ધોનીની નિવૃત્તિને લઈ CSK એ કર્યો મોટો ખુલાસો, જાણો શું કહ્યું

આઈપીએલની ફ્રેન્ચાઇઝી ટીમ ચેન્નઈ સુપર કિંગ્સે એક સૂત્રને કહ્યું કે ધોની આવતા વર્ષે આઈપીએલમાં રમશે. અહેવાલ મુજબ 38 વર્ષના ધોનીની વનડે ક્રિકેટમાંથી સંન્યાસ લેવાની શક્યતા છે, પરંતુ તે ચેન્નઈ સુપર કિંગ્સ માટે 2020 આઈપીએલ રમશે.

નવી દિલ્હીઃ વર્લ્ડ કપની સેમિફાઇનલમાં ન્યૂઝીલેન્ડના હાથે મળેલી હાર બાદથી મહેન્દ્રસિંહ ધોનીની નિવૃત્તિને લઈ અનેક અટકળો ચાલી રહી છે. માનવામાં આવી રહ્યું હતું કે સેમિ ફાઇનલ તેની કારકિર્દીની અંતિમ મેચ હતી. જોકે, ત્યારબાદ ધોની તરફથી કોઈ સત્તાવાર જાહેરાત નથી કરવામાં આવી. પ્રશંસકો તેના આઈપીએલમાં રમવાને લઈને પણ ચિંતિત છે. આ દરમિયાન ધોનીના સંન્યાસને લઈને એક મોટા સમાચાર આવ્યા છે. આઈપીએલની ફ્રેન્ચાઇઝી ટીમ ચેન્નઈ સુપર કિંગ્સે એક સૂત્રને કહ્યું કે ધોની આવતા વર્ષે આઈપીએલમાં રમશે. અહેવાલ મુજબ 38 વર્ષના ધોનીની વનડે ક્રિકેટમાંથી સંન્યાસ લેવાની શક્યતા છે, પરંતુ તે ચેન્નઈ સુપર કિંગ્સ માટે 2020 આઈપીએલ રમશે. વર્લ્ડ કપની ગ્રુપ મેચમાં અફઘાનિસ્તાન વિરુદ્ધ ધીમી બેટિંગના કારણે ધોનીને ટીકાઓનો સામનો કરવો પડ્યો હતો, જેનાથી અનેક લોકોએ તો તેને સંન્યાસ લેવાની પણ સલાહ આપી દીધી હતી, પરંતુ તે સેમીફાઇનલમાં દિગ્ગજ વિકેટકિપરે પોતાની બેટિંગથી સારું પ્રદર્શન કરી ભારતની જીતની આશા જીવંત કરી હતી. ધોનીએ સેમિ ફાઇનલમાં ટીમ કપરી સ્થિતિમાં મૂકાયા બાદ રવિન્દ્ર જાડેજાની સાથે મળીને સાતમી વિકેટ માટે 116 રનની પાર્ટનરશીપ કરી હતી. પરંતુ તે ટીમને જીત અપાવી શક્યો નહોતો. માર્ટિન ગપ્ટિલે તેને રન આઉટ કરીને ભારતની આશાઓ તોડી દીધી હતી. વર્લ્ડકપ ફાઈનલઃ મહિલા ફેને કર્યું એવું કે....... વૃદ્ધ મહિલા ફેનનો યોર્કર જોઈને હેરાન રહી ગયો બુમરાહ, આપ્યો આ જવાબ વર્લ્ડકપ વિજેતા ટીમને નથી મળતી Trophy, હારનારી ટીમને મળશે આટલા રૂપિયા, જાણો વિગત