટનશીપ કરી ચૂક્યો છે, હવે તેને ફરી એકવાર ટી20 ક્રિકેટમાં કેપ્ટન તરીકે નિયુક્ત કરવામાં આવ્યો છે. અશરફે કહ્યું કે, મને પુરેપુરો વિશ્વાસ છે કે, રાશિદ ખાન બેસ્ટ રમત બતાવશે અને અફઘાનિસ્તાન ક્રિકેટને એક નવા મુકામ પર લઇ જશે.
જોકે, રાશિદ ખાને પણ ખુદ ટી20 કેપ્ટન બન્યા બાદ એક મોટુ નિવેદન આપતા કહ્યું કે, કેપ્ટનશીપ એક બહુ જ મોટી જવાબદારી છે, હું પહેલા પણ મારા દેશ માટે આ જવાબદારી ઉઠાવી ચૂક્યો છું. ટીમમાં ઘણાબધા શાનદાર ખેલાડી છે, મે પહેલાથી તેમની સાથે ક્રિકેટ રમી છે, અમારા માટે આ સારો માહોલ છે.
રાશિદ ખાનની વાત કરીએ તો અફઘાનિસ્તાન તરફથી રાશિદે 74 ટી20 મેચ રમી છે, જેમાં તેને 122 વિકેટો ઝડપી છે, તે એક સારા બૉલરની સાથે સાથે સારે બેટ્સમેને પણ છે. તેને ટી20નો ધાંસૂ ઓલરાઉન્ડર પણ કહેવામા આવે છે.
ટ્રેન્ડિંગ સમાચાર
ટોપ સ્ટોરી
