LSG vs DC: રિષભ પંતનું ખરાબ નસીબ! કમનસીબ રીતે રન આઉટ થતાં મેદાન પર જ કાઢ્યો ગુસ્સો

IPL 2026 ની પહેલી જ મેચમાં લખનૌ સુપર જાયન્ટ્સના કેપ્ટન રિષભ પંતનો ઓપનર તરીકેનો પ્રયોગ ફ્લોપ; ખરાબ શોટ નહીં પણ નસીબના વાંકે માત્ર 7 રન બનાવીને પેવેલિયન ભેગા થયા.

ipl 2026 lucknow super giants vs delhi capitals rishabh pant run out drama

Source : PTI

Show Quick Read

Key points generated by AI, verified by newsroom

• રિષભ પંત નવી ભૂમિકામાં ઓપનિંગ કરતા 7 રને દુર્ભાગ્યપૂર્ણ રીતે રન આઉટ.
• પંતના આઉટ બાદ લખનૌનો મધ્યક્રમ ધરાશાયી, માત્ર 141 રનમાં ઓલઆઉટ.
• મિશેલ માર્શ અને અબ્દુલ સમદ સિવાય કોઈ બેટ્સમેન ખાસ પ્રદર્શન કરી શક્યા નહીં.
• દિલ્હી તરફથી લુંગી ન્ગીડી અને ટી નટરાજને 3-3 વિકેટ મળી.

IPL 2026 ની શાનદાર શરૂઆત થઈ ચૂકી છે અને લખનૌ સુપર જાયન્ટ્સ (LSG) તથા દિલ્હી કેપિટલ્સ (DC) વચ્ચે રમાયેલી મેચમાં એક જબરદસ્ત ડ્રામા જોવા મળ્યો હતો. લખનૌના કેપ્ટન રિષભ પંતે આ મેચમાં બધાને ચોંકાવીને ઓપનિંગ કરવાની જવાબદારી લીધી હતી, પરંતુ તેમનું નસીબ સાથ ન આપી શક્યું. નોન-સ્ટ્રાઈકર એન્ડ પર ઊભેલા પંત એકદમ કમનસીબ રીતે રન આઉટ થઈ ગયા અને માત્ર 7 રન બનાવીને ભારે નિરાશા અને ગુસ્સા સાથે પેવેલિયન પરત ફર્યા હતા. પંતના આઉટ થયા બાદ લખનૌની બેટિંગ લાઈનઅપ પત્તાના મહેલની જેમ ધરાશાયી થઈ ગઈ હતી અને આખી ટીમ માત્ર 141 રનમાં જ સમેટાઈ ગઈ હતી.

કેવી રીતે થયો આ ડ્રામા?

દિલ્હી કેપિટલ્સ સામેની આ મેચમાં રિષભ પંત મિશેલ માર્શ સાથે ઇનિંગની શરૂઆત કરવા મેદાનમાં ઉતર્યા હતા. દિલ્હી તરફથી ત્રીજી ઓવર મુકેશ કુમાર નાખી રહ્યો હતો અને સ્ટ્રાઇક પર મિશેલ માર્શ હતો. ઓવરના છેલ્લા બોલ પર માર્શે સામેની તરફ એક સ્ટ્રેટ શોટ ફટકાર્યો. બોલ હવામાં હતો અને મુકેશ કુમારે તેને પકડવાનો પ્રયાસ કર્યો, પણ બોલ તેના હાથમાંથી છટકી ગયો. માર્શને તો જીવતદાન મળી ગયું, પણ બોલ સીધો જઈને નોન-સ્ટ્રાઈકર એન્ડની વિકેટ સાથે ટકરાયો. આ સમયે ત્યાં ઊભેલા પંત ક્રીઝની બહાર હતા અને આ રીતે તેઓ કમનસીબે રન આઉટ થઈ ગયા.

RUN OUT DRAMA : Absolute bad luck for Rishabh Pant 😳💔

Captain Rishabh Pant departs for 7 (9) in the most unfortunate way 😬
Cricket can be brutal sometimes#IPL2026 #Pant #RunOut #DCvLSG #Delhicapitals #DC #LSG #cricket #IPL

pic.twitter.com/2pIXLhw2zN

— Anurag Singh (@anurag_ce) April 1, 2026

પંતનો ગુસ્સો અને નવો પ્રયોગ

કોઈ બોલરની સારી બોલિંગ કે પોતાના ખરાબ શોટના કારણે નહીં, પરંતુ માત્ર ખરાબ નસીબના કારણે આઉટ થવાથી પંત ખૂબ જ અકળાયેલા દેખાઈ રહ્યા હતા. મેદાન છોડીને બહાર જતા સમયે તેમના ચહેરા પર સ્પષ્ટ ગુસ્સો અને નિરાશા જોવા મળી રહી હતી. જોકે, ક્રિકેટ ફેન્સ માટે સૌથી મોટી નવાઈની વાત એ હતી કે પંત એડન માર્કરામ પહેલાં બેટિંગ કરવા આવ્યા હતા. તેમની આ નવી ભૂમિકા અને પ્રયોગ ફ્લોપ રહ્યો.

Rishabh Pant reaction after unfortunately run out dismissed in the non Strike. 💔 pic.twitter.com/9SH5OmqdVh

— VinodCrick. (@we_knowd) April 1, 2026

લખનૌની ટીમ 141 રનમાં ઓલઆઉટ

કેપ્ટન પંત સસ્તામાં આઉટ થયા પછી લખનૌની ઇનિંગ્સ સાવ વિખેરાઈ ગઈ. પંત પછી બેટિંગ કરવા આવેલા એડન માર્કરામ પણ કંઈ ખાસ ન કરી શક્યા અને માત્ર 11 રન બનાવીને અક્ષર પટેલના બોલ પર ક્લીન બોલ્ડ થઈ ગયા. યુવા ખેલાડી આયુષ બદોની તો પોતાનું ખાતું પણ ન ખોલાવી શક્યા (0 રન), જ્યારે આક્રમક બેટ્સમેન નિકોલસ પૂરન પણ માત્ર 8 રન બનાવીને ચાલતા પકડ્યા.

માત્ર મિશેલ માર્શ (35 રન) અને અબ્દુલ સમદ (36 રન) થોડી સારી બેટિંગ કરીને ટીમને સન્માનજનક સ્કોર સુધી લઈ જવાનો પ્રયાસ કરી શક્યા હતા. આખરે, પ્રથમ બેટિંગ કરતા લખનૌ સુપર જાયન્ટ્સની આખી ટીમ 141 રનમાં ઓલઆઉટ થઈ ગઈ. દિલ્હી કેપિટલ્સના બોલર્સની વાત કરીએ તો, લુંગી ન્ગીડી અને ટી નટરાજને શાનદાર બોલિંગ કરતા 3-3 વિકેટ પોતાના નામે કરી હતી.

આ પણ વાંચો

IPL 2026: વૈભવ સૂર્યવંશીએ મચાવ્યો તરખાટ! 15 બોલમાં 5 છગ્ગા સાથે ફટકારી ત્રીજી ફાસ્ટેસ્ટ 50