વરસાદ બનશે રાજસ્થાન રોયલ્સ માટે આશીર્વાદ! મેચ રમ્યા વિના જ RR પહોંચી જશે પોઈન્ટ ટેબલમાં ટોચ પર, સમજો આખું ગણિત

IPL 2026: આજે રમાનારી 13મી મેચ પર મંડરાઈ રહ્યું છે વરસાદનું સંકટ; જો મેચ ધોવાશે તો રાજસ્થાનને થશે મોટો ફાયદો, જ્યારે મુંબઈ ઈન્ડિયન્સ માટે પ્લેઓફનો રસ્તો બની શકે છે મુશ્કેલ.

Rain will bring 'jackpot' in Guwahati! If RR vs MI match is cancelled, Rajasthan will become number 1 without playing

Source : PTI

Show Quick Read

Key points generated by AI, verified by newsroom

• આજે રાજસ્થાન અને મુંબઈ વચ્ચે મેચ, વરસાદનું સંકટ.
• મેચ રદ થતાં રાજસ્થાન પોઈન્ટ ટેબલમાં ટોચ પર પહોંચશે.
• મુંબઈને 2 પોઈન્ટ ગુમાવવાથી પ્લેઓફમાં નુકસાન થઈ શકે.
• ઐતિહાસિક રીતે મુંબઈનો રાજસ્થાન સામે થોડો દબદબો રહ્યો.

ipl 2026 points table update: IPL 2026 ની 13મી લીગ મેચ આજે એટલે કે 7 એપ્રિલ (મંગળવાર) ના રોજ ગુવાહાટીના બારસાપારા ક્રિકેટ સ્ટેડિયમમાં રાજસ્થાન રોયલ્સ (RR) અને મુંબઈ ઈન્ડિયન્સ (MI) વચ્ચે રમાવાની છે. પરંતુ, મેચ પહેલા જ ગુવાહાટીમાં ભારે વરસાદની આગાહી છે, જેના લીધે મેચ રદ થવાનું મોટું સંકટ ઊભું થયું છે. રસપ્રદ વાત એ છે કે, જો વરસાદને કારણે આ મેચ રદ થાય છે, તો બંને ટીમોને 1-1 પોઈન્ટ મળશે. આ સ્થિતિ રાજસ્થાન માટે એકદમ આશીર્વાદરૂપ સાબિત થશે કારણ કે તેઓ મેચ રમ્યા વિના જ પોઈન્ટ ટેબલમાં સીધા નંબર 1 પર પહોંચી જશે. બીજી તરફ, જીત માટે તરસતી મુંબઈ ઈન્ડિયન્સને આ વરસાદથી લાંબા ગાળે મોટું નુકસાન વેઠવું પડી શકે છે.

પોઈન્ટ ટેબલનું ગણિત: રાજસ્થાન કેવી રીતે નંબર 1 બનશે?

રાજસ્થાન રોયલ્સ માટે આ સિઝન અત્યાર સુધી શાનદાર રહી છે.

સંજૂ સેમસનની ટીમે શરૂઆતની બંને મેચો જીતી છે અને 4 પોઈન્ટ સાથે તેઓ પોઈન્ટ ટેબલમાં ત્રીજા સ્થાને છે.

રાજસ્થાનનો નેટ રન રેટ (NRR) +2.233 છે, જે ઘણો મજબૂત છે.

હાલમાં 5 પોઈન્ટ સાથે પંજાબ કિંગ્સ ટેબલમાં ટોચ પર છે, પરંતુ તેમનો નેટ રન રેટ +0.637 છે.

જો આજની મેચ વરસાદમાં ધોવાઈ જાય, તો રાજસ્થાનને 1 પોઈન્ટ મળશે અને તેમના પણ કુલ 5 પોઈન્ટ થઈ જશે. પંજાબ કરતાં રાજસ્થાનનો રન રેટ ઘણો સારો હોવાથી, તેઓ રમ્યા વગર જ સીધા પ્રથમ સ્થાને પહોંચી જશે.

મુંબઈ ઈન્ડિયન્સને કેમ થશે નુકસાન?

બીજી બાજુ, મુંબઈની સ્થિતિ થોડી અલગ છે. તેમણે પોતાની 2 મેચમાંથી માત્ર 1 જ મેચમાં જીત નોંધાવી છે, એટલે તેમની પાસે હાલ 2 પોઈન્ટ છે. જો વરસાદ પડે અને મેચ અનિર્ણિત રહે, તો મુંબઈને પણ 1 પોઈન્ટ મળશે, જેનાથી તેમના કુલ 3 પોઈન્ટ થશે. ભલે આ 1 પોઈન્ટ મળવાથી ટીમ પોઈન્ટ ટેબલમાં પાંચમા સ્થાને પહોંચી જાય, પરંતુ પૂરા 2 પોઈન્ટ મેળવવાની તક ગુમાવવાના કારણે સિઝનના અંતમાં પ્લેઓફની રેસમાં તેમને મોટું નુકસાન ભોગવવું પડી શકે છે.

હેડ-ટુ-હેડ આંકડા: કોનો દબદબો રહ્યો છે?

બંને ટીમોના અત્યાર સુધીના આંકડા પર નજર કરીએ તો, મુંબઈ અને રાજસ્થાન વચ્ચે હંમેશા કાંટાની ટક્કર જોવા મળી છે.

IPL ના ઈતિહાસમાં બંને વચ્ચે કુલ 31 મેચ રમાઈ છે.

જેમાં મુંબઈ ઈન્ડિયન્સે 16 મેચમાં જીત નોંધાવી છે, જ્યારે રાજસ્થાન રોયલ્સે 14 મેચ જીતી છે.

1 મેચ ડ્રો અથવા પરિણામ વગરની રહી હતી.

ગયા વર્ષે (2025 ની સિઝનમાં) જ્યારે આ બંને ટીમો ટકરાઈ હતી, ત્યારે મુંબઈએ બાજી મારી હતી.

આ પણ વાંચો

IPL 2026 પોઈન્ટ ટેબલ: વરસાદે ધોઈ નાખી કોલકાતા પંજાબની મેચ, ફ્રી ના એક પોઈન્ટથી પંજાબને થયો મોટો ફાયદો!