ટૉપ-2માં પહોંચી RCBએ બગાડ્યો ગુજરાતનો ખેલ, અહીં જાણો પ્લેઓફમાં કઇ ટીમ કોની સામે ટકરાશે?

હવે પંજાબ કિંગ્સ ટીમ 19 પોઈન્ટ સાથે પોઈન્ટ ટેબલમાં ટોચ પર છે. RCB પણ 19 પોઈન્ટ સાથે બીજા સ્થાને છે. પંજાબનો રન રેટ સારો છે. તેથી જ તેઓ પ્રથમ સ્થાને છે

શ્રેયસ ઐય્યર

Source : PTI

ઇન્ડિયન પ્રીમિયર લીગ (IPL 2025) ની છેલ્લી લીગ મેચમાં રોયલ ચેલેન્જર્સ બેંગલુરુ (RCB) એ લખનઉ સુપર જાયન્ટ્સ (LSG) ને 6 વિકેટથી હરાવીને પોઈન્ટ ટેબલમાં ટોપ-2 માં સ્થાન મેળવ્યું હતું. આ મેચ સાથે પ્લેઓફનું આખું સમીકરણ સ્પષ્ટ થઈ ગયું છે. મુંબઈ, બેંગલુરુ, ગુજરાત અને પંજાબ પ્લેઓફ માટે ક્વોલિફાય થઈ ગયા હતા હવે ચાલો તમને જણાવીએ કે કઈ ટીમ કોની સામે ટકરાશે.

4⃣ fantastic teams
1⃣ road to glory 🏆

Which teams will make the final? ✍👇#TATAIPL | #TheLastMile pic.twitter.com/99dOog7GBu

— IndianPremierLeague (@IPL) May 27, 2025

હવે પોઈન્ટ ટેબલની સ્થિતિ જાણો

હવે પંજાબ કિંગ્સ ટીમ 19 પોઈન્ટ સાથે પોઈન્ટ ટેબલમાં ટોચ પર છે. RCB પણ 19 પોઈન્ટ સાથે બીજા સ્થાને છે. પંજાબનો રન રેટ સારો છે. તેથી જ તેઓ પ્રથમ સ્થાને છે. ગુજરાત 18 પોઈન્ટ સાથે ત્રીજા સ્થાને છે અને મુંબઈ 16 પોઈન્ટ સાથે ચોથા સ્થાને છે. IPLમાં ટોપ-2 માં સ્થાન મેળવનાર ટીમને ફાઇનલ રમવા માટે બે તક મળે છે.

The league phase of #TATAIPL 2025 is now complete 🙌 🔢

Where did your favourite team finish? 🤔 pic.twitter.com/nQp6mtkxYo

— IndianPremierLeague (@IPL) May 27, 2025

જાણો પ્લેઓફમાં કોની સામે કોણ ટકરાશે

આઈપીએલનો પહેલો ક્વોલિફાયર મુકાબલો 29 મેના રોજ રમાશે. આ દિવસે ટેબલની બે ટોચની ટીમો એટલે કે પંજાબ કિંગ્સ અને આરસીબી વચ્ચે ટક્કર થશે. આ મેચ ચંડીગઢમાં રમાશે. જે ટીમ જીતશે તે ફાઇનલમાં પહોંચશે પરંતુ હારનાર ટીમને બીજી તક મળશે.

30 મેના રોજ ત્રીજા અને ચોથા ક્રમાંકિત ટીમો ટકરાશે. જે ટીમ હારશે તેની સફર પૂર્ણ થશે. પરંતુ જીતનાર ટીમ ક્વોલિફાયર-1 ની હારનાર ટીમ સાથે બીજી મેચ રમશે. આ મેચ 1 જૂને અમદાવાદમાં રમાશે. ક્વોલિફાયર-2 ની વિજેતા ટીમ 3 જૂને ફાઇનલ રમશે.

આ મેચમાં આરસીબીએ ટોસ જીતીને પહેલા બોલિંગ કરવાનો નિર્ણય લીધો હતો. આ મેચમાં ટિમ ડેવિડ અને જોશ હેઝલવુડ રમી રહ્યા ન હતા. લખનઉની ટીમ પહેલા બેટિંગ કરવા ઉતરી હતી. પંતની તોફાની 118 રનની ઇનિંગ્સના આધારે લખનઉએ RCB સામે 228 રનનો લક્ષ્યાંક રાખ્યો હતો. જવાબમાં RCBએ જીતેશ શર્માની અણનમ 85 રનની ઇનિંગ્સના આધારે 19મી ઓવરમાં મેચ જીતી લીધી હતી.