ધોનીના ચાહકો માટે ખરાબ સમાચાર, નેટ પ્રેક્ટિસ દરમિયાન થયો ઈજાગ્રસ્ત

નવી દિલ્હી: ટીમ ઇન્ડિયાના અનુભવી વિકેટકીપર બેટ્સમેન મહેન્દ્ર સિંહ ધોની શનિવારે ઑસ્ટ્રેલિયા વિરુદ્ધ પ્રથમ વનડે પહેલા પ્રેક્ટિસ સત્ર દરમિયાન ઈજાગ્રસ્ત થઇ ગયો છે. ધોનીને ડાબા હાથમાં ઈજા થઈ છે. ઓસ્ટ્રેલિયા વિરુદ્ધ પાંચ વનડે મેચની સીરીઝની પ્રથમ વનડે શનિવારે હૈદરાબાદમાં રમાવાની છે. ટીમ તમામ ખેલાડીઓ અધિકારિક સત્ર બાદ થ્રોડાઉન લઈ રહ્યા હતા. એવામાં રાઘવેન્દ્રનો એક બોલ ધોનીના ડાબા હાથમાં વાગતા તેને ઈજા પહોંચી છે. તેના બાદ ધોનીએ બેટિંગ પણ નથી કરી. જો કે ગંભીર ઇજા છે કે નહીં અને પ્રથમ વનડેમાં રમશે કે નહીં તે અંગે કોઈ જ પુષ્ટી થઈ શકી નથી. જો ઈજાના કારણે પ્રથમ વનડેમાં ધોની નહીં રમે તો રિષભ પંત વિકેટકીપિંગની જવાબદારી સંભાળશે. ઓસ્ટ્રેલિયા વિરુદ્ધ સીરીઝનો પ્રથમ મુકાબલો હૈદરાબાદમાં રમાશે. આ પહેલા બે ટી20 મેચની સીરીઝમાં ટીમ ઇન્ડિયાને હારનો સામનો કરવો પડ્યો હતો. IND vs AUS: વનડે સીરીઝના બે વન-ડે મેચના સ્થળો બદલાય તેવી સંભાવના, જાણો શું છે કારણ INDvAUS: હાર છતાં ધોનીએ બનાવ્યો આ રેકોર્ડ, બન્યો પ્રથમ ભારતીય ક્રિકેટર