વિરાટ કોહલીની ઈજા: શું કિંગ કોહલી આજની LSG સામેની મેચ રમશે કે નહીં?

મુંબઈ ઈન્ડિયન્સ સામેની મેચમાં ફિલ્ડિંગ દરમિયાન ગેરહાજર રહેલા વિરાટની ફિટનેસ પર સવાલો ઉભા થયા છે. જાણો તેની ઈજા અંગેનું લેટેસ્ટ અપડેટ.

will virat kohli play today against lsg ipl 2026 rcb vs lsg injury update

Source : Social Media

Show Quick Read

Key points generated by AI, verified by newsroom

• વિરાટ કોહલી પગની ઘૂંટીની ઈજાથી પીડાઈ રહ્યા છે, મેચ રમવા પર પ્રશ્નાર્થ.
• મુંબઈ સામેની મેચમાં કોહલી બેટિંગ પછી ફિલ્ડિંગમાં ઉતર્યા ન હતા.
• ફિઝિયો સાથે સારવાર ચાલુ, મેચ રમવા પ્રયાસ કરી રહ્યા છે.
• RCB ની ચોથી જીતની શોધ, કોહલીની ગેરહાજરી ચિંતાનો વિષય.

Virat Kohli injury update today: રોયલ ચેલેન્જર્સ બેંગ્લોર (RCB) ના ચાહકો માટે એક ચિંતાના સમાચાર આવી રહ્યા છે. આજે બેંગ્લોરના એમ ચિન્નાસ્વામી સ્ટેડિયમમાં ટૂર્નામેન્ટની 23મી મેચ લખનૌ સુપર જાયન્ટ્સ (LSG) સામે રમાવાની છે, પરંતુ સૌની નજર વિરાટ કોહલી પર ટકેલી છે. કથિત રીતે પગની ઘૂંટી (એડી) ની ઈજાને કારણે વિરાટ આજની મેચ રમશે કે નહીં તે અંગે મોટો પ્રશ્નાર્થ ઊભો થયો છે. મુંબઈ સામેની છેલ્લી મેચમાં બેટિંગ કર્યા બાદ તે ફિલ્ડિંગ કરવા મેદાનમાં આવ્યો ન હતો, જેનાથી તેની ઈજાની અટકળો વધુ તેજ બની છે. ચાલો જાણીએ આ સમગ્ર મામલે લેટેસ્ટ અપડેટ શું છે.

મુંબઈ સામેની મેચમાં શું થયું હતું?

RCB ની છેલ્લી મેચ 12 એપ્રિલના રોજ મુંબઈ ઈન્ડિયન્સ સામે રમાઈ હતી. આ મેચમાં બેંગલુરુએ પહેલા બેટિંગ કરી હતી, જેમાં કોહલીએ શાનદાર પ્રદર્શન કરતા 38 બોલમાં 5 ચોગ્ગા અને 1 છગ્ગાની મદદથી 50 રન બનાવ્યા હતા. પરંતુ ખરી ચિંતા ત્યારે શરૂ થઈ જ્યારે બીજી ઇનિંગમાં કોહલી ફિલ્ડિંગ કરવા માટે મેદાન પર જોવા મળ્યો નહીં. આ પછી તરત જ એવા અહેવાલો વહેતા થયા કે કોહલીને એડીમાં ઈજા પહોંચી છે અને તેના જ કારણે તેણે મેદાનમાં ઉતરવાનું ટાળ્યું હતું.

Virat Kohli is in pain and has a strip on his leg, yet he is still trying his best to be ready to play vs LSG.

He is struggling while running and working with the RCB physio on his injury, but he is still trying his best to play.

Man, Kohli needs rest for at least one match. 👀 pic.twitter.com/mkuptzcfRA

— Sonu (@Cricket_live247) April 15, 2026

આજની મેચ રમવા અંગે સસ્પેન્સ અકબંધ

સોશિયલ મીડિયા પર પણ વિરાટની ઈજાને લઈને ચર્ચાઓ ગરમ છે. હાલમાં જ એક યુઝરે વિરાટ કોહલીનો એક વીડિયો શેર કર્યો છે, જેમાં સ્પષ્ટ જોઈ શકાય છે કે કોહલીને પગમાં દુખાવો થઈ રહ્યો છે અને તેને પાટો બાંધેલો છે. તેને દોડવામાં પણ મુશ્કેલી પડી રહી છે. જોકે, તે ફિઝિયો સાથે મળીને પોતાની ઈજા પર કામ કરી રહ્યો છે અને આજની મેચ રમવાનો પૂરો પ્રયાસ કરી રહ્યો છે.

અહીં નોંધનીય વાત એ છે કે, RCB ફ્રેન્ચાઇઝી તરફથી હજુ સુધી કોહલીની ઈજા અંગે કોઈ જ સત્તાવાર નિવેદન કે અપડેટ આપવામાં આવ્યું નથી. સામાન્ય રીતે વિરાટ બેટિંગ કર્યા પછી ફિલ્ડિંગ કરવા ન આવે એવું ભાગ્યે જ બને છે. તેથી મુંબઈ સામે તેની ગેરહાજરી ઘણું બધું સૂચવી જાય છે. હવે આજની લખનૌ સામેની મેચમાં તે મેદાનમાં ઉતરશે કે કેમ તે જોવું ખૂબ જ રસપ્રદ રહેશે.

સતત ચોથી જીતની તલાશમાં RCB

બેંગલુરુની ટીમ આ સિઝનમાં અત્યાર સુધીમાં શાનદાર ફોર્મમાં જોવા મળી છે. ટીમે 4 મેચ રમી છે, જેમાંથી 3 મેચમાં શાનદાર જીત મેળવી છે. આજે લખનૌ સામે આ તેમની 5મી લીગ મેચ છે. ટીમ ચોક્કસપણે આ મેચ જીતીને ટૂર્નામેન્ટમાં પોતાની સતત ચોથી જીત નોંધાવવાનો પૂરો પ્રયાસ કરશે. જો વિરાટ આ મેચ નહીં રમે, તો ટીમ માટે આ એક મોટો ફટકો સાબિત થઈ શકે છે.

આ પણ વાંચો

CSK vs KKR: ચેન્નાઈએ ઘરઆંગણે નોંધાવી શાનદાર જીત, કોલકાતાની 5 મેચમાં 4થી હાર