ભારતે ફાઈનલમાં બાંગ્લાદેશને હરાવ્યું, સાત વર્ષ બાદ જીત્યું ટાઈટલ

India Wins SAFF Womens Championship 2026: ભારતે ફાઇનલમાં બાંગ્લાદેશને 3-1થી હરાવીને SAFF મહિલા ચેમ્પિયનશિપ જીતી હતી. આ છઠ્ઠી વખત ભારતીય મહિલા ફૂટબોલ ટીમે ટ્રોફી જીતી છે.

આ છઠ્ઠી વખત ભારતીય મહિલા ફૂટબોલ ટીમે ટ્રોફી જીતી છે.

Source : Photo Credit: સોશિયલ મીડિયા

Show Quick Read

Key points generated by AI, verified by newsroom

• ભારતે બાંગ્લાદેશને 3-1થી હરાવી SAFF મહિલા ચેમ્પિયનશિપ 2026 જીતી.
• ભારતે ફાઇનલમાં જીતી છઠ્ઠીવાર આ ટ્રોફી પોતાના નામે કરી.
• પ્યારી, સનફિદા, લિન્ડાના ગોલથી ભારતે 3-1થી વિજય મેળવ્યો.
• ટીમ ઇન્ડિયા સમગ્ર ટુર્નામેન્ટમાં અજેય રહી ખિતાબ જીત્યો.

India Wins SAFF Womens Championship 2026:  ભારતે ફાઇનલમાં બાંગ્લાદેશને 3-1થી હરાવીને SAFF મહિલા ચેમ્પિયનશિપ જીતી હતી. આ છઠ્ઠી વખત ભારતીય મહિલા ફૂટબોલ ટીમે ટ્રોફી જીતી છે. આ ટાઇટલ મેચ ગોવાના જવાહરલાલ નહેરુ સ્ટેડિયમમાં રમાઈ હતી. અગાઉ ભારતે 2010 થી 2019 સુધી સતત પાંચ ચેમ્પિયનશિપ જીતી હતી.

ભારતે ફાઇનલ મેચનો પહેલો ગોલ 42મી મિનિટે કર્યો હતો.  પ્યારી ખાખાએ ટીમ ઇન્ડિયાને 1-0ની લીડ અપાવી હતી. ઋતુ ચકમાએ વધારાના સમયમાં ગોલ કરીને બાંગ્લાદેશ માટે સ્કોર 1-1થી બરાબર કર્યો હતો. જ્યારે બીજો હાફ શરૂ થયો, ત્યારે સનફિદા નોંગ્રમે પહેલી જ મિનિટે ગોલ કરીને ભારતને 2-1ની લીડ અપાવી હતી. ભારતનો છેલ્લો ગોલ ત્યારે થયો જ્યારે લિન્ડા કોમે 82મી મિનિટે ગોલ કરીને ભારતને 3-1ની લીડ અપાવી હતી, જે અંત સુધી યથાવત રહી હતી.

આ પહેલા ભારત સેમિફાઇનલમાં ભૂટાનને 1-0ના ટૂંકા માર્જિનથી હરાવીને ફાઇનલમાં પહોંચ્યું હતું. ભારતીય મહિલા ફૂટબોલ ટીમ સમગ્ર ટુર્નામેન્ટ દરમિયાન અજેય રહી હતી. તેઓએ ગ્રુપ સ્ટેજમાં બંને મેચ જીતી પછી સેમિફાઇનલમાં ભૂટાન અને ફાઇનલમાં બાંગ્લાદેશને હરાવીને ટ્રોફી જીતી હતી.

ભારત છઠ્ઠી વખત ચેમ્પિયન બન્યું
સાઉથ એશિયન ફૂટબોલ ફેડરેશન વિમેન્સ કપ (SAFF વિમેન્સ કપ) 2010માં શરૂ થયો. ત્યારબાદ 2016 સુધી દર બે વર્ષે આ ટુર્નામેન્ટ યોજાતી હતી અને ટીમ ઇન્ડિયાએ દરેક વખતે ટ્રોફી જીતી હતી. 2016ના ત્રણ વર્ષ પછી, 2019માં ફરીથી આ ટુર્નામેન્ટ યોજાઈ હતી, પરંતુ આ વખતે પણ ભારત ચેમ્પિયન બન્યું હતું.

2022 અને 2024માં ભારતીય ટીમ ફક્ત સેમિફાઇનલમાં પહોંચી હતી, પરંતુ 2026માં ટીમ ઇન્ડિયાએ સાત વર્ષના ટાઇટલ દુકાળનો અંત લાવ્યો. ભારત ઉપરાંત બાંગ્લાદેશ એકમાત્ર ટીમ છે જેણે આ ટાઇટલ જીત્યું છે. 2022 અને 2024ના ચેમ્પિયન બાંગ્લાદેશ, ટાઇટલની હેટ્રિક હાંસલ કરવા માંગતો હતો પરંતુ ટીમ ઇન્ડિયાએ તેમની આશાઓ પર પાણી ફેરવી દીધું. 

મેચની શરૂઆતથી જ ભારતીય ટીમે બોલ પર નિયંત્રણ જાળવી રાખ્યું અને સતત આક્રમક રમત રમી હતી. ઘણી તકો પછી પ્યારી ઝાક્સાએ 42મી મિનિટે શાનદાર ગોલ કરીને ભારતને 1-0ની લીડ અપાવી. જોકે, પહેલા હાફના વધારાના સમયમાં બાંગ્લાદેશની રીતુ પોરાના ચકમાએ શાનદાર ગોલ કરીને સ્કોર 1-1 ની બરાબરી પર લાવી દીધો. સમગ્ર ટુર્નામેન્ટમાં ભારત સામે આ પહેલો ગોલ હતો.

આ પણ વાંચો

FIFA World Cup: ઈરાકના સ્ટાર ફૂટબોલરને અમેરિકાએ એરપોર્ટ પર કર્યો ડિટેઈન, સાત કલાક બાદ છોડ્યો

ટેનિસની નવી ક્વિન બની Mirra Andreeva, ફ્રેન્ચ ઓપન જીતવા પર મળ્યા 27.7 કરોડ