IPL 2024 Playoffs: RCB અને CSK, બંને પ્લેઓફમાં બનાવી શકે છે સ્થાન, આ રીતે સમજો
સનરાઈઝર્સ હૈદરાબાદ (SRH), ચેન્નાઈ સુપર કિંગ્સ (CSK) અને રોયલ ચેલેન્જર્સ બેંગ્લોર (RCB) વચ્ચે ટોપ-4માં પહોંચવા માટે જંગ ચાલી રહ્યો છે.
IPL 2024 Playoffs Qualification: IPL 2024માં પ્લેઓફ(IPL 2024 Playoffs)ની રેસ ફરી એકવાર જો અને તો પર અટકી ગઈ છે. હાલમાં, સનરાઈઝર્સ હૈદરાબાદ (SRH), ચેન્નાઈ સુપર કિંગ્સ (CSK) અને રોયલ ચેલેન્જર્સ બેંગ્લોર (RCB) વચ્ચે ટોપ-4માં પહોંચવા માટે જંગ ચાલી રહ્યો છે. જોકે દિલ્હી કેપિટલ્સ (DC) અને લખનૌ સુપર જાયન્ટ્સ (LSG) હજુ સુધી બહાર નથી, તેમ છતાં તેમના પ્લેઓફમાં જવાની શક્યતા ઓછી છે. SRHની મજબૂત સ્થિતિને ધ્યાનમાં લેતા એવી અટકળો છે કે ચેન્નાઈ અને બેંગલુરુમાંથી માત્ર એક જ પ્લેઓફમાં જઈ શકે છે. અમે તમને જણાવીએ કે હજુ પણ RCB અને CSK બંને પ્લેઓફમાં જઈ શકે છે. તો ચાલો જાણીએ કે કેવી રીતે ચેન્નાઈ અને બેંગલુરુ બંને ટોપ-4માં સ્થાન મેળવી શકે છે.
RCB અને CSK બંને ક્વોલિફાય થઈ શકે છે
જો આપણે બેંગલુરુ, ચેન્નાઈ અને હૈદરાબાદના નેટ રન-રેટ પર નજર કરીએ, તો વર્તમાન પરિસ્થિતિ અનુસાર CSK શ્રેષ્ઠ છે. RCB અને CSK માટે પ્લેઓફમાં જવા માટેની પહેલી શરત એ છે કે સનરાઈઝર્સ હૈદરાબાદ તેમની આગામી બે મેચ હારી જાય. હૈદરાબાદનો આગામી મુકાબલો ગુજરાત ટાઇટન્સ સામે છે અને ત્યાર બાદ તેનો સામનો પંજાબ કિંગ્સ સાથે થવાનો છે. જો સનરાઈઝર્સ હૈદરાબાદ બંને મેચ હારી જાય તો જ ચેન્નાઈ અને બેંગલુરુ માટે તક ઉભી થઈ શકે છે.
સનરાઈઝર્સ હૈદરાબાદ બંને મેચ હારી ગયા પછી બીજી અને સૌથી મહત્વની શરત એ હશે કે બેંગલુરુએ ચેન્નાઈ સામે કોઈપણ કિંમતે જીત મેળવવી જોઈએ. પરંતુ રોયલ ચેલેન્જર્સ બેંગ્લોરની જીતની સ્થિતિમાં પણ એક પેચ ફસાયેલો છે કારણ કે જો ચેન્નાઈ મોટા માર્જિનથી હારી જશે તો તેનો નેટ રન-રેટ SRH કરતા નબળો હશે. હાલમાં કેટલાક આંકડાઓ બહાર આવી રહ્યા છે કે જો RCB ચેન્નાઈ સામે રન ચેઝ કરતી વખતે 18.1 ઓવરમાં અથવા તે પહેલાં લક્ષ્યાંક હાંસિલ કરે છે અથવા પ્રથમ ઈનિંગ રમતા વખતે 18 રન કે તેથી વધુ રનથી જીતે છે. આવી સ્થિતિમાં ટોપ-4માં RCBનું સ્થાન નિશ્ચિત થઈ જશે. એકંદરે જો SRH બંને મેચ હારી જાય છે તો RCB અને CSK બંનેની ટોપ-4માં આવવાની શક્યતા વધી શકે છે.
ટોપ સ્ટોરી
ટ્રેન્ડિંગ સમાચાર
