IPL 2026 Points Table: સનરાઈઝર્સ હૈદરાબાદે ટોપ-4માં મારી એન્ટ્રી, હાર છતાં ટૉપ પર રાજસ્થાન
IPL 2026 Points Table: આ મેચમાં હૈદરાબાદે રાજસ્થાનને 57 રનથી હરાવ્યું હતું. આ સીઝનની તેમની બીજી જીત હતી જ્યારે રાજસ્થાને સીઝનની પહેલી હારનો સામનો કરવો પડ્યો હતો.
SRH vs RR: ઇન્ડિયન પ્રીમિયર લીગ (IPL)ની 19મી સીઝનની 21 મેચ સોમવાર, 13 એપ્રિલ સુધીમાં રમાઈ છે. આ મેચમાં હૈદરાબાદે રાજસ્થાનને 57 રનથી હરાવ્યું હતું. આ સીઝનની તેમની બીજી જીત હતી જ્યારે રાજસ્થાને સીઝનની પહેલી હારનો સામનો કરવો પડ્યો હતો.
મેચની વાત કરીએ તો હૈદરાબાદના 217 રનના લક્ષ્યનો પીછો કરતી વખતે રાજસ્થાન 159 રનમાં ઓલઆઉટ થઈ ગયું હતું. આમ હૈદરાબાદે મેચ 57 રનથી જીતી લીધી. ચાલો જાણીએ કે આ મેચ પછી IPL 2026 પોઈન્ટ ટેબલમાં કઈ ટીમો ટોચ પર છે અને કઈ ટીમો તળિયે છે.
હૈદરાબાદની ટોપ 4 માં એન્ટ્રી
વાસ્તવમાં રાજસ્થાન સામે ટોસ હાર્યા બાદ સનરાઇઝર્સ હૈદરાબાદ પહેલા બેટિંગ કરવા આવ્યું હતું. ટીમની શરૂઆત ખૂબ જ ખરાબ રહી હતી. અભિષેક શર્માને પહેલા જ બોલે પાછો મોકલી દેવામાં આવ્યો છે. જોફ્રા આર્ચરે શોર્ટ બોલથી અભિષેકને ફસાવ્યો અને ત્રીજા ખેલાડી તરીકે ઉભેલા રવિ બિશ્નોઈએ કેચ પકડ્યો છે. આ વર્ષે 18 ટી-20 ઇનિંગ્સમાં અભિષેક સાતમી વખત શૂન્ય પર આઉટ થયો હતો. 2018 પછી સનરાઇઝર્સનો કોઈ બેટ્સમેન ગોલ્ડન ડક પર આઉટ થયો હોય તેવું આ પ્રથમ વખત હતું.
અગાઉ 2018માં શિખર ધવન પહેલા જ બોલે આઉટ થયો હતો. અભિષેકના આઉટ થયા પછી ક્રીઝ પર આવેલા ઇશાને જવાબદારી સંભાળી હતી. ઇશાને પહેલા ટ્રેવિસ હેડ (18) સાથે 55 રન બનાવ્યા અને પછી હેનરિક ક્લાસેન સાથે મળીને ઇનિંગ્સને સ્થિર કરી હતી. તેણે 30 બોલમાં અડધી સદી પૂરી કરી હતી. તેણે સાતમા બોલે બાઉન્ડ્રીથી શરૂઆત કરી હતી.
સનરાઇઝર્સે પ્રથમ ઓવરમાં ફક્ત બે રન બનાવ્યા હતા ચોથી ઓવરમાં 28 રન બનાવ્યા હતા અને પાવરપ્લેના અંત સુધીમાં હેડ અને ઇશાન ટીમને 50 રનથી વધુ રન બનાવી ચૂક્યા હતા. પાવરપ્લેની બીજી જ ઓવરમાં હેડ પેવેલિયન પરત ફર્યો હતો જેને રિયાન પરાગ દ્વારા આઉટ કરવામાં આવ્યો. જોકે, બીજા છેડેથી ઇશાને ઈનિંગ સંભાળી અને તેની અડધી સદી પૂર્ણ કરી હતી. આ સીઝનમાં આ તેની બીજી અડધી સદી છે.
217 રનનો પીછો કરતા રાજસ્થાન રોયલ્સની શરૂઆત ખરાબ રહી હતી. વૈભવ સૂર્યવંશી ગોલ્ડન ડક પર આઉટ થયો હતો જ્યારે યશસ્વીએ પાંચ બોલમાં ફક્ત એક રન કર્યો હતો. વિકેટકીપર-બેટ્સમેન ધ્રુવ જુરૈલ બે બોલ રમ્યા પછી શૂન્ય રન પર પેવેલિયન પરત ફર્યો હતો. લુઆન-ડી પ્રિટોરિયસ પણ પોતાનું ખાતું ખોલવામાં નિષ્ફળ ગયો. ડેબ્યુટર્સ પ્રફુલ હિંગે ચાર વિકેટ લીધી, જેના કારણે રાજસ્થાને માત્ર નવ રનમાં પાંચ વિકેટ ગુમાવી દીધી.
ડેબ્યૂ કરનાર શાકિબ હુસૈને પણ ચાર વિકેટ લીધી જેનાથી રાજસ્થાનની બેટિંગ યુનિટને મુશ્કેલી પડી હતી. રાજસ્થાન તરફથી ફક્ત ડોનોવન ફરેરા (69) અને રવિન્દ્ર જાડેજા (45) જ યોગદાન આપી શક્યા નથી. બાકીના બેટ્સમેનોએ ઝડપથી વિકેટ ગુમાવી દીધી હતી.
ટોપ સ્ટોરી
ટ્રેન્ડિંગ સમાચાર
