IPL 2018: રાજસ્થાન રોયલ્સે દિલ્હીને 10 રને આપી હાર

જયપુરઃ રાજસ્થાન રોયલ્સે બોલિંગના શાનદાર પ્રદર્શનને જોરે ડકવર્થ લુઈશ પદ્ધતિથી દિલ્હી ડેરડેવિલ્સને 10 રને હરાવીને આઈપીએલ-11માં પ્રથમ જીત મેળવી છે જ્યારે દિલ્હી માટે આ સતત બીજી હાર છે. રાજસ્થાન રોયલ્સે પ્રથમ બેટિંગ કરતાં 17.5 ઓવરમાં 153 રન બનાવ્યા હતા જે વરસાદ કારણે મેચ રોકવો પડ્યો હતો. મેચ અઢી કલાક બાદ ફરી શરૂ થયો હતો અને દિલ્હીની ટીમને 6 ઓવરમાં 71 રનનો ટાર્ગેટ મળ્યો હતો. જેના જવાબમાં દિલ્હીની ટીમ 4 વિકેટે માત્ર 60 રન બનાવી શકી.

અગાઉ બટલરે ફટકાબાજી કરીને RRના સ્કોરને 170ને પાર કરવાની આશા બંધાવી હતી. પરંતુ શમીના બોલ પર ક્રોસ બેટ શોટ મારવા જતાં તે ક્લિન બોલ્ડ થઈ ગયો હતો. આમ RRની 150 રનમાં 5 વિકેટ પડી ગઈ હતી અને હજી 2 ઓવર બાકી હતી. જો કે, 18મી ઓવરમાં જ વરસાદ પડતાં રમત અટકાવાની ફરજ પડી હતી.