ગ્રેમ સ્વાનની ભવિષ્યવાણી, આ બે ટીમ વચ્ચે રમાશે વર્લ્ડકપ 2019ની ફાઈનલ મેચ

મ સ્વાને જણાવ્યું કે, ગત ચેમ્પિયન ભલે હાલમાં પોઈન્ટ ટેબલમાં ટોચ પર હોય પરંતુ તેમની રતમ હજુ પણ જૂની ઢબની છે.

નવી દિલ્હીઃ વર્લ્ડકપ 2019 ઇંગ્લેન્ડ અને વેલ્સમાં રમાઈ રહ્યો છે. ફાઈનલ 14 જુલાઈના રોડ લોર્ડ્સમાં રમાશે. તમામ ટીમ પોતાનું સર્વશ્રેષ્ઠ પ્રદર્શન કરી રહી છે. ઇંગ્લેન્ડના પૂર્વ ખેલાડી ગ્રેમ સ્વાને ફાઈનલ મેચને લઈને હવે પોતાની ભવિષ્યવાણી કરી છે. તેમને લાગે છે કે, ઇંગ્લેન્ડની ટીમ ફાઈનલ મેચ રમવા માટે દાવેદાર છે. ઓસ્ટ્રેલિયા હાલમાં ફાઈનલ રમવાની ક્ષમતા નથી. ગ્રેમ સ્વાને જણાવ્યું કે, ગત ચેમ્પિયન ભલે હાલમાં પોઈન્ટ ટેબલમાં ટોચ પર હોય પરંતુ તેમની રતમ હજુ પણ જૂની ઢબની છે. તેમણે જણાવ્યું કે, ન્યૂઝીલેન્ડની ટક્કર હજુ સુધી કોઈપણ મજબૂત ટીમ સાથે નથી થઈ. આ જ કારણે તેને મજબૂત ટીમનો દરજ્જો આપવો પણ ખોટું છે. અત્યાર સુધી પોઈન્ટ ટેબલમાં ઓસ્ટ્રેલિયા ઉપર હોવા છતાં તે ફાઈનલમાં પહોંચે તેવી ગ્રેમને ઓછી આશા લાગી રહી છે. ઇંગ્લેન્ડ અત્યાર સુધી 4 મેચ રમી છે અને તેમાંથી 3માં જીત મેળવી છે. જ્યારે ભારત પણ 4 મેચ રમ્યું છે જેમાંથી 3માં જીત મેળવી છે અને એક મેચ વરસાદને કારણે રદ્દ થયો છે. પરંતુ હાલમાં બન્ને ટીમ પોતાની રમવાની ઢબમાં પરિવર્તન લાવી છે. આ જ કારણ છે કે ભારત અને ઇંગ્લેન્ડ 14 જુલાઈના રોજ ફાઈનલ રમવા માટે લોર્ડ્સ મેદાન પર એકબીજા સાથે ટકરાઈ શકે છે.