ફૂટબોલર Lionel Messi મુંબઈમાં ક્રિકેટ મેચ રમવા આવશે, સચિન- કોહલી,ધોની-રોહિત સાથે થશે ટક્કર

મેસ્સી સચિન તેંડુલકર, રોહિત શર્મા, વિરાટ કોહલી સહિત ઘણા દિગ્ગજ ક્રિકેટરો સાથે મેચ રમી શકે છે

લિયોનેલ મેસ્સી

Source : X/ @Argentina

Lionel Messi Wankhede: જો તમે પણ આર્જેન્ટિનાના દિગ્ગજ ફૂટબોલર લિયોનેલ મેસ્સીના મોટા ચાહક છો તો આ સમાચાર તમારા માટે છે. મેસ્સી આ વર્ષના અંતમાં એટલે કે ડિસેમ્બરમાં ભારત આવી શકે છે. આ સ્ટાર ફૂટબોલર મુંબઈના વાનખેડે સ્ટેડિયમમાં પોતાનો જાદુ ફેલાવશે. ઈન્ડિયન એક્સપ્રેસના રિપોર્ટ અનુસાર, મેસ્સી ફૂટબોલમાં નહીં, પરંતુ ક્રિકેટમાં પોતાનો હાથ અજમાવતો જોવા મળશે. મેસ્સી સચિન તેંડુલકર, રોહિત શર્મા, વિરાટ કોહલી સહિત ઘણા દિગ્ગજ ક્રિકેટરો સાથે મેચ રમી શકે છે. જોકે, આ અંગે હજુ સુધી કોઈ સત્તાવાર નિવેદન બહાર આવ્યું નથી.

🚨 MESSI VS DHONI, VIRAT, ROHIT. 🚨

- Lionel Messi could play a 7-side cricket match with Virat Kohli, MS Dhoni, Rohit Sharma and Sachin at the Wankhede Stadium. (Express Sports). pic.twitter.com/4UE8apwRqn

— Mufaddal Vohra (@mufaddal_vohra) August 1, 2025

મેસ્સીનો ચાર્મ વાનખેડેમાં જોવા મળશે

વાસ્તવમાં ઇન્ડિયન એક્સપ્રેસ અનુસાર, લિયોનેલ મેસ્સી 14 ડિસેમ્બરે વાનખેડે મેદાન પર પોતાનો જાદૂ ફેલાવતો જોવા મળશે. એવું માનવામાં આવે છે કે જો બધું યોજના મુજબ રહ્યું તો મેસ્સી સચિન તેંડુલકર, રોહિત શર્મા, એમએસ ધોની અને વિરાટ કોહલી સાથે ક્રિકેટ મેચ રમતો જોવા મળશે.

એક ઇવેન્ટ એજન્સીએ મુંબઈ ક્રિકેટ એસોસિએશનને 14 ડિસેમ્બર સુધી મેદાનને બ્લોક રાખવા માટે વિનંતી કરી છે. મેસ્સી ભારતની મુલાકાત લેશે. એમસીએના એક સૂત્રએ જણાવ્યું હતું કે, "મેસ્સી 14 ડિસેમ્બરે વાનખેડે સ્ટેડિયમ આવશે. તે ભૂતપૂર્વ અને વર્તમાન ખેલાડીઓ સાથે ક્રિકેટ મેચ પણ રમી શકે છે. આયોજકો સંપૂર્ણ સમયપત્રક તૈયાર કર્યા પછી આ અંગે માહિતી આપશે."

લિયોનેલ મેસ્સી 13 થી 15 ડિસેમ્બર સુધી ભારતના પ્રવાસે આવી શકે છે. મેસ્સી આ સમય દરમિયાન મુંબઈ ઉપરાંત દિલ્હી અને કોલકાતાની પણ મુલાકાત લઈ શકે છે. આ સ્ટાર ફૂટબોલર 14 વર્ષ પછી ભારત આવશે. અગાઉ તે 2011માં મૈત્રીપૂર્ણ મેચ રમવા માટે ભારત આવ્યો હતો. અગાઉ એવા અહેવાલો હતા કે મેસ્સી ઓક્ટોબરમાં આખી આર્જેન્ટિનાની રાષ્ટ્રીય ટીમ સાથે ભારત આવી શકે છે. જોકે, આ યોજના હાલ માટે મુલતવી રાખવામાં આવી છે. 38 વર્ષીય મેસ્સી હાલમાં ઇન્ટર મિયામી ક્લબ તરફથી રમી રહ્યો છે. મેસ્સી આવતા વર્ષે તેનો છેલ્લો ફિફા વર્લ્ડ કપ રમતા જોવા મળશે. 2022માં તેણે પોતાની કેપ્ટનશીપમાં આર્જેન્ટિનાને ચેમ્પિયન બનાવ્યું હતું.