હિટમેનનો નવો રેકોર્ડ: રોહિત શર્માએ IPL માં ધોનીનો સિક્સર રેકોર્ડ તોડ્યો, હવે ગેલના નિશાના પર!

દિલ્હી કેપિટલ્સ સામેની મેચમાં 1 કડક સિક્સર ફટકારીને હિટમેને રચ્યો ઈતિહાસ, 'સિક્સર કિંગ' ધોનીને પાછળ છોડ્યો.

rohit sharma breaks ms dhoni ipl record most sixes delhi capitals

Source : सोशल मीडिया

Show Quick Read

Key points generated by AI, verified by newsroom

આઈપીએલ (IPL) માં હિટમેન રોહિત શર્માએ ફરી એકવાર કમાલ કરી બતાવી છે. દિલ્હી કેપિટલ્સ સામેની શાનદાર મેચમાં રોહિતે માત્ર એક જ સિક્સ ફટકારીને મહેન્દ્ર સિંહ ધોનીનો વર્ષો જૂનો રેકોર્ડ તોડી નાખ્યો છે. હવે રોહિત શર્મા IPL ના ઇતિહાસમાં કોઈ એક જ વિરોધી ટીમ સામે સૌથી વધુ છગ્ગા ફટકારનાર પ્રથમ ભારતીય બેટ્સમેન બની ગયો છે. એટલું જ નહીં, તે મુંબઈ ઇન્ડિયન્સ માટે પોતાના 6000 રન પૂરા કરવાની પણ સાવ નજીક પહોંચી ગયો છે.

કેવી રીતે તૂટ્યો ધોનીનો રેકોર્ડ?

મુંબઈ અને દિલ્હી વચ્ચે રમાયેલી રોમાંચક મેચમાં રોહિત શર્માએ શાનદાર બેટિંગ કરતા 26 બોલમાં 35 રન બનાવ્યા હતા. આ ઇનિંગ દરમિયાન તેના બેટમાંથી 5 ચોગ્ગા અને 1 આસમાની સિક્સર જોવા મળી હતી. બસ, તેને આ એક સિક્સરની જ જરૂર હતી! આ મેચ પહેલા રોહિત અને ધોની બંને દિલ્હી કેપિટલ્સ સામે 50-50 સિક્સર ફટકારીને બરાબરી પર હતા. પરંતુ આ 1 સિક્સ ફટકારતાની સાથે જ રોહિતના ખાતામાં દિલ્હી સામે 51 સિક્સર થઈ ગઈ છે અને તેણે 'થાલા' ધોનીને આ રેકોર્ડમાં પાછળ છોડી દીધો છે.

દિલ્હીના બોલરો સામે હિટમેનનો જાદુ

એવું લાગે છે કે રોહિતને દિલ્હી કેપિટલ્સના બોલરોને ધોવાની કંઈક અલગ જ મજા આવે છે. આંકડા પણ આ વાતની સાક્ષી પૂરે છે. આખી ટુર્નામેન્ટમાં દિલ્હી એ બે ટીમોમાંની એક છે જેની સામે હિટમેને IPL માં 1000 થી વધુ રનનો પહાડ ઊભો કર્યો છે. અત્યાર સુધીમાં રમાયેલી 38 મેચોમાં તેણે દિલ્હી સામે 1092 રન ઝૂડી કાઢ્યા છે.

યુનિવર્સ બોસ ક્રિસ ગેલ હજુ પણ છે 'નંબર વન'

જો આપણે દુનિયાભરના તમામ બેટ્સમેનોની વાત કરીએ, તો એક જ IPL ટીમ સામે સૌથી વધુ છગ્ગા મારવાનો ઓવરઓલ રેકોર્ડ તો હજુ પણ 'યુનિવર્સ બોસ' ક્રિસ ગેલના નામે જ છે. જોકે, રોહિત શર્મા હવે આ યાદીમાં શાનથી ત્રીજા નંબરે આવી ગયો છે.

એક જ ટીમ સામે સૌથી વધુ સિક્સર ફટકારનાર ટોપ-4 ખેલાડીઓ:

61 છગ્ગા - ક્રિસ ગેલ (વિરુદ્ધ પંજાબ કિંગ્સ)

54 છગ્ગા - ક્રિસ ગેલ (વિરુદ્ધ કોલકાતા નાઈટ રાઇડર્સ)

51 છગ્ગા - રોહિત શર્મા (વિરુદ્ધ દિલ્હી કેપિટલ્સ)

50 છગ્ગા - એમએસ ધોની (વિરુદ્ધ દિલ્હી કેપિટલ્સ)

વધુ એક મોટા માઈલસ્ટોનની નજીક

હિટમેન હવે વધુ એક મોટા રેકોર્ડના ઉંબરે ઊભો છે. મુંબઈ ઇન્ડિયન્સ તરફથી રમતા તેણે અત્યાર સુધીમાં 5989 રન બનાવી લીધા છે. તે ફ્રેન્ચાઈઝી માટે સૌથી વધુ રન બનાવનાર ખેલાડી તો છે જ, પરંતુ હવે 6000 રનનો ઐતિહાસિક આંકડો પાર કરવાથી તે માત્ર 11 રન જ દૂર છે. આગામી મેચોમાં ચાહકોને આ રેકોર્ડ પણ તૂટતો જોવા મળી શકે છે.

આ પણ વાંચો

GT vs RR: છેલ્લા બોલ સુધી ચાલેલા રોમાંચક મુકાબલામાં રાજસ્થાનની શાનદાર જીત, પોતાના જ ઘરમાં હાર્યું ગુજરાત!