IPL 2018: આ અંગ્રેજ ક્રિકેટરે કરી કોહલીના રેકોર્ડની બરાબરી, હવે માત્ર સેહવાગ જ છે આગળ, જાણો વિગત

ટી-20 ક્રિકેટમાં સતત પાંચ અડધી સદી ફટકારવાનું કારનામું વિશ્વના માત્ર 3 બેટ્સમેનો જ કરી શક્યા છે. વીરેન્દ્ર સેહવાગ ઉપરાંત ઝિમ્બાબ્વેનો હેમિલ્ટન મસાક્ઝા 2012માં તથા પાકિસ્તાનનો કામરાન અકમલ 2017માં આ કારનામું કરી ચૂક્યા છે.

આઈપીએલમાં સૌથી વધારે અડધી સદી ફટકારવાનો રેકોર્ડ વીરેન્દ્ર સેહવાગના નામે છે. સેહવાગે 2012માં દિલ્હી વતી રમતા સતત 5 મેચમાં અડધી સદી ફટકારી હતી. સહેવાગે તે સીઝનમાં 16 મેચમાં 495 રન બનાવ્યા હતા.

રોયલ ચેલેન્જર્સ બેંગલોરના કેપ્ટન વિરાટ કોહલી 2016માં સતત 4 હાફ સેન્ચુરી ફટકારી હતી. તેણે તે સીઝનમાં કુલ 16 મેચમાં 973 રન બનાવ્યા હતા. જેમાં 4 સદી અને 7 અડધી સદી સામેલ હતી.

બટલરની ચાલુ સીઝનમાં સતત ચોથી મેચમાં અડધી સદી હતી. આ મેચ પહેલા તે દિલ્હી ડેરડેવિલ્સ અને કિંગ્સ ઇલેવન પંજાબ સામે 2 અડધી સદી ફટકારી ચુક્યો છે. તેની સાથે જ તેણે આઈપીએલમાં સતત સૌથી વધારે હાફ સેન્ચુરી લગાવવાના મામલે વિરાટ કોહલીની બરાબરી કરી લીધી છે.

જયપુરઃ આઈપીએલ-11ના 43માં મુકાબાલમાં રાજસ્થાન રોયલ્સે ચેન્નાઈ સુપર કિંગ્સને 4 વિકેટથી હાર આપી હતી. ચેન્નાઈએ પ્રથમ બેટિંગ કરીને 4 વિકેટના નુકસાન પર 176 રન બનાવ્યા હતા. જેના જવાબમાં રાજસ્થાનની ટીમે 6 વિકેટ પર 177 રન બનાવીને જીત મેળવી હતી. આ મેચનો હીરો અણનમ 95 રનની ઈનિંગ રમનારો જોસ બટલર હતો. આ સાથે જ બટલરે એક અનોખો રેકોર્ડ બનાવ્યો હતો.