2020નુ વર્ષ ભારત માટે મહત્વનુ, ટીમ ઇન્ડિયા એક નહીં પણ જીતી શકે છે ત્રણ-ત્રણ વર્લ્ડકપ, જાણો કઇ રીતે..........

ઉલ્લેખનીય છે કે, હાલ ભારતીય ટી20 વર્લ્ડકપ માટે કેપ્ટન વિરાટ કોહલી, વૂમન્સ ટી20 વર્લ્ડકપ માટે હરમનપ્રીત કૌર અને અંડર-19 વર્લ્ડકપ માટે પ્રિયમ ગર્ગને કેપ્ટનશીપ સોંપવામાં આવી છે

નવી દિલ્હીઃ આજથી દેશભરમાં નવુ વર્ષ બેસી ગયુ છે, 2020ની શરૂઆત થઇ ચૂકી છે. 2020નુ વર્ષ ભારતીય ક્રિકેટની સાથે સાથે ક્રિકેટ જગત માટે ખુબ મહત્વનુ બની રહેશે. આમ તો ભારતીય ટીમ માટે વર્ષ 2019 એકદમ સારુ રહ્યુ, ભારતીય ટીમે ટેસ્ટ, વનડે અને ટી20માં સારુ પ્રદર્શન કરીને ક્રિકેટમાં આગવુ સ્થાન મેળવી લીધુ છે. રિપોર્ટ પ્રમાણે, ઇન્ટરનેશનલ ક્રિકેટ કાઉન્સિલ 2020માં એક નહીં પણ ત્રણ-ત્રણ વર્લ્ડકપ રમાડવા જઇ રહી છે. ટીમ ઇન્ડિયા માટે આ વર્ષ ખુબ મહત્વનુ એટલા માટે છે કે ત્રણેય ભારતીય ટીમો માટે વર્લ્ડકપ જીતવાનો મોકો છે, જેમાં પુરુષ, મહિલા અને અંડર-19 ટીમો સામેલ છે. આઇસીસી આ વર્ષે ત્રણ વર્લ્ડકપ એટલે ટી20 મેન્સ વર્લ્ડકપ 2020, ટી20 વૂમન્સ ટી20 અને અંડર-19 વર્લ્ડકપનુ આયોજન કરી રહી છે. ખાસ વાત છે કે, ત્રણેય ક્લાસમાં ટીમ ઇન્ડિયાની મજબૂત પક્કડ છે, જેથી માની શકાય કે ભારતીય ટીમને આ વર્ષેય આ ત્રણેય વર્લ્ડકપ જીતવાનો બેસ્ટ ચાન્સ છે. ઉલ્લેખનીય છે કે, હાલ ભારતીય ટી20 વર્લ્ડકપ માટે કેપ્ટન વિરાટ કોહલી, વૂમન્સ ટી20 વર્લ્ડકપ માટે હરમનપ્રીત કૌર અને અંડર-19 વર્લ્ડકપ માટે પ્રિયમ ગર્ગને કેપ્ટનશીપ સોંપવામાં આવી છે.