20 વર્ષનો ભારતીય ક્રિકેટર મેદાન પર રમતાં રમતાં જ ઢળી પડ્યો ને ગુજરી ગયો, જાણો ક્યાં બની આ ઘટના?

કોલકાતાઃ કોલકાતાના બાલીગંજ સ્પોર્ટિંગ ક્લબ માટે રમતા 22 વર્ષના ક્રિકેટ સોનૂ યાદવનું મોત થયું છે. અહેવાલ અનુસાર સોનૂ પ્રેક્ટિસ મેચ દરમિયાન પડી ગયો હતો. ત્યાર બાદ તેને હોસ્પિટલ લઈ જવામાં આવ્યો હતો, પરંતુ હોસ્પિટલમાં ડોક્ટર્સે તેને મૃત જાહેર કર્યો હતો. હોસ્પિટલ તરફથી કેહાવમાં આવ્યું કે, સન સ્ટ્રોકને કારણે આ દુર્ઘટના થઈ હોઈ શકે. જોકે, ફાઈનલ અને સત્તાવાર અહેવાલ હજુ આવ્યો નથી. બાલીગંજ સ્પોર્ટિંગ ક્લબના ખેલાડી પ્રેક્ટિસ કરી રહ્યાં હતા. આ દરમિયાન સોનૂ યાદવ બેટિંગ કરતા સમયે બિમાર થઈ ગયો. ત્યારબાદ તેના સાથી ખેલાડીઓએ તેને આરામ કરવાની સલાહ આપી, પરંતુ તેની સ્થિતિ વધુ ખરાબ થઈ ગઈ હતી. વધુ બિમાર થવાને કારણે ક્લબના અધિકારી તેને કેબના મેડિકલ યૂનિટમાં લઈને ગયાં જ્યાં ડોક્ટરોએ તેને હોસ્પિટલ લઈ જવાની સલાહ આપી હતી. ત્યારબાદ તેને એસએસકેએમ હોસ્પિટલ લઈ જવામાં આવ્યો જ્યાં તપાસ બાદ તેને મૃત જાહેર કરવામાં આવ્યો હતો. શરૂઆતમાં હોસ્પિટલ તરફથી કહેવામાં આવ્યું કે, લગભગ સન સ્ટ્રોકને કારણે તેની સાથે આ દુર્ઘટના ઘટી છે. સોનૂના સાથી ખેલાડીઓનું કહેવું છે કે, બાટા સ્પોર્ટિંગ ક્લબ મેદાન પર આ દિવસોમાં અભ્યાસ ચાલી રહ્યો હતો. તેણે સોનૂના મોત માટે ક્લબને જવાબદાર ઠેરવતા કહ્યું કે, ચિકિત્સાની સુવિધાઓના અભાવને કારણે આ ઘટના બની છે. એક ક્રિકેટરે કહ્યું કે, મેદાન પર કોઈ પ્રાથમિક સારવારની વ્યવસ્થા નહતી. 22 વર્ષના સોનૂને બચાવી શકાય તેમ હતો. જો તેની ફરિયાદ બાદ તેને સીધો હોસ્પિટલ લઈ જવામાં આવ્યો હોત. પરંતુ આ મામલામાં ક્લબ સંચાલકો તરફથી હજુ સુધી કોઈ પ્રતિક્રિયા આવી નથી.