IPL 2022, RR vs KKR : રોમાંચક મુકાબલામાં રાજસ્થાને કોલકાતાને હરાવ્યું, ચહલની હેટ્રિક
IPLમાં આજે રાજસ્થાન રોયલ્સ અને કોલકાતા નાઈટ રાઈડર્સ વચ્ચે મુકાબલો છે. આ મેચ સાંજે 7.30 વાગ્યે બ્રેબોર્ન સ્ટેડિયમમમાં શરૂ થશે.
મુંબઈના બ્રેબોર્ન સ્ટેડિયમમાં રમાઈ રહેલી IPL 2022ની 30મી મેચમાં રાજસ્થાન રોયલ્સે કોલકાતા નાઈટ રાઈડર્સને 7 રનથી હરાવીને રોમાંચક જીત નોંધાવી છે. રાજસ્થાનની આ ચોથી જીત છે. આ સાથે જ KKRની આ ચોથી હાર છે. રાજસ્થાન રોયલ્સે પ્રથમ રમત રમીને 20 ઓવરમાં 5 વિકેટે 217 રન બનાવ્યા હતા. જવાબમાં કોલકાતાની ટીમ 19.4 ઓવરમાં 210 રનમાં ઓલઆઉટ થઈ ગઈ હતી. 17મી ઓવરમાં યુઝવેન્દ્ર ચહલે હેટ્રિક સહિત કુલ ચાર વિકેટ લઈને રાજસ્થાનની જીત નિશ્ચિત કરી હતી.
કોલકાતા નાઈટ રાઈડર્સની ટીમે 149 રનમાં 4 વિકેટ ગુમાવી છે. હાલ શ્રેયસ અય્યર મેદાનમાં છે.
એરોન ફિંચ 58 રન બનાવીને આઉટ થયો છે. શ્રેયસ અય્યરે શાનદાર ઈનિંગ રમતા અડધી સદી ફટકારી છે.
એરોન ફિંચે આક્રમક ઈનિંગ રમતા અડધી સદી ફટકારી છે. ફિંચ 57 રન બનાવી હાલ રમતમાં છે. જ્યારે શ્રેયસ અય્યર 40 રન બનાવી રમતમાં છે. કોલકાતાનો સ્કોર 8.3 ઓવરમાં 100 રનને પાર પહોંચી ગયો છે.
કોલકાતા નાઈટ રાઈડર્સે લાગ્યો પ્રથમ ઝટકો. સુનિલ નરિન ખાતુ ખોલાવ્યા વગર આઉટ થયો છે. હાલ શ્રેયસ અય્યર અને ફિંચ મેદાનમાં છે.
રાજસ્થાન રોયલ્સની ટીમે પ્રથમ બેટિંગ કરતા કોલકાતા નાઈટ રાઈડર્સને જીતવા માટે 218 રનનો વિશાળ લક્ષ્યાંક આપ્યો છે. રાજસ્થાન તરફથી શાનદાર ઈનિંગ રમતા બટલરે 103 રનની ઈનિંગ રમી હતી. પડ્ડીકલે 24 અને સંજૂ સેમસને 38 રન બનાવ્યા હતા.
જોસ બટલર 103 રન બનાવીને આઉટ થયો છે. રાજસ્થાનનો સ્કોર 19 ઓવરમાં 5 વિકેટ ગુમાવી 199 રન થયો છે. રાજસ્થાન મજબૂત સ્થિતિમાં છે.
રાજસ્થાન રોયલ્સ તરફથી શાનદાર ઈનિંગ રમતા જોસ બટલરે સદી ફટકારી છે. રાજસ્થાનની ટીમે હાલ મજબૂત સ્થિતિમાં છે.
સંજૂ સેમસન 38 રન બનાવીને આઉટ થયો છે. રાજસ્થાનની ટીમને વધુ એક ઝટકો લાગ્યો છે. રાજસ્થાનનો સ્કોર 150 રનને પાર થયો છે. બટલર 91 રન બનાવી રમતમાં છે.
રાજસ્થાન રોયલ્સનો સ્કોર 150 રનને પાર પહોંચી ગયો છે. રાજસ્થાનની ટીમે પ્રથમ બેટિંગ કરતા ખૂબ જ સરસ શરુઆત કરી હતી. બટલર સદી બનાવવાની નજીક પહોંચી ગયો છે.
રાજસ્થાન રોયલ્સને પ્રથમ ઝટકો લાગ્યો છે. પડિક્ક્લ 24 રન બનાવીને આઉટ થયો છે. જોસ બટલર શાનદાર બેટિંગ કરી રહ્યો છે. બટલર 74 રન બનાવી રમતમાં છે. સંજૂ સેમસન બેટિંગ કરવા આવ્યો છે.
રાજસ્થાન રોયલ્સની ટીમે પ્રથમ બેટિંગ કરતા શાનદાર શરુઆત કરી છે. આક્રમક ઈનિંગ કરતા બટલરે અડધી સદી ફટકારી છે. રાજસ્થાનની ટીમે 8 ઓવરમાં સ્કોર 80 રનને પાર કર્યો છે.
રાજસ્થાન રોયલ્સ પ્લેઈંગ ઈલેવન- જોસ બટલર, દેવદત્ત પડિકલ, સંજુ સેમસન (કેપ્ટન અને વિકેટકીપર), કરુણ નાયર, શિમરોન હેટમાયર, રિયાન પરાગ, રવિચંદ્રન અશ્વિન, ટ્રેન્ટ બોલ્ટ, પ્રણંદન ક્રિષ્ના, ઓબેદ મેકકોય, યુઝવેન્દ્ર ચહલ.
કોલકાતા નાઈટ રાઈડર્સે ટોસ જીતી પ્રથમ બોલિંગ કરવાનો નિર્ણય કર્યો છે.
બ્રેકગ્રાઉન્ડ
IPLમાં આજે રાજસ્થાન રોયલ્સ અને કોલકાતા નાઈટ રાઈડર્સ વચ્ચે મુકાબલો છે. આ મેચ સાંજે 7.30 વાગ્યે બ્રેબોર્ન સ્ટેડિયમમમાં શરૂ થશે. કોલકાતાએ અત્યાર સુધી 6 મેચમાં ત્રણ જીત નોંધાવી છે જ્યારે રાજસ્થાને 5 મેચમાં ત્રણ મેચ જીતી છે. જાણો આ મેચમાં બંને ટીમોની પ્લેઈંગ ઈલેવન કઈ હોઈ શકે છે અને કઈ ટીમ જીતી શકે છે. રાજસ્થાન રોયલ્સ અને કોલકાતા નાઈટ રાઈડર્સ વચ્ચેની હેડ ટુ હેડ મેચમાં કેકેઆરનો હાથ ઉપર છે. અત્યાર સુધી કોલકાતાએ રાજસ્થાન સામે 13 મેચ જીતી છે. બીજી તરફ રાજસ્થાન રોયલ્સે 11 મેચ જીતી છે.
- - - - - - - - - Advertisement - - - - - - - - -