પંડ્યા પર નારાજ થયો કપિલ દેવ, કહ્યું- મારી સાથે ન કરો તુલના

પૂર્વ ક્રિકેટર સંદીપ પાટિલે પણ કહ્યું કે, બંનેની તુલના કરવી ઠીક નથી. કારણકે હાલ પંડ્યા ક્રિકેટ કરિયરની શરૂઆતના તબક્કામાં છે. તેમણે વધુમાં જણાવ્યું, હું કપિલ સાથે વર્ષો સુધી ક્રિકેટ રમ્યો છું. તે શાનદાર પ્રદર્શન કરીને 15 વર્ષ ભારત માટે રમ્યા છે અને પંડ્યા હજુ તેની 5મી ટેસ્ટ રમી રહ્યો છે. તેણે લાંબો રસ્તો કાપવાનો છે.

મેચની પ્રથમ ઈનિંગમાં પણ તે રનઆઉટ થયો હતો. તેણે ક્રિઝ પર બેટ રાખ્યું નહોતું. તેના આ બેજવાબદાર ભર્યા રનઆઉટથી મેચમાં ભારતની પકડ નબળી પડી હતી.

નવી દિલ્હીઃ ટીમ ઈન્ડિયાના ઓલરાઉન્ડર હાર્દિક પંડ્યાથી પૂર્વ કેપ્ટન કપિલ દેવ નારાજ છે. ભારતના દિગ્ગજ ઓલરાઉન્ડર કપિલ દેવે કહ્યું કે, પંડ્યા દક્ષિણ આફ્રિકામાં આ પ્રકારની બેવકૂફીભરી ભૂલો કરવાનું ચાલુ રાખે તો તેની તુલના મારી સાથે ન કરવી જોઈએ.

ભારતને જ્યારે એક પાર્ટનરશિપની જરૂર હતી ત્યારે પંડ્યા બીજી ઈનિંગમાં લૂંગી એનગિડીના બોલને સ્લિપ ઉપરથી ફટકારવાના પ્રયાસમાં વિકેટકિપર ક્વિંટન ડીકોકને કેચ આપી બેઠો હતો.

પંડ્યાને ઘણી વખત કપિલ પછી ભારતનો સર્વશ્રેષ્ઠ ઓલરાઉન્ડર ગણાવવામાં આવ્યો છે. કપિલે સેંચુરિયન ટેસ્ટમાં પંડ્યાની બેટિંગની ટિકા કરતાં કહ્યું કે, ‘જો પંડ્યા આ રીતે ભૂલો કરવાનું ચાલુ રાખે તો મારી સાથે સરખામણીનો હકદાર નથી.’