IPL 2026: ચેન્નાઈના ફેન્સ માટે મોટા સમાચાર, આ ટીમ સામેની મેચમાં થશે 'થાલા' ધોનીની એન્ટ્રી!

MS Dhoni return IPL: પગની ઈજા બાદ માહી પ્રેક્ટિસમાં વિકેટ કીપિંગ કરતો દેખાયો, ફ્રેન્ચાઈઝીએ શેર કર્યો નવો વીડિયો.

MS Dhoni IPL 2026 Return Confirmed CSK vs MI Match Update April 23

Source : PTI

Show Quick Read

Key points generated by AI, verified by newsroom

• ધોની પગની ઈજા બાદ IPL 2026માં મેદાનમાં પાછા ફરશે.
• CSK એ શેયર કરેલા વીડિયોમાં ધોની વિકેટકીપિંગ કરતો દેખાયો.
• ચેન્નઈ હાલમાં પોઈન્ટ ટેબલમાં 8મા સ્થાને છે.
• ધોનીની વાપસીથી ટીમનું પ્રદર્શન સુધરી શકે છે.

MS Dhoni return IPL: IPL 2026 માં અત્યાર સુધી એમએસ ધોની મેદાનથી દૂર રહ્યો છે, પરંતુ હવે ચેન્નાઈ સુપર કિંગ્સ (CSK) ના ફેન્સ માટે એક મોટા અને ખુશખબર સમાન સમાચાર છે. પગની ઈજાને કારણે શરૂઆતની 6 મેચો ગુમાવ્યા બાદ, 'થાલા' ધોની 23 એપ્રિલે મુંબઈ ઈન્ડિયન્સ (MI) સામે રમાનારી મેચમાં વાપસી કરે તેવી પૂરી શક્યતા છે. CSK ફ્રેન્ચાઇઝીએ પોતે જ એક વીડિયો શેર કરીને આ વાતની મોટી હિંટ આપી છે. અત્યારે પોઈન્ટ ટેબલમાં 8મા ક્રમે સંઘર્ષ કરી રહેલી ચેન્નાઈની ટીમને ધોનીની વાપસીથી મોટો ફાયદો અને આત્મવિશ્વાસ મળી શકે છે.

ઈજાના કારણે શરૂઆતની મેચો ગુમાવી

તમને જણાવી દઈએ કે, IPL 2026 ની શરૂઆતમાં જ 28 માર્ચે ચેન્નાઈએ એક સત્તાવાર નિવેદન બહાર પાડ્યું હતું. જેમાં કહેવાયું હતું કે માહીને પગમાં ઈજા થઈ છે અને તે શરૂઆતના 2 અઠવાડિયા સુધી રમી શકશે નહીં. જોકે, 2 અઠવાડિયાથી વધુ સમય વીતી ગયો હોવા છતાં ધોની મેદાનમાં પાછો ફર્યો ન હતો. આ સિઝનમાં ચેન્નાઈએ અત્યાર સુધીમાં 6 લીગ મેચ રમી છે, પરંતુ ફેન્સ તેમના ફેવરિટ ખેલાડીને મેદાન પર જોવા માટે તરસી ગયા હતા.

વિકેટ કીપિંગના વીડિયોએ આપી વાપસીની પુષ્ટિ

હવે મુંબઈ સામે ધોની રમશે તેવું શા માટે લાગી રહ્યું છે? હકીકતમાં, મંગળવારે (21 એપ્રિલ) સાંજે 7 વાગ્યે CSK એ તેના સોશિયલ મીડિયા પર એક વીડિયો શેર કર્યો છે. આ વીડિયોમાં માહી પ્રેક્ટિસ સેશનમાં પૂરા જોશ સાથે વિકેટ કીપિંગ કરતો જોવા મળી રહ્યો છે. અગાઉ પણ ચેન્નાઈએ ધોનીના પ્રેક્ટિસના વીડિયો શેર કર્યા હતા, પરંતુ તેમાં તે ક્યાંય વિકેટ કીપિંગ કરતો ન હતો. વિકેટ કીપિંગની પ્રેક્ટિસ એ વાતની મજબૂત સાબિતી છે કે તે હવે મેદાનમાં ઉતરવા માટે ફિટ છે અને આગામી મેચમાં પ્લેઇંગ ઇલેવનનો ભાગ બની શકે છે. જોકે, ફ્રેન્ચાઇઝીએ હજુ સુધી સત્તાવાર જાહેરાત નથી કરી કે તે પ્લેઇંગ ઇલેવનમાં હશે જ.

Rule No. 1: Don’t step out when Thala’s behind the stumps
Rule No. 2: Read Rule No. 1 again 😂💪#WhistlePodu #Yellove pic.twitter.com/mPYUIb3yuW

— Chennai Super Kings (@ChennaiIPL) April 21, 2026

પોઈન્ટ ટેબલમાં CSK ની હાલત ખરાબ

ચેન્નાઈ સુપર કિંગ્સ માટે ધોનીની વાપસી અત્યારે સંજીવની સમાન બની શકે છે, કારણ કે આ સિઝનમાં ટીમનું પ્રદર્શન ખૂબ જ નિરાશાજનક રહ્યું છે. ટીમે અત્યાર સુધી 6 મેચ રમી છે, જેમાંથી માત્ર 2 માં જ જીત મળી છે અને 4 મેચમાં હારનો સામનો કરવો પડ્યો છે. અત્યારે ટીમના માત્ર 4 પોઈન્ટ છે અને નેટ રન રેટ પણ -0.780 જેટલો ખરાબ છે. આ નબળા પ્રદર્શનના કારણે ચેન્નાઈ હાલમાં પોઈન્ટ ટેબલમાં 8મા સ્થાને ધકેલાઈ ગઈ છે. હવે જોવાનું એ રહે છે કે ધોનીની એન્ટ્રી ટીમનું નસીબ બદલી શકે છે કે નહીં.

આ પણ વાંચો

ગુજરાત ટાઇટન્સ સામે મુંબઈ ઇન્ડિયન્સની 99 રને ઐતિહાસિક જીત: તિલક અને અશ્વિનીનો તરખાટ