લાખો ક્રિકેટ ફેન્સના દિલ તૂટ્યા! ઇંગ્લેન્ડ સામેની પ્રથમ વનડેમાં રોહિત શર્મા અને વિરાટ કોહલી ફ્લોપ

એજબેસ્ટનમાં 259 રનના ટાર્ગેટનો પીછો કરવા ઉતરેલી ટીમ ઇન્ડિયાના બંને દિગ્ગજો સસ્તામાં પેવેલિયન પરત ફર્યા, ઇંગ્લેન્ડની નાટકીય બેટિંગ.

Virat Kohli Rohit Sharma Flop IND vs ENG 1st ODI Edgbaston

Source : ANI

Show Quick Read

Key points generated by AI, verified by newsroom

• ટોસ જીતી ઇંગ્લેન્ડ 61/0 થી 107/6 થયું, સંકટમાં મુકાયું.
• જો રૂટ અને ડોસને સદીની ભાગીદારી કરી, 258 રન બનાવ્યા.
• ભારત તરફથી અક્ષર પટેલે 4 વિકેટ ઝડપી, બોલરો ચમક્યા.
• 259 રન ચેઝમાં રોહિત-કોહલી નિષ્ફળ, ચાહકો નિરાશ થયા.

India vs England 1st ODI: બર્મિંગહામના એજબેસ્ટન મેદાન પર ભારત અને ઇંગ્લેન્ડ વચ્ચે રમાઈ રહેલી પ્રથમ વનડે મેચમાં લાખો ભારતીય ક્રિકેટ ચાહકોના દિલ તૂટી ગયા છે. ફેન્સ જે બે દિગ્ગજ ખેલાડીઓ - રોહિત શર્મા અને વિરાટ કોહલી પાસેથી મોટી ઇનિંગ્સની આશા રાખી રહ્યા હતા, તેઓ બંને આ મેચમાં સંપૂર્ણપણે નિષ્ફળ સાબિત થયા છે અને તેમના બેટ એકદમ શાંત રહ્યા છે.

બંને સ્ટાર બેટ્સમેનોનું કંગાળ પ્રદર્શન

ઇંગ્લેન્ડે આપેલા 259 રનના લક્ષ્યાંકનો પીછો કરવા ઉતરેલી ટીમ ઇન્ડિયાને સારી શરૂઆતની જરૂર હતી, પરંતુ એવું થઈ શક્યું નહીં. કેપ્ટન રોહિત શર્મા 21 બોલ રમીને માત્ર 11 રન જ બનાવી શક્યો, જેમાં તેણે ફક્ત 1 ચોગ્ગો ફટકાર્યો. બીજી તરફ, ત્રીજા નંબર પર બેટિંગ કરવા આવેલો 'રન મશીન' વિરાટ કોહલી પણ માત્ર 6 બોલમાં 1 ચોગ્ગાની મદદથી 5 રન બનાવીને સસ્તામાં પેવેલિયન ભેગો થઈ ગયો. ચાહકોને આશા હતી કે આ બંનેમાંથી કોઈ એક ખેલાડી છેક સુધી અણનમ રહીને ટીમને જીત અપાવશે, પરંતુ તેમની આશા પર પાણી ફરી વળ્યું.

નોંધનીય છે કે, લાંબા સમય બાદ આ બંને સ્ટાર ખેલાડીઓ વનડે ફોર્મેટમાં રમતા જોવા મળ્યા હતા. રોહિત છેલ્લે જૂનમાં અફઘાનિસ્તાન સામેની વનડે સિરીઝમાં રમ્યો હતો, જ્યારે વિરાટ કોહલીએ આ વર્ષની શરૂઆતમાં જાન્યુઆરીમાં ન્યુઝીલેન્ડ સામે વનડે રમી હતી.

આ પણ વાંચોઃ IND vs ENG 1st ODI: એજબેસ્ટનમાં ઇંગ્લેન્ડની બેટિંગ, ભારતની પ્લેઇંગ 11માં મોટો ઉલટફેર

ઇંગ્લેન્ડની ઇનિંગ્સમાં ડ્રામા અને જો રૂટની શાનદાર રિકવરી

આ પહેલા, ટોસ જીતીને પ્રથમ બેટિંગ કરવા ઉતરેલી ઇંગ્લેન્ડની ટીમની ઇનિંગ્સ ખૂબ જ નાટકીય રહી હતી. એક સમયે વિના વિકેટે 61 રન બનાવનાર ઇંગ્લેન્ડે માત્ર 107 રનના સ્કોર પર પોતાના 6 મુખ્ય બેટ્સમેનો ગુમાવી દીધા હતા. ત્યારે એવું લાગતું હતું કે તેઓ 150 રન પણ નહીં બનાવી શકે. પરંતુ લિયામ ડોસન અને જો રૂટે બાજી સંભાળી અને સાતમી વિકેટ માટે 134 બોલમાં 121 રનની શાનદાર પાર્ટનરશિપ કરીને ટીમને સન્માનજનક સ્કોર સુધી પહોંચાડી. આખરે ઇંગ્લેન્ડની ટીમ 47.5 ઓવરમાં 258 રન બનાવીને ઓલઆઉટ થઈ ગઈ.

અક્ષર પટેલનો તરખાટ

ભારત તરફથી શાનદાર બોલિંગ કરતા અક્ષર પટેલે સૌથી વધુ 4 વિકેટ ઝડપી હતી. આ ઉપરાંત યુવા ફાસ્ટ બોલર પ્રસિદ્ધ કૃષ્ણા અને ગુરનુર બ્રારે 2-2 વિકેટ લીધી હતી, જ્યારે શિવમ દુબે અને જસપ્રીત બુમરાહને 1-1 સફળતા મળી હતી.

આ પણ વાંચોઃ IND vs ENG: પ્રથમ વનડેમાં આવી હશે ભારતની પ્લેઇંગ ઇલેવન! ટીમમાં 7 નવા ખેલાડીઓનો થશે એન્ટ્રી