IPL 2018: પ્લેઓફમાંથી દિલ્હી ડેરડેવિલ્સ બહાર, હૈદરાબાદે 7 વિકેટથી જીતી મેચ

અંતિમ બે ઓવરમાં હૈદરાબાદને જીત માટે 28 રનની જરૂર હતી ત્યારે યુસુફ પઠાણે 19માં ઓવરમાં એક ચોગ્ગો અને એક છગ્ગાની મદદથી 14 રન બનાવી લીધા લીધા હતા બાદમાં અંતિમ ઓવરમાં પણ એક ચોગ્ગા અને એક છગ્ગાની મદદથી 14 રન બનાવી હૈદરાબાદને જીત અપાવી હતી.

હૈદરાબાદ: ઈન્ડિયન પ્રીમિયમ લીગ(આઈપીએલ)માં શનિવારે રમાયેલી રોમાંચક મેચમાં સનરાઈઝર્સ હૈદરાબાદે દિલ્હી ડેરડેવિલ્સને સાત વિકેટથી હરાવી દીધું છે. પ્રથમ બેટિંગ કરવા ઉતરેલી દિલ્હીએ 20 ઓવરમાં પાંચ વિકેટ ગુમાવી 163 રન બનાવ્યા હતા, તેની સામે હૈદરાબાદે અંતિમ ઓવરમાં ટાર્ગેટ હાંસલ કરી જીત મેળવી લીધી હતી.