શું RCB બનશે IPL 2025માં ચેમ્પિયન? આંકડાઓ આપી રહ્યા છે પુરાવા
અત્યાર સુધી તેણે ટુર્નામેન્ટમાં પ્રભુત્વ મેળવ્યું છે. ટીમે લીગ સ્ટેજ દરમિયાન 14 માંથી 9 મેચ જીતી હતી
રોયલ ચેલેન્જર્સ બેંગલુરુ ઈન્ડિયન પ્રિમિયર લીગની છેલ્લી 17 સીઝનમાંથી 7 વખત પ્લેઓફ માટે ક્વોલિફાય થયું છે. આ ટીમ 3 વખત ફાઇનલ રમી છે. પરંતુ તેને ક્યારેય ટ્રોફી મળી નથી. જોકે, RCB IPL 2025માં એક અલગ સ્ટાઇલમાં જોવા મળી રહી છે. અત્યાર સુધી તેણે ટુર્નામેન્ટમાં પ્રભુત્વ મેળવ્યું છે. ટીમે લીગ સ્ટેજ દરમિયાન 14 માંથી 9 મેચ જીતી હતી અને 19 પોઈન્ટ સાથે બીજા સ્થાને રહી હતી. હવે RCB પાસે આ વખતે ટ્રોફી જીતવાનું પોતાનું સ્વપ્ન પૂર્ણ કરવાની સુવર્ણ તક છે. આ વખતે આવો સંયોગ બન્યો છે, જેને જોઈને લાગે છે કે RCB ચેમ્પિયન બનશે. છેલ્લા 14 વર્ષના આંકડા પણ RCB ની તરફેણમાં દેખાઈ રહ્યા છે.
RCB ચેમ્પિયન બનવાનો સંયોગ છે
અમે એમ નથી કહી રહ્યા કે RCB આ વખતે તેનું અધૂરું સ્વપ્ન પૂર્ણ કરશે. સંયોગો દર્શાવે છે કે આ વખતે આ ટીમ તેના ચાહકોને તે ખુશી આપી શકે છે, જેની તેઓ 18 વર્ષથી રાહ જોઈ રહ્યા હતા. ખરેખર, વર્ષ 2020થી એક શ્રેણી ચાલી રહી છે. એક વર્ષ પોઈન્ટ ટેબલમાં નંબર-1 ટીમ ચેમ્પિયન બની રહી છે. બીજા વર્ષે નંબર-2 ટીમે ટાઇટલ જીત્યું છે.
2020માં મુંબઈ ઈન્ડિયન્સની ટીમ લીગ સ્ટેજ દરમિયાન નંબર-1 પર હતી અને IPL ટાઇટલ જીત્યું હતું. 2021માં ચેન્નઈ સુપર કિંગ્સ લીગ સ્ટેજ પછી બીજા સ્થાને રહી અને ચેમ્પિયન બની. પછી 2022માં ગુજરાત ટાઇટન્સની ટીમે પોઈન્ટ ટેબલ પર નંબર-1નો તાજ પહેર્યો અને તે સીઝનની વિજેતા બની. આ પછી 2023માં CSK ફરી એકવાર બીજા સ્થાને રહીને લીગ સ્ટેજ પાર કર્યો અને પાંચમી વખત ટ્રોફી જીતી હતી
2024ની વાત કરીએ તો કોલકાતા નાઈટ રાઈડર્સે પોઈન્ટ ટેબલ જીતીને પ્રથમ સ્થાન મેળવ્યું હતું. ફાઇનલમાં, તેણે સનરાઇઝર્સ હૈદરાબાદને હરાવીને ત્રીજી વખત ટાઇટલ જીત્યું. આ ક્રમ મુજબ IPL 2025માં બીજા ક્રમાંકિત ટીમનો વારો છે અને રોયલ ચેલેન્જર્સ બેંગલુરુ આ વખતે બીજા સ્થાને છે. જો આ સંયોગ સાચો સાબિત થાય છે, તો RCB ને ચેમ્પિયન બનતા કોઈ રોકી શકશે નહીં. જોકે, તે કેટલું સાચું સાબિત થાય છે તે આવનારા સમયમાં જ ખબર પડશે.
RCBના પક્ષમાં છે આંકડા
આ સંયોગ વિશે હતું, હવે IPL ના આંકડા પર આવીએ. છેલ્લા 14 વર્ષમાં બીજા ક્રમાંકિત ટીમે સૌથી વધુ IPL ટાઇટલ જીત્યું છે. 2011થી 2024 સુધી લીગ સ્ટેજમાં પ્રથમ સ્થાને રહેલી ટીમોએ 5 વખત IPL ટ્રોફી જીતી હતી, જ્યારે બીજા સ્થાને રહેલી ટીમોએ 8 વખત જીત મેળવી હતી. ફક્ત એક જ વાર એવું બન્યું જ્યારે ત્રીજા ક્રમાંકિત ટીમે ટાઇટલ જીત્યું હતું. ચોથા ક્રમાંકિત ટીમે અત્યાર સુધી ક્યારેય IPL ટાઇટલ જીત્યું નથી. આ મુજબ RCB ની ટ્રોફી જીતવાની શક્યતા વધી જાય છે.
ટોપ સ્ટોરી
ટ્રેન્ડિંગ સમાચાર
