બ્રિટન: ભારતીય ક્રિકેટ ટીમે સ્વતંત્રતા દિવસની આ રીતે કરી ઉજવણી

નવી દિલ્હી: દેશભરમાં આજે 72મા સ્વતંત્રતા દિનની ઉજવણી કરવામાં આવી. ત્યારે ભારતમાંજ નહીં પણ દેશની બહાર રહેતા ભારતીઓએ પણ આ પર્વ પર જોશ સાથે ઉજવણી કરી. ટીમ ઈન્ડિયાએ પણ ઈંગ્લેન્ડની રાજધાની લંડનમાં તિરંગો લહેરાવી 72મા સ્વતંત્રતા દિવસની ઉજવણી કરી હતી.

ટીમ ઈન્ડિયા પહેલા બે મેચ ટેસ્ટ મેચમાં હારનો સામનો કરવો પડ્યો છે. તેની સાથે ટીમ ઈન્ડિયા 0-2 સાથે પાછળ છે.

ભારતીય ક્રિકેટ ટીમના કોચ રવિ શાસ્ત્રી અને કેપ્ટન વિરાટ કોહલીએ લંડનમાં હોટલની બહાર તિરંગો ફરકાવ્યો હતો. તમામ ભારતીય ખેલાડી અને સ્ટાફ ત્યાં હાજર હતા. ટીમ ઈન્ડિયાએ તાજ હોટલના સેન્ટ જેમ્સ કોર્ટમાં સવારે ધ્વજ વંદન કર્યું હતું.

કેપ્ટન વિરાટ કોહલીએ ટીમ તરફથી દેશવાસીઓને સ્વતંત્રતા દિવસની શુભકામાએ આપી. ટીમ ઈન્ડિયા હાલમાં ઈંગ્લેન્ડના પ્રવાસે છે. ભારત અને ઈંગ્લેન્ડ વચ્ચે પાંચ મેચની ટેસ્ટ સીરીઝ રમાઈ રહી છે. આ શનિવારે ત્રીજી ટેસ્ટ ટ્રેન્ટ બ્રિજમાં રમાશે.