Vinod Kambli Health: ક્રિકેટર વિનોદ કાંબલીની તબિયત લથડી, રસ્તાં પર પડી જતાં ઉંચકીને લઇ જવો પડ્યો, જુઓ વીડિયો
Vinod Kambli Video: ભૂતપૂર્વ ભારતીય બેટ્સમેન વિનોદ કાંબલીને કોઈ ઓળખની જરૂર નથી. વિનોદ કાંબલી તેના સમયનો મહાન બેટ્સમેન હતો
Vinod Kambli Video: ભૂતપૂર્વ ભારતીય બેટ્સમેન વિનોદ કાંબલીને કોઈ ઓળખની જરૂર નથી. વિનોદ કાંબલી તેના સમયનો મહાન બેટ્સમેન હતો. આ સિવાય તે માસ્ટર બ્લાસ્ટર સચિન તેંદુલકરનો બાળપણનો મિત્ર રહ્યો છે. વિનોદ કાંબલીએ 17 ટેસ્ટ મેચો સિવાય 104 ODI મેચોમાં ભારતનું પ્રતિનિધિત્વ કર્યું હતું. તે 1993 થી 2000 સુધી ભારત માટે રમ્યો હતો. જ્યારે તે છેલ્લે વર્ષ 2004માં ઘરેલુ ક્રિકેટમાં જોવા મળ્યો હતો. જો કે વિનોદ કાંબલીનો વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયો જોયા પછી લોકો વિશ્વાસ કરી શકતા નથી.
ખરેખરમાં, સોશિયલ મીડિયા પર વાયરલ વીડિયોમાં જોઈ શકાય છે કે વિનોદ કાંબલી પોતાના પગ પર ચાલી શકતો નથી. માત્ર 52 વર્ષની ઉંમરે વિનોદ કાંબલીની તબિયત ખૂબ જ ખરાબ થઈ ગઈ છે. આ બેટ્સમેન નાદુરસ્ત તબિયતથી પીડિત છે અને તેને ચાલવા માટે સપોર્ટની જરૂર છે. આ વીડિયોમાં રસ્તાં પર વિનોદ કાંબલી બાઇક પર ચાલુ કરવા જાય છે, અને ઢળી પડે છે, બાદમાં ચાર લોકો તેને ટેકો આપીને ઉંચકીને લઇ જાય છે. જો કે વિનોદ કાંબલી સોશિયલ મીડિયા પર ચર્ચાનો વિષય બની રહે છે. આ સિવાય સોશિયલ મીડિયા યૂઝર્સ સતત કોમેન્ટ કરીને પોતાનો પ્રતિભાવ આપી રહ્યા છે.
View this post on Instagram
જો કે વિનોદ કાંબલીની સ્વાસ્થ્ય સમસ્યાઓ કોઈ નવી વાત નથી. તાજેતરમાં તેણે કહ્યું હતું કે હૃદય સંબંધિત સમસ્યાઓ સિવાય તે ડિપ્રેશનથી પીડિત છે. આ સમય દરમિયાન તે દવાઓ લે છે, પરંતુ તેને હૉસ્પિટલમાં જવું પડે છે. વાસ્તવમાં, વિનોદ કાંબલીની તબિયત 2010ના દાયકાની શરૂઆતમાં ખૂબ જ ખરાબ થઈ ગઈ હતી. પરંતુ આ પછી ઘણો સુધારો જોવા મળ્યો. જો કે હવે જે વિડીયો સામે આવી રહ્યો છે તે ક્રિકેટ ચાહકો માટે દુઃખદ છે. ઉલ્લેખનીય છે કે વિનોદ કાંબલી તેમના સમયના મહાન બેટ્સમેન હતા. ક્રિકેટના મેદાન સિવાય તે પોતાના અંગત જીવનના કારણે પણ ચર્ચામાં રહે છે.
ટ્રેન્ડિંગ સમાચાર
ટોપ સ્ટોરી
